Smartphone Comparison: ఇన్‌ఫినిక్స్ నోట్ ఎడ్జ్ vs పోకో M8 vs వన్‌ప్లస్ నార్డ్ CE 5.. మిడ్ రేంజ్‌లో ఏ ఫోన్ బెస్ట్?

Infinix Note Edge vs Poco M8 vs OnePlus Nord CE 5 Smartphone Comparison| ఇండియన్ మార్కెట్‌లో ప్రస్తుతం మూడు కొత్త మిడ్-రేంజ్ 5G స్మార్ట్‌ఫోన్లు ఒకే ధర రేంజ్‌లో పోటీ పడుతున్నాయి. ఇన్‌ఫినిక్స్ నోట్ ఎడ్జ్ 5G, పోకో M8 5G, వన్‌ప్లస్ నార్డ్ CE 5 5G ఫోన్లు.. ధర, డిస్‌ప్లే, పర్‌ఫామెన్స్, కెమెరా, బ్యాటరీ ఫీచర్స్ పోల్చి వీటిలో ఏది బెటర్ అని చూద్దాం.

ధర, స్టోరేజ్ వేరియంట్లు

ఇన్‌ఫినిక్స్ నోట్ ఎడ్జ్ 5G మూడు స్టోరేజ్ వేరియంట్లలో వస్తుంది.
6GB RAM + 128GB స్టోరేజ్ మోడల్ ధర రూ.21,999.
8GB RAM + 128GB వేరియంట్ ధర రూ.23,999.
8GB RAM + 256GB మోడల్ ధర రూ.25,999.

పోకో M8 5G కూడా మూడు వేరియంట్లలో లభిస్తోంది.
6GB + 128GB మోడల్ రూ.21,999, 8GB + 128GB రూ.22,999 మరియు 8GB + 256GB రూ.24,999కి అందుబాటులో ఉన్నాయి.
వన్‌ప్లస్ నార్డ్ CE 5 5G రెండు వేరియంట్లను మాత్రమే ఇస్తోంది. 8GB + 128GB మోడల్ రూ.24,999, 8GB + 256GB మోడల్ రూ.26,999 ధరలో ఉన్నాయి. ఎక్కువ స్టోరేజ్ వేరియంట్లపాటు పోకో కొంచెం తక్కువ ధరలో బడ్జెట్ కస్టమర్లకు బెటర్ ఆప్షన్.

డిస్‌ప్లే క్వాలిటీ ఫీచర్లు

ఇన్‌ఫినిక్స్ నోట్ ఎడ్జ్ 5Gలో 6.78 ఇంచ్ 1.5K కర్వ్డ్ AMOLED డిస్‌ప్లే ఉంది. ఇది 2644 × 1208 రిజల్యూషన్, 120Hz రిఫ్రెష్ రేట్, 4500 నిట్స్ పీక్ బ్రైట్‌నెస్, 2160Hz PWM డిమ్మింగ్‌ను సపోర్ట్ చేస్తుంది.
పోకో M8 5Gలో 6.77 ఇంచ్ కర్వ్డ్ AMOLED డిస్‌ప్లే ఉంది. ఇది ఫుల్ HD+ రిజల్యూషన్, 120Hz రిఫ్రెష్ రేట్, 3200 నిట్స్ బ్రైట్‌నెస్‌ను అందిస్తుంది.
వన్‌ప్లస్ నార్డ్ CE 5 5Gలో 6.77 ఇంచ్ OLED డిస్‌ప్లే ఉంది. ఇది 2392 × 1080 రిజల్యూషన్, 120Hz రిఫ్రెష్ రేట్, 300Hz టచ్ సాంప్లింగ్ రేట్‌ను కలిగి ఉంది.
బ్రైట్‌నెస్ విషయంలో ఇన్‌ఫినిక్స్ టాప్.

ప్రాసెసర్ పర్‌ఫామెన్స్

ఇన్‌ఫినిక్స్ నోట్ ఎడ్జ్ 5Gలో మీడియాటెక్ డైమెన్సిటీ 7100 ప్రాసెసర్ ఉంది.
పోకో M8 5Gలో క్వాల్‌కామ్ స్నాప్‌డ్రాగన్ 6 జెన్ 3 చిప్‌సెట్ ఉంది.
వన్‌ప్లస్ నార్డ్ CE 5 5Gలో మీడియాటెక్ డైమెన్సిటీ 8350 ఏపెక్స్ ప్రాసెసర్ ఉంది.
పర్‌ఫామెన్స్, గేమింగ్, మల్టీటాస్కింగ్ విషయంలో వన్‌ప్లస్ చాలా బలంగా ఉంది.

ఆపరేటింగ్ సిస్టమ్

ఇన్‌ఫినిక్స్ నోట్ ఎడ్జ్ 5G ఆండ్రాయిడ్ 16 ఆధారిత XOS 16తో రన్ అవుతుంది. పోకో M8 5G ఆండ్రాయిడ్ 15 ఆధారిత HyperOS 2తో పనిచేస్తుంది. వన్‌ప్లస్ నార్డ్ CE 5 5G ఆండ్రాయిడ్ 15 ఆధారిత OxygenOS 15తో వస్తుంది. మూడు ఫోన్లు ఆధునిక సాఫ్ట్‌వేర్ ఎక్స్‌పీరియన్స్ ఇస్తాయి.

కెమెరా సెటప్

ఇన్‌ఫినిక్స్ నోట్ ఎడ్జ్ 5Gలో 50MP ప్రైమరీ రియర్ కెమెరా మరియు 13MP ఫ్రంట్ కెమెరా ఉన్నాయి.
పోకో M8 5Gలో 50MP ప్రైమరీ కెమెరా, 2MP సెకండరీ సెన్సార్ మరియు 20MP ఫ్రంట్ కెమెరా ఉన్నాయి.
వన్‌ప్లస్ నార్డ్ CE 5 5Gలో 50MP ప్రైమరీ కెమెరా (OIS సపోర్ట్), 8MP అల్ట్రా-వైడ్ కెమెరా మరియు 16MP ఫ్రంట్ కెమెరా ఉన్నాయి. కెమెరా వైవిధ్యంలో వన్‌ప్లస్ బెటర్.

కనెక్టివిటీ ఫీచర్లు

ఈ మూడు ఫోన్లలో 5G, డ్యూయల్ 4G VoLTE, Wi-Fi, బ్లూటూత్, GPS మరియు USB Type-C సపోర్ట్ ఉన్నాయి. ఇన్‌ఫినిక్స్‌లో NFC, బ్లూటూత్ 5.4 ఉన్నాయి. పోకోలో Wi-Fi 6, బ్లూటూత్ 5.1 ఉన్నాయి. వన్‌ప్లస్‌లో Wi-Fi 6, బ్లూటూత్ 5.4, NFC ఉన్నాయి.

బ్యాటరీ, ఛార్జింగ్

ఇన్‌ఫినిక్స్ నోట్ ఎడ్జ్ 5Gలో 6500mAh బ్యాటరీ, 45W ఫాస్ట్ ఛార్జింగ్ ఉన్నాయి.
పోకో M8 5Gలో 5520mAh బ్యాటరీ, 45W ఫాస్ట్ ఛార్జింగ్ ఉన్నాయి.
వన్‌ప్లస్ నార్డ్ CE 5 5Gలో 7100mAh పెద్ద బ్యాటరీ, 80W సూపర్ ఫాస్ట్ ఛార్జింగ్ ఉన్నాయి.
బ్యాటరీ, ఛార్జింగ్ స్పీడ్‌లో వన్‌ప్లస్ టాప్‌లో ఉంది.

Also Read: పెరగనున్న ల్యాప్‌టాప్ ధరలు.. ఇప్పటికే పెంచేసిన HP, Dell కంపెనీలు

బ్రైట్ డిస్‌ప్లే, బ్యాలెన్స్‌డ్ ధర కావాలనుకునేవారు ఇన్‌ఫినిక్స్ నోట్ ఎడ్జ్ 5G తీసుకోవచ్చు.
మంచి వాల్యూ ఫర్ మనీ కోసం పోకో M8 5G బెస్ట్.
పవర్‌ఫుల్ పర్‌ఫామెన్స్, మంచి కెమెరా సెటప్, పెద్ద బ్యాటరీ కావాలంటే వన్‌ప్లస్ నార్డ్ CE 5 5G అన్నింటి కంటే బెటర్ ఆప్షన్. మీ అవసరాలు, ప్రాధాన్యతల ఆధారంగా ఎంచుకోండి.