iPhone 17 Pro Price Drop: యాపిల్ లవర్స్కి ఇది నిజంగా శుభవార్తే. త్వరలోనే ఐఫోన్ 18 ప్రో మోడల్ మార్కెట్లోకి రాబోతున్న తరుణంలో.. ఐఫోన్ 17 ప్రో మోడల్పై భారీ ఆఫర్లు అందుబాటులోకి వచ్చాయి. ప్రముఖ ఫ్లాట్ఫామ్ బైట్పే (BytePe) ద్వారా ఈ ఫోన్పై ఏకంగా రూ.22,000 వరకు ఆదా చేసుకునే అవకాశం లభిస్తోంది. కొత్త వెర్షన్ రాకముందే ఐఫోన్ ప్రో మోడల్ సొంతం చేసుకోవాలనుకునే వారికి ఇది మంచి అవకాశం అని చెప్పవచ్చు.
ప్రస్తుతం బైట్పేలో iPhone 17 Pro ఆఫర్లతో కలిపి ప్రభావవంతమైన ధర రూ.1,19,449 వద్ద లభిస్తోంది. ఆన్లైన్ షాపింగ్ ప్రియులు ఎక్కువగా వాడే ఫ్లిప్కార్ట్లో 256GB వేరియంట్ ధర రూ.1,32,900గా ఉంది. బ్యాంకు ఆఫర్లు, ఎక్స్చేంజ్ బోనస్లు ఉపయోగిస్తే అక్కడ రూ.1,23,900 వరకు తగ్గుతుంది. ఇక అమేజాన్లో ఈ ఫోన్ రూ.1,29,490 వద్ద అందుబాటులో ఉంది. మొత్తంగా చూస్తే బైట్పేలోనే అతి తక్కువ ధరకు ఇది లభిస్తోంది.
Also Read: వాట్సప్లో సరికొత్త AI Scam Alert ఫీచర్.. ఇకపై ఫ్రాడ్ మెసేజ్లను ముందే కనిపెట్టేయొచ్చు!
ఒకేసారి అంత డబ్బు చెల్లించలేని వారి కోసం బైట్పే ప్రత్యేక సదుపాయాలు అందిస్తోంది. నెలకు రూ.5,849 ప్రారంభ ఈఎంఐతో పాటు సున్నా వడ్డీ (నో-కాస్ట్) ఈఎంఐ సదుపాయాన్ని కూడా ఇస్తోంది. అంతేకాకుండా ‘సబ్స్క్రైబ్-టు-ఓన్’ పద్ధతి ద్వారా ఫోన్ను నెలకు కొంత చెల్లించి వాడుకోవచ్చు. ఆ తర్వాత నచ్చితే ఫోన్ ఉంచుకోవచ్చు లేదా బైబ్యాక్ వాల్యూ ఆధారంగా అప్గ్రేడ్ అవ్వొచ్చు.
వచ్చే సెప్టెంబర్లో iPhone 18 Pro రాబోతోంది. ఇందులో సరికొత్త ఏ20 ప్రో చిప్సెట్, మరింత శక్తివంతమైన కెమెరాలు రానున్నాయని ప్రచారం జరుగుతోంది. అయితే కొత్త మోడల్ ధరలు కూడా కొద్దిగా పెరిగే అవకాశం ఉంది. కాబట్టి.. లేటెస్ట్ ఫీచర్లే కావాలి అనుకుంటే కొత్త ఐఫోన్ కోసం ఆగడం మంచిది. అలా కాకుండా, తక్కువ బడ్జెట్లో ప్రీమియం ఐఫోన్ ప్రో ఎక్స్పీరియన్స్ కావాలనుకునే వారికి ప్రస్తుత ఐఫోన్ 17 ప్రో ఆఫర్ ఒక సూపర్ డీల్ అని చెప్పవచ్చు.
Also Read: మీడియాటెక్ ప్రాసెసర్తో Samsung Galaxy Tab S12 Ultra.. లాంచ్కు ముందే పూర్తి వివరాలు లీక్!
Share
ధ్రువ్ జురెల్ వికెట్ పై వివాదం...తెరపైకి ఫిక్సింగ్ ఆరోపణలు !
సెన్సార్ పూర్తి చేసుకున్న రవితేజ 'ఇరుముడి'.. రన్ టైమ్ లాక్!
