WhatsApp Scam Alert: ప్రముఖ సోషల్ మీడియా ప్లాట్ఫామ్ వాట్సప్ మన రోజువారీ జీవితంలో ఒక ముఖ్య భాగమైపోయింది. కానీ, అదే సమయంలో సైబర్ నేరగాళ్లకు కూడా ఇది పెద్ద అడ్డాగా మారింది. రకరకాల మోసపూరిత మెసేజ్లతో అమాయకులను ముంచేస్తున్నారు. ఈ సమస్యకు చెక్ పెట్టేందుకు మెటా సంస్థ Scam Alert అనే ఒక కొత్త ఏఐ (AI) ఫీచర్ను సిద్ధం చేస్తోంది. మనకు వచ్చే అనుమానాస్పద మెసేజ్లను ఇది ముందే గుర్తించి హెచ్చరిస్తుంది.
మనం ఈ ఫీచర్ను ఆన్ చేసుకోగానే.. ఒక ఏఐ మోడల్ మన ఫోన్లోకి డౌన్లోడ్ అవుతుంది. మనకు తెలిసీ తెలియని కొత్త నెంబర్ల నుంచి ఏవైనా మెసేజ్లు వస్తే ఇది నిశితంగా పరిశీలిస్తుంది. ముఖ్యంగా అత్యవసరంగా డబ్బులు పంపాలని అడగడం, వ్యక్తిగత సమాచారం సేకరించడం, నకిలీ పెట్టుబడి ఆఫర్లు లేదా పరిచయం పెంచుకుని మోసం చేసే రొమాన్స్ స్కామ్ల ప్యాటర్న్స్ను ఇది పసిగడుతుంది. తేడాగా అనిపిస్తే వెంటనే చాట్ స్క్రీన్పై మనల్ని అప్రమత్తం చేస్తుంది.
Also Read: మీడియాటెక్ ప్రాసెసర్తో Samsung Galaxy Tab S12 Ultra.. లాంచ్కు ముందే పూర్తి వివరాలు లీక్!
చాలామందికి మన చాటింగ్లు మెటా చూస్తుందేమో అన్న అనుమానం రావచ్చు. కానీ ఇక్కడ ఆ భయం అక్కర్లేదు. మెసేజ్ల పరిశీలన అంతా మన మొబైల్లోనే (On-Device) జరుగుతుంది. ఏ సమాచారం కూడా కంపెనీ సర్వర్లకు వెళ్లదు. ఒకవేళ ఏఐ ఏదైనా మంచి చాట్ను పొరపాటున స్కామ్గా గుర్తిస్తే.. దాన్ని అధిగమించడానికి Trusted అని మార్క్ చేసే వెసులుబాటు కూడా ఉంది. మెటాకు నివేదించడం అనేది పూర్తిగా మన చేతుల్లోనే ఉంటుంది.
ప్రస్తుతం ఈ ఫీచర్ కొద్దిమంది బీటా యూజర్లకు మాత్రమే అందుబాటులో ఉంది. పరీక్షలు పూర్తయ్యాక అందరికీ అందుబాటులోకి వస్తుంది. ముఖ్యంగా భారతదేశంలో రోజురోజుకూ పెరిగిపోతున్న పార్ట్ టైమ్ జాబ్ స్కామ్లు, నకిలీ ఇన్వెస్ట్మెంట్ ఫ్రాడ్ల నుంచి రక్షణ పొందడానికి ఈ కొత్త ఫీచర్ యూజర్లకు ఒక కవచంలా ఉపయోగపడుతుందనడంలో సందేహం లేదు.
Also Read: టెక్ వరల్డ్లో శాంసంగ్ సంచలనం.. ఒకేసారి 4 కొత్త ఫోల్డబుల్ ఫోన్లు, లాంచ్ ఎప్పుడంటే?
Share
జీప్ కంపాస్ స్పెషల్ ఎడిషన్ వచ్చేసింది.. జస్ట్ 85 యూనిట్లు మాత్రమే!
ఒక్కొక్కటి కాదు.. ఒకేసారి 50 వందే భారత్ స్లీపర్ రైళ్లు వచ్చేస్తున్నాయ్!
