iQOO Z11: మార్కెట్లోకి ఎన్ని ఫోన్లు వచ్చినా.. ఐకూ ఇచ్చే ఆ క్రేజ్ వేరు. ఇప్పుడు ‘ఐకూ Z11’ రూపంలో మరొక సూపర్ స్మార్ట్‌ఫోన్ భారత్‌లోకి రాబోతోంది. ఇప్పటికే చైనాలో లాంచ్ అయి మంచి టాక్ తెచ్చుకున్న ఈ ఫోన్‌ను.. మన దేశంలోని ఐకూ అభిమానుల కోసం మరింత స్టైలిష్‌గా రీ-డిజైన్ చేశారు. ఆ కొత్త లుక్ ముచ్చట్లేంటో ఇప్పుడు చూసేద్దాం!
ఐకూ ఇండియా సీఈఓ నిపున్ మార్యా ఈ ఫోన్ డిజైన్‌కు సంబంధించిన టీజర్‌ను సోషల్ మీడియాలో పంచుకున్నారు. చైనా మోడల్‌తో పోలిస్తే ఇండియన్ వేరియంట్ వెనుక వైపు డిజైన్ పూర్తిగా భిన్నంగా ఉంది. దీని వెనుక భాగంలో పిల్ షేప్‌లో ఉన్న ‘స్కైలైన్ కెమెరా మాడ్యూల్’ ప్రత్యేక ఆకర్షణగా నిలుస్తోంది. దీనిలో రెండు పెద్ద కెమెరా రింగ్స్, ఒక సెన్సార్‌తో పాటు ఒక ఎల్ఈడీ లైట్ రింగ్ కూడా ఇచ్చారు.
Also Read: యాపిల్ నుంచి మరో సంచలనం.. ఈసారి ఎయిర్‌పాడ్స్‌లోనే కెమెరాలు!
iQOO Z11 స్మార్ట్‌ఫోన్ అరోరా గ్రీన్, సెలెస్టియల్ బ్లూ అనే రెండు క్రేజీ కలర్స్‌లో అందుబాటులోకి రానుంది. అలాగే చేతిలో పట్టుకోవడానికి వీలుగా 3D కర్వ్‌డ్ డిస్‌ప్లే, సన్నని ఫ్రేమ్‌తో పాటు వెనుక వైపు కర్వ్‌డ్ ప్యానెల్ ఉండే అవకాశం ఉంది. దీంతో పాటు పైభాగంలో స్పీకర్ గ్రిల్, మైక్రోఫోన్ ఉండగా.. కుడివైపు వాల్యూమ్, పవర్ బటన్లు ఇచ్చారు. ఇక పెర్ఫార్మెన్స్ విషయానికొస్తే.. ఈ ఫోన్‌లో క్వాల్కమ్ స్నాప్‌డ్రాగన్ 7 జెన్ 4 ప్రాసెసర్‌ను వాడనున్నట్లు సమాచారం.
కంపెనీ ఇంకా అధికారిక లాంచ్ తేదీని ప్రకటించనప్పటికీ.. ఈ నెలలోనే భారత మార్కెట్లోకి iQOO Z11 వస్తుందని అంచనా వేస్తున్నారు. చైనాలో దీని బేస్ వేరియంట్ (8GB + 256GB) ధర రూ.31,200 నుండి ప్రారంభమైంది. మన దేశంలో కూడా దాదాపు ఇదే బడ్జెట్ ధరలో అందుబాటులోకి వచ్చే అవకాశం ఉంది. కెమెరా, డిజైన్ పరంగా కొత్తదనం కోరుకునే వారికి ఐకూ Z11 మంచి ఆప్షన్ కానుంది.
Also Read: Amazon Saleలో భారీగా పడిపోయిన OnePlus ఫోన్ల ధరలు.. ఏ మోడల్‌పై ఎంత తగ్గిందో తెలుసా?
Share
ఓటీటీ స్ట్రీమింగ్ కి సిద్ధమైన ఓ సుకుమారి.. ఎక్కడ చూడొచ్చంటే?
బావిలో దొరికిన మహిళ శవం... దర్యాప్తులో బయటపడిన భయంకర రహస్యం
