Amazon Freedom Sale 2026: వన్ప్లస్ ప్రియుల కోసం ఈ నెల 7 నుంచి అమెజాన్ భారీ ఆఫర్లతో ‘గ్రేట్ ఫ్రీడమ్ సేల్ 2026’ను ప్రారంభించబోతోంది. భారత స్వాతంత్ర్య దినోత్సవం సందర్భంగా వచ్చే ఈ సేల్లో స్మార్ట్ఫోన్లతో పాటు అనేక ఎలక్ట్రానిక్ వస్తువులపై భారీ తగ్గింపులు ఉండనున్నాయి. ముఖ్యంగా వన్ప్లస్ అభిమానులకు ఇది నిజంగా పెద్ద పండగే అని చెప్పాలి. ఎందుకంటే.. బడ్జెట్ ఫోన్ల నుంచి ఫ్లాగ్షిప్ మోడల్స్ వరకు అన్నింటిపైనా అమెజాన్ అద్భుతమైన తగ్గింపులను ప్రకటించింది.
Amazon Freedom Saleలో అందరి దృష్టినీ ఆకర్షిస్తున్న విషయం ఏమిటంటే.. వన్ప్లస్ ఫోన్లు కేవలం రూ.17,499 నుంచే ప్రారంభం కానున్నాయి. కొత్తగా వచ్చిన OnePlus Nord N6x మోడల్ను ఆఫర్లు పోను ఈ ఆకర్షణీయ ధరకే సొంతం చేసుకోవచ్చు. ఇక కాస్త ఎక్కువ బడ్జెట్ ఉన్నవారి కోసం OnePlus N6 మోడల్ కూడా రూ.20,999కి లభించనుంది. తక్కువ ధరలో మంచి బ్రాండెడ్ ఫోన్ కొనాలనుకునే వారికి ఇది సరైన అవకాశం.
Also Read: రూ.75 వేల Samsung S25 ఇప్పుడు ఇంత తక్కువకా? Flipkart Freedom Saleలో దిమ్మతిరిగే డీల్!
మెరుగైన పనితీరు అందించే టాప్ ఎండ్ ఫోన్ల కోసం చూస్తుంటే.. OnePlus 15 ఫ్లాగ్షిప్ మోడల్ రూ.81,999కే లభించే అవకాశం ఉంది. దీంతో పాటు OnePlus 15R మోడల్ రూ.56,999కి, కాంపాక్ట్ డిజైన్తో వచ్చే OnePlus 13S రూ.49,999కే అందుబాటులోకి రానున్నాయి. ఈ ధరలు సాధారణ సమయం కంటే చాలా తక్కువ కావడంతో ప్రీమియం ఫోన్ ప్రియులు ఈ సేల్ కోసం ఆసక్తిగా ఎదురుచూస్తున్నారు.
చాలామందికి నార్డ్ సిరీస్ ఫోన్లు అంటే ప్రత్యేకమైన ఇష్టం ఉంటుంది. ధర, ఫీచర్ల విషయంలో ఇవి మంచి బ్యాలెన్స్ ఇస్తాయి. ఈ సేల్లో OnePlus Nord 6 మోడల్ను రూ.41,999కి, అలాగే Nord CE 6 మోడల్ను రూ.31,999కే కొనుగోలు చేయవచ్చు. రోజువారీ వాడకానికి, గేమింగ్కు ఇవి చాలా బాగా ఉపయోగపడతాయి.
కేవలం డైరెక్ట్ డిస్కౌంట్లే కాకుండా.. HDFC బ్యాంక్ క్రెడిట్ కార్డులు లేదా EMI ద్వారా కొనుగోలు చేసేవారికి 10 శాతం వరకు తక్షణ డిస్కౌంట్ లభిస్తుంది. అమెజాన్ పే ఐసిఐసిఐ కార్డు ఉన్నవారికి 5 శాతం అపరిమిత క్యాష్బ్యాక్ కూడా వర్తిస్తుంది. దీనికి తోడు పాత ఫోన్ ఎక్స్ఛేంజ్ బోనస్లు, నో-కాస్ట్ ఇఎమ్ఐ సదుపాయాలు కూడా ఉన్నాయి. కాబట్టి కొనేముందు ఆఫర్లన్నీ సరిగ్గా సరిచూసుకుని కొంటే మరింత డబ్బు ఆదా చేసుకోవచ్చు.
Also Read: యాపిల్ నుంచి హెల్త్ స్మార్ట్ గ్లాసెస్.. వర్కౌట్స్, ఫిట్నెస్ ట్రాకింగ్ ఇక కళ్లద్దాలతోనే!
Share
సుప్రీం కోర్టు జడ్జీల పెంపుపై.. ఎంపీ రఘునందన్ రావు సంచలన వ్యాఖ్యలు!
డైమండ్ కట్ డిజైన్,బ్లూటూత్ కాలింగ్.. బోల్ట్ కొత్త వాచ్ చూస్తే ఎవ్వరైనా ఫిదా!
