Meta: ఫేస్బుక్, ఇన్స్టాగ్రామ్ వినియోగించే పిల్లలు, టీనేజర్ల భద్రతపై చాలాకాలంగా కొనసాగుతున్న న్యాయపోరాటానికి మెటా ముగింపు పలికింది. అమెరికాలోని పలు రాష్ట్రాలతో కుదుర్చుకున్న భారీ సెటిల్మెంట్లో భాగంగా కంపెనీకి భారీ మొత్తాన్ని చెల్లించాల్సి రావడంతో పాటు, యువ వినియోగదారుల కోసం కొత్త భద్రతా నిబంధనలను అమలు చేయాల్సి ఉంటుంది. ఈ మార్పులు సోషల్ మీడియా వినియోగంపై పెద్ద ప్రభావమే చూపించే అవకాశం ఉంది.
18 ఏళ్లలోపు వినియోగదారులకు Facebook, Instagramలో డిఫాల్ట్గా రోజుకు రెండు గంటల వినియోగ పరిమితిని తీసుకురావాలని Meta నిర్ణయించింది. ఈ పరిమితిని తొలగించాలంటే టీనేజర్లకు తల్లిదండ్రుల అనుమతి అవసరం కానుంది. రాత్రి వేళల్లో, స్కూల్ సమయాల్లో వినియోగాన్ని తగ్గించేలా అదనపు నియంత్రణలు కూడా రానున్నాయి.
Also Read: iPhone 18 Pro లాంచ్కు డేట్ ఫిక్స్.. సెప్టెంబర్ 9న యాపిల్ ఈ ప్రొడక్ట్స్ తీసుకురానుందా?
వయసుకు సరిపోని కంటెంట్ నుంచి పిల్లలను రక్షించేందుకు Meta మరిన్ని మార్పులు చేయనుంది. పేరెంటల్ కంట్రోల్ ఫీచర్లను మెరుగుపరచడంతో పాటు, చిన్న వయసు ఖాతాలకు అదనపు రక్షణ కల్పించనుంది. కొన్ని కాస్మెటిక్ ఫిల్టర్లు, లైక్లు వంటి ఎంగేజ్మెంట్ సూచికలపై కూడా పరిమితులు విధించనుంది.
ఈ విస్తృత సెటిల్మెంట్ వల్ల మెటాకు మొత్తం దాదాపు 18 బిలియన్ డాలర్ల వరకు ఖర్చయ్యే అవకాశం ఉంది. ప్రధాన మల్టీస్టేట్ ఒప్పందంలో సుమారు 16.7 బిలియన్ డాలర్లు ఉండగా, కేంబ్రిడ్జ్ అనలిటికాకు సంబంధించిన ప్రైవసీ క్లెయిమ్ల కోసం మరో 459 మిలియన్ డాలర్ల చెల్లింపు ఉంది.
మెటాపై వచ్చిన ఆరోపణల్లో పిల్లల వ్యక్తిగత సమాచార సేకరణ, సోషల్ మీడియా వినియోగం వల్ల కలిగే ప్రభావాలపై వినియోగదారులను తప్పుదోవ పట్టించడం వంటి అంశాలు కూడా ఉన్నాయి. మెటా తప్పు చేసినట్లు అంగీకరించలేదు. ఇదే సమయంలో TikTok, YouTube, Snapchat వంటి ప్లాట్ఫామ్లు కూడా యువ వినియోగదారుల భద్రతపై ఇదే తరహా పరిశీలనను ఎదుర్కొంటున్నాయి. ఈ సెటిల్మెంట్ భవిష్యత్తులో మొత్తం సోషల్ మీడియా పరిశ్రమలో యువత భద్రతకు సంబంధించిన నిబంధనలకు దారితీయొచ్చు.
Also Read: ట్విట్టర్ పేరు మళ్లీ వచ్చింది.. Xతో ట్రేడ్మార్క్ వివాదం మధ్య Twitter.now లాంచ్!
Share
iPhone 18 Pro లాంచ్కు డేట్ ఫిక్స్.. సెప్టెంబర్ 9న యాపిల్ ఈ ప్రొడక్ట్స్ తీసుకురానుందా?
60 ఏళ్ల వివాదానికి చెక్.. పైగా భూములపై ప్రభుత్వం గుడ్ న్యూస్.. రిజిస్ట్రేషన్లకు గ్రీన్ సిగ్నల్!
