Motorola Edge 70 Ultra 5G: మోటరోలా భారీ ఎంట్రీ.. కెమెరా, బ్యాటరీ, డిస్‌ప్లే అన్నీ టాప్ క్లాస్!

Motorola Edge 70 Ultra 5G: మోటరోలా అనగానే మనకి మొదట గుర్తొచ్చేది ఒక హిస్టారికల్ మొబైల్ బ్రాండ్. ఈ కంపెనీ 1930లో రేడియో, ఎలక్ట్రానిక్స్‌తో మొదలై, మొబైల్ ఫోన్ హిస్టరీలో ఫస్ట్ రూలర్స్‌గా నిలిచింది. నిజానికి మొబైల్ ఫోన్ అనే కాన్సెప్ట్‌ని కమర్షియల్‌గా మార్కెట్లోకి తీసుకొచ్చిన బ్రాండ్ కూడా మోటరోలానే. 2000లలో వారి “రేజర్” ఫ్లిప్ ఫోన్లు ఎంత పాపులర్ అయ్యాయో అందరికీ గుర్తే.

ఆ తర్వాత కొన్ని సంవత్సరాలు బ్రాండ్ డౌన్ అయ్యింది కానీ, ఇప్పుడు మళ్లీ కొత్త టెక్నాలజీతో, అద్భుతమైన ఫీచర్లతో మార్కెట్లోకి వస్తూ, యువతలో మంచి ఇమేజ్ క్రియేట్ చేస్తోంది. ముఖ్యంగా ఎడ్జ్ సిరీస్‌తో ఫ్లాగ్‌షిప్ సెగ్మెంట్‌లో బలమైన స్థానం సంపాదించుకుంటోంది. ఇప్పుడు ఆ సిరీస్‌లో కొత్తగా వచ్చిందీ మోటరోలా ఎడ్జ్ 70 అల్ట్రా 5జి. దీని ఫీచర్లు చూస్తే ఒక మాటలో చెప్పాలంటే, ఇది ఫ్లాగ్‌షిప్ కిల్లర్.

200ఎంపి ప్రైమరీ కెమెరా

ముందుగా కెమెరా గురించి మాట్లాడుకుందాం. ఈ ఫోన్‌లో 200ఎంపి ప్రైమరీ కెమెరా ఉంది. 200 మెగాపిక్సెల్స్ అనగానే మనకి డౌట్ వస్తుంది. అంత పెద్ద కెమెరా అవసరమా?” కానీ దీని రియల్ యూసేజ్ లో మనకి స్పష్టంగా తెలుస్తుంది. ఫోటోలు ఎంత జూమ్ చేసినా డీటైల్ లాస్ కాకుండా సూపర్ క్లియర్‌గా కనిపిస్తాయి. నైట్ మోడ్‌లో కూడా ఈ సెన్సార్ చాలా అద్భుతంగా పనిచేస్తుంది. వీడియోలు రికార్డ్ చేసినా, సినిమాటిక్ లుక్ వస్తుంది. వీటితో పాటు ఓఐఎస్ (Optical Image Stabilization) ఉంది కాబట్టి వీడియోలో షేకింగ్ సమస్య కూడా ఉండదు.

7000 ఎంఏహెచ్ భారీ బ్యాటరీ

తర్వాత బ్యాటరీ గురించి. ఈ ఫోన్ 7000ఎంఏహెచ్ భారీ బ్యాటరీతో వచ్చింది. ఇది స్మార్ట్‌ఫోన్ మార్కెట్లో చాలా అరుదైనది. సాధారణంగా 5000ఎంఏహెచ్, 6000ఎంఏహెచ్ బ్యాటరీలతో వచ్చే ఫోన్లు ఎక్కువ, కానీ 7000ఎంఏహెచ్ అంటే ఒకసారి ఫుల్ ఛార్జ్ చేస్తే రెండు రోజులు టెన్షన్ లేకుండా వాడుకోవచ్చు. ఫాస్ట్ ఛార్జింగ్ సపోర్ట్ కూడా ఉంది, అంటే పెద్ద బ్యాటరీ ఉన్నా టైం వేస్ట్ కాకుండా త్వరగా ఛార్జ్ అవుతుంది.

Also Read: iPhone history: ప్రపంచాన్ని మార్చిన ఐపోన్ ఎవరు కనిపెట్టారు? ఎప్పుడు మొదలైంది?

హెచ్‌డిఆర్10 ప్లస్ సపోర్ట్ ఉన్న అమోలేడ్ ప్యానెల్

డిస్‌ప్లే గురించి చెప్పాలంటే, ఇది హెచ్‌డిఆర్10 ప్లస్ సపోర్ట్ ఉన్న అమోలేడ్ ప్యానెల్. క్వాలిటీ విషయంలో ఇది టాప్ నాచ్. మీరు సినిమాలు చూడటానికి, ఓటిటిలో కంటెంట్ స్ట్రీమ్ చేయడానికి లేదా గేమింగ్ చేయడానికి వాడినా, ఈ డిస్ప్లే మీద కలర్స్ చాలా రిచ్‌గా, క్రిస్టల్ క్లియర్‌గా కనిపిస్తాయి. డిస్‌ప్లే రిఫ్రెష్ రేట్ కూడా ఎక్కువగా ఉండే అవకాశం ఉంది, కాబట్టి స్క్రోలింగ్, గేమింగ్ అన్నీ బటర్ స్మూత్ అనిపిస్తాయి.

మోటరోలా లేటెస్ట్ స్నాప్‌డ్రాగన్ ప్రాసెసర్‌

పర్ఫార్మెన్స్ విషయానికి వస్తే, మోటరోలా లేటెస్ట్ స్నాప్‌డ్రాగన్ ప్రాసెసర్‌ను అందించింది. ఇది 5జి సపోర్ట్‌తో వస్తుంది కాబట్టి నెట్‌వర్క్ స్పీడ్ కూడా అద్భుతంగా ఉంటుంది. ప్రాసెసర్ పవర్‌ఫుల్‌గా ఉండటంతో గేమింగ్‌లో ల్యాగ్, హీటింగ్ సమస్యలు చాలా తక్కువగా ఉంటాయి. పబ్‌జి, కోడ్, జెన్షిన్ ఇంపాక్ట్ లాంటి హై ఎండ్ గేమ్స్ కూడా స్మూత్‌గా రన్ అవుతాయి. మల్టీటాస్కింగ్, ఆఫీస్ వర్క్, ఎడిటింగ్ అన్నీ ఈజీగా హ్యాండిల్ చేస్తుంది.

ఆండ్రాయిడ్ ఎక్స్‌పీరియెన్స్ సాఫ్ట్‌వేర్

సాఫ్ట్‌వేర్ విషయానికి వస్తే మోటరోలా ప్రత్యేకత ఏమిటంటే, చాలా క్లీన్ ఆండ్రాయిడ్ ఎక్స్‌పీరియెన్స్ ఇస్తుంది. ఎక్కువగా బ్లోట్‌వేర్ ఉండదు. ఆఫీషియల్ అప్‌డేట్స్ కూడా క్విక్‌గా వస్తాయి కాబట్టి దీర్ఘకాలం స్మార్ట్‌ఫోన్ బెటర్‌గా పనిచేస్తుంది.

ఇప్పుడు ధర గురించి మాట్లాడితే, కంపెనీ ఇంకా ఆఫీషియల్‌గా రివీల్ చేయలేదు. కానీ మార్కెట్లో వచ్చిన లీక్స్, రూమర్స్ చూస్తుంటే ఇది ప్రీమియమ్ సెగ్మెంట్‌లోనే ఉంటుందని అర్థమవుతోంది. అయినా కూడా ఈ ఫీచర్లు అందిస్తున్న విలువ చూస్తే, కాంపిటీషన్‌లో ఉన్న సామ్‌సంగ్, వన్‌ప్లస్, ఐక్యూ, షియోమి ఫోన్లతో పోలిస్తే మోటరోలా ఎడ్జ్ 70 అల్ట్రా 5జి ఖచ్చితంగా ఒక స్ట్రాంగ్ ఆప్షన్ అవుతుంది.

మొత్తం మీద, 200ఎంపి కెమెరా, 7000 ఎమ్‌ఏ‌హెచ్ బ్యాటరీ, హెచ్‌డిఆర్ 10 ప్లస్ అమోలేడ్ డిస్‌ప్లే, స్నాప్‌డ్రాగన్ పవర్‌ఫుల్ ప్రాసెసర్ ఇవన్నీ కలిపి చూసినప్పుడు ఈ ఫోన్ ఒక అద్భుతమైన ప్యాకేజ్. టెక్నాలజీ ప్రియులు, గేమర్స్, ఫోటోగ్రఫీ లవర్స్ అందరికీ ఇది సరైన ఆప్షన్ అవుతుందని చెప్పవచ్చు.

Share

• 
• 
• 
• 
• 
•