Noise REP Fitness Band: టెక్ దిగ్గజం నాయిస్ మార్కెట్లోకి Noise REP పేరుతో ఒక ప్రత్యేకమైన ఫిట్నెస్ బ్యాండ్ను తీసుకొచ్చింది. సాధారణ స్మార్ట్వాచ్లకు భిన్నంగా దీనికి ఎలాంటి డిస్ప్లే ఉండదు. డిస్ట్రాక్షన్స్ లేకుండా కేవలం ఆరోగ్యం, ఫిట్నెస్పై మాత్రమే శ్రద్ధ పెట్టాలనుకునే వారి కోసం దీనిని రూపొందించారు. ఇప్పుడీ బ్యాండ్ యొక్క ధర, ఫీచర్లు, పూర్తి వివరాలేమిటో తెలుసుకుందాం.
ఇది కేవలం 27 గ్రాముల బరువుతో చాలా తేలికగా ఉంటుంది. స్టెయిన్లెస్ స్టీల్ బాడీ, సౌకర్యవంతమైన నైలాన్ స్ట్రాప్తో రోజంతా సులభంగా ధరించవచ్చు. వాటర్ రెసిస్టెన్స్ సపోర్ట్ కూడా ఉండటంతో వర్కౌట్స్ చేసేటప్పుడు లేదా నీటి వాతావరణంలోనూ ధైర్యంగా వాడుకోవచ్చు.
ఈ బ్యాండ్లో రోజంతా గుండె వేగం, ఆక్సిజన్ స్థాయిలు (SpO2), స్ట్రెస్ లెవెల్స్, బాడీ టెంపరేచర్, నిద్రను ఖచ్చితత్వంతో ట్రాక్ చేసే సెన్సార్లు ఉన్నాయి. దీనిలో డిస్ప్లే ఉండదు కాబట్టి.. సేకరించిన హెల్త్ డేటానంతా మన ఫోన్లోని నాయిస్ ఫిట్ (NoiseFit) యాప్లో వివరంగా చూసుకోవచ్చు.
Also Read: డిజైన్ పిచ్చెక్కిస్తోంది బాబోయ్.. ఐకూ లవర్స్కి ఇది కదా కావాల్సింది!
ఆటోమేటిక్ వర్కౌట్ డిటెక్షన్ ద్వారా వాకింగ్, రన్నింగ్ వంటి 20కి పైగా స్పోర్ట్స్ మోడ్స్ను ఇది లెక్కిస్తుంది. ఎలాంటి నెలవారీ సబ్స్క్రిప్షన్ ఫీజులు లేకుండా ఉచితంగానే ఆర్టిఫిషియల్ ఇంటెలిజెన్స్ (AI) సాయంతో హెల్త్ రిపోర్ట్స్ ఇస్తుంది. ఒక్కసారి ఛార్జ్ చేస్తే ఏకంగా 10 రోజుల వరకు బ్యాటరీ లైఫ్ అందిస్తుంది.
ఈ Noise REP Fitness Band అసలు ధర రూ.9,999 కాగా.. నాయిస్ వెబ్సైట్, అమెజాన్, ఫ్లిప్కార్ట్లలో అందుబాటులో ఉంది. అయితే రూ.999తో REP Pass తీసుకుంటే రూ.2,000 తగ్గింపు వస్తుంది. దీనికి తోడు HDFC బ్యాంక్ కార్డులపై మరో రూ.1,000 తగ్గింపుతో మొత్తంగా రూ.7,999కే ఈ బ్యాండును సొంతం చేసుకోవచ్చు. ఉచితంగా రూ.1,999 విలువైన స్ట్రాప్ కూడా లభిస్తుంది.
Also Read: రూ.599కే వన్ప్లస్ హెడ్ఫోన్స్.. ఫోన్లపై ఊహించని డిస్కౌంట్లు, Independence Day Sale ఆఫర్లు ఇవే!
Share
బుల్లెట్ రైల్లో భోజనం ఇలా ఉంటుందా? మీరు అస్సలు ఊహించి ఉండరు!
94 శాతం ఫ్రెష్ రేటింగ్ ఉన్న హాలీవుడ్ ఇంటెన్స్ థ్రిల్లర్... తెలుగులోనే ఇప్పుడు రెండు ఓటీటీల్లో
