నథింగ్ నుంచి అత్యంత చౌకైన ఫోన్.. ఆ లుక్ చూసి టెక్ ప్రియులంతా ఫిదా, లాంచ్ ఎప్పుడంటే?

Nothing Phone 4b: స్మార్ట్‌ఫోన్ మార్కెట్లో తనదైన స్టైలిష్ లుక్‌తో గుర్తింపు తెచ్చుకున్న నథింగ్ సంస్థ.. బడ్జెట్ ప్రియుల కోసం సరికొత్త ఫోన్‌ను తీసుకొస్తోంది. Nothing Phone 4b పేరుతో సరికొత్త బి-సిరీస్‌ను భారత మార్కెట్లో జూలై 7న మధ్యాహ్నం 3:30 గంటలకు లాంచ్ చేయబోతున్నట్లు కంపెనీ అధికారికంగా ప్రకటించింది. ప్రస్తుతం మార్కెట్లో ఉన్న ‘ఎ’ సిరీస్ కంటే తక్కువ ధరలోనే ఇది లభించనుంది. లాంచ్ అయిన వెంటనే ప్రముఖ ఇ-కామర్స్ సైట్ ఫ్లిప్‌కార్ట్ ద్వారా ఈ ఫోన్ అమ్మకానికి రానుంది.

కొత్తగా ‘బి’ సిరీస్ ఎందుకంటే?

సాధారణంగా నథింగ్ ఫోన్లు కాస్త ప్రీమియం ధరల్లో ఉంటాయి. అయితే, డిజైన్‌ను ఇష్టపడి కూడా బడ్జెట్ పరిమితుల వల్ల కొనుగోలు చేయలేకపోతున్న వారిని ఆకట్టుకోవడానికే కంపెనీ ఈ సరికొత్త ‘బి’ సిరీస్‌ను ప్రవేశపెడుతోంది. ఇకపై నథింగ్ బ్రాండ్ నుంచి వచ్చే ఫోన్లలో ఇదే అత్యంత చౌకైన సిరీస్‌గా మారనుంది. నథింగ్ ఇండియా కో-ఫౌండర్ అకిస్ ఇవాంజెలిడిస్ తెలిపిన వివరాల ప్రకారం.. నథింగ్ ఫోన్లలో నెంబర్లు జనరేషన్‌ను సూచిస్తే.. ఆల్ఫాబెట్స్ వాటి ధర, ఫీచర్ల కేటగిరీని తెలియజేస్తాయి. ఆ రకంగా చూస్తే ‘ఎ’ సిరీస్ కంటే ‘బి’ సిరీస్ కాస్త తక్కువ ధరలో అందుబాటులో ఉంటుంది.

Also Read: 4G స్లో నెట్‌తో విసిగిపోయారా? ఈ ఒక్క సెట్టింగ్ మారిస్తే ఇంటర్నెట్ రాకెట్‌లా దూసుకెళ్తుంది!

తక్కువ ధరలోనూ అదరగొట్టే డిజైన్:

ధర తగ్గించినప్పటికీ నథింగ్ తమ సిగ్నేచర్ స్టైల్‌ను ఎక్కడా వదులుకోలేదు. కంపెనీ విడుదల చేసిన టీజర్ల ప్రకారం.. ఈ ఫోన్ వెనుక భాగం కూడా ఎప్పటిలాగే ట్రాన్స్‌పరెంట్‌ (పారదర్శక) డిజైన్‌తో రానుంది. లోపల ఉండే స్క్రూలు, ఇతర విభాగాలు స్పష్టంగా కనిపిస్తూ నథింగ్ పాత మోడళ్లను గుర్తు చేస్తాయి. అలాగే వెనుక వైపు పిల్-షేప్డ్ కెమెరా సెటప్, ఎల్‌ఈడీ ఫ్లాష్‌తో పాటు ఫోన్ మెరుపులను పెంచే గ్లిఫ్ తరహా లైట్ బార్‌ను కూడా ఇందులో అందించారు. ఫ్లాట్ ఫ్రేమ్, గుండ్రటి మూలలతో పట్టుకోవడానికి ఈ ఫోన్ చాలా లగ్జరీగా అనిపిస్తుంది.

అంచనా ధర, ఫీచర్లు:

నథింగ్ ఫోన్ 4బి స్పెసిఫికేషన్లను కంపెనీ ఇంకా పూర్తిగా వెల్లడించినప్పటికీ.. ఇది మల్టిపుల్ RAM, స్టోరేజ్ వేరియంట్లలో రానున్నట్లు తెలుస్తోంది. నథింగ్ ఫోన్ 4ఎ ఫీచర్లలో చాలా వరకు ఇందులోనూ ఉండే అవకాశం ఉంది. మార్కెట్ అంచనాల ప్రకారం.. ఈ సరికొత్త 4బి ఫోన్ ధర, 4ఎ మోడల్ కంటే దాదాపు రూ.3,000 నుంచి రూ.5,000 వరకు తక్కువగా ఉండే అవకాశం ఉంది. అంటే సుమారు రూ.27,000 నుంచి రూ.29,000 బడ్జెట్ పరిధిలో ఇది లభించవచ్చు.

Also Read: గేమర్ల కోసం పవర్‌ఫుల్ టాబ్లెట్.. 185Hz డిస్‌ప్లే, లిక్విడ్ కూలింగ్‌తో వస్తోన్న RedMagic 5 Pro!

Share

• 
• 
• 
• 
• 
•