4G స్లో నెట్‌తో విసిగిపోయారా? ఈ ఒక్క సెట్టింగ్ మారిస్తే ఇంటర్నెట్ రాకెట్‌లా దూసుకెళ్తుంది!

4G Speed Up Tips: భారతదేశంలో 5G నెట్‌వర్క్ చాలా వేగంగా విస్తరిస్తోంది. దీంతో చాలామంది తమకున్న పాత 4G ఫోన్‌ను 5Gగా మార్చుకోవచ్చా అని ఆలోచిస్తున్నారు. ఇంటర్నెట్‌లో కనిపించే కొన్ని యాప్స్ లేదా సెట్టింగ్స్ ద్వారా 4G ఫోన్‌ను 5Gగా మార్చేయవచ్చనే ప్రచారంలో నిజం లేదు.

ఎందుకంటే.. ఫోన్ స్పీడ్ అనేది సాఫ్ట్‌వేర్ మీద మాత్రమే కాదు.. ఫోన్ లోపల ఉండే G మోడెమ్, యాంటెన్నా వంటి హార్డ్‌వేర్ భాగాలపై ఆధారపడి ఉంటుంది. కాబట్టి 4G ఫోన్‌ను పూర్తిగా 5Gగా మార్చలేం కానీ, కొన్ని మార్పులతో ఇంటర్నెట్ వేగాన్ని మాత్రం బాగా పెంచుకోవచ్చు.

మీ ఫోన్‌లో 5G ఉందో లేదో ఇలా చెక్ చేయండి:

కొన్నిసార్లు మన దగ్గర 5G ఫోన్ ఉన్నప్పటికీ ఆ విషయం మనకు తెలియకపోవచ్చు. దీనిని తెలుసుకోవడం చాలా సులభం. మీ ఫోన్ సెట్టింగ్స్‌లోకి వెళ్లి, Mobile Network ఆప్షన్‌ను ఎంచుకోవాలి. అక్కడ Preferred network type క్లిక్ చేసినప్పుడు మీకు 5G అనే ఆప్షన్ కనిపిస్తే.. మీ ఫోన్ 5Gకి సపోర్ట్ చేస్తుందని అర్థం. అప్పుడు మీరు కేవలం 5G సిమ్ కార్డు వేసుకుని, ఆ నెట్‌వర్క్‌ను యాక్టివేట్ చేసుకుంటే సరిపోతుంది.

Also Read: గేమర్ల కోసం పవర్‌ఫుల్ టాబ్లెట్.. 185Hz డిస్‌ప్లే, లిక్విడ్ కూలింగ్‌తో వస్తోన్న RedMagic 5 Pro!

4G ఇంటర్నెట్ వేగాన్ని పెంచే చిట్కాలు:

మీరు కొత్త ఫోన్ కొనకూడదు అనుకుంటే.. ప్రస్తుతమున్న 4G ఫోన్ స్పీడ్‌ను పెంచడానికి కొన్ని పద్ధతులు ఉన్నాయి. మొదటగా మీ ఫోన్ సెట్టింగ్స్‌లో VoLTE ఆప్షన్‌ను ఎల్లప్పుడూ ఆన్‌లో ఉంచుకోవాలి. దీనివల్ల కాల్స్ మాట్లాడుతున్నప్పుడు కూడా ఇంటర్నెట్ వేగం తగ్గకుండా ఉంటుంది. అలాగే నెట్‌వర్క్ సెట్టింగ్స్‌లో 4G LTE ఓన్లీ అనే ఆప్షన్‌ను ఎంచుకుంటే, సిగ్నల్ తక్కువగా ఉన్నప్పుడు ఫోన్ పాత 2G లేదా 3G నెట్‌వర్క్‌లకు మారిపోకుండా స్థిరమైన స్పీడ్ ఇస్తుంది.

ఫోన్ క్లీనింగ్, అప్‌డేట్స్:

మొబైల్ సిస్టమ్ అప్‌డేట్స్‌ను ఎప్పటికప్పుడు ఇన్‌స్టాల్ చేయడం ద్వారా నెట్‌వర్క్ పనితీరు మెరుగవుతుంది. అలాగే ఫోన్ బ్యాక్‌గ్రౌండ్‌లో రన్ అవుతూ డేటాను తినేసే అనవసరమైన యాప్స్‌ను డిలీట్ చేయడం మంచిది. దీంతో పాటు మీ ప్రాంతంలో జియో, ఎయిర్‌టెల్ లేదా వీఐ లలో ఏ నెట్‌వర్క్ సిగ్నల్ బలంగా ఉందో చూసి, మంచి సర్వీస్ ప్రొవైడర్‌ను ఎంచుకోవడం వల్ల కూడా ఇంటర్నెట్ వేగవంతం అవుతుంది.

5G ఫోన్‌కు మారడానికి సరైన సమయం:

కేవలం 5G సిమ్ కార్డును 4G ఫోన్‌లో వేయడం వల్ల 5G స్పీడ్ రాదు. మీరు ఎక్కువ మొత్తంలో ఆన్‌లైన్ గేమ్స్ ఆడుతూ, పెద్ద ఫైళ్లను డౌన్‌లోడ్ చేస్తూ, వీడియో స్ట్రీమింగ్ ఎక్కువగా చూసేవారైతే 5G ఫోన్‌కు మారడం మంచిది. ప్రస్తుతం మార్కెట్లో రూ.10 వేల నుంచి రూ.15 వేల బడ్జెట్‌లోనే మంచి 5G స్మార్ట్‌ఫోన్లు అందుబాటులో ఉన్నాయి. కాబట్టి.. పాత ఫోన్ సెట్టింగ్స్ మార్చి స్పీడ్ పెంచుకోవడం లేదా బడ్జెట్ 5G ఫోన్‌కు అప్‌గ్రేడ్ అవ్వడం ఉత్తమమైన మార్గం.

Also Read: సంగీత ప్రియులకు పండగే.. నాయిస్ క్యాన్సిలేషన్‌తో మార్కెట్లోకి OPPO Enco Air 5!

Share

• 
• 
• 
• 
• 
•