Nothing Warp App: ఐఫోన్ వాడుతున్న వాళ్లు తమ మ్యాక్ ల్యాప్టాప్లకు ఫైల్స్ పంపించుకోవాలంటే ‘ఎయిర్ డ్రాప్’తో ఎంత స్పీడ్గా పని ముగించేస్తారో మనకు తెలిసిందే. అదే మన ఆండ్రాయిడ్ యూజర్లు అయితే ఫోన్ నుంచి కంప్యూటర్కు ఒక ఫొటో పంపించుకోవాలన్నా కచ్చితంగా కేబుల్ కనెక్ట్ చేసుకోవడమో, మెయిల్ చేసుకోవడమో చేయాలి. ఈ కష్టాలకు చెక్ పెడుతూ కార్ల్ పీకి చెందిన ‘నథింగ్’ కంపెనీ Nothing Warp యాప్ను తీసుకొచ్చింది. దీని ద్వారా ఆండ్రాయిడ్ ఫోన్ నుండి మ్యాక్, విండోస్, ఇలా దేనికైనా సరే ఇక ఈజీగా ఫైల్స్ సెండ్ చేసుకోవచ్చు.
Nothing Warp కేవలం యాప్ మాత్రమే కాదు.. ఇది ఒక వెబ్ బ్రౌజర్ ఎక్స్టెన్షన్తో కలిపి పనిచేస్తుంది. దీని కోసం మన ఫోన్లో ఈ యాప్ ఉండాలి. మన కంప్యూటర్ బ్రౌజర్ (క్రోమ్ వంటివి)లో చిన్న ఎక్స్టెన్షన్ కూడా ఉండాలి. ఈ యాప్ ద్వారా కేవలం ఫొటోలు, వీడియోలు మాత్రమే కాదు.. మన ఫోన్లో కాపీ చేసిన టెక్స్ట్ను కూడా నేరుగా కంప్యూటర్లో పేస్ట్ చేసుకోవచ్చు.
Also Read: నాయిస్ క్యాన్సిలేషన్ హెడ్ఫోన్స్ పెట్టుకున్నా.. ఈ స్కోడా ‘డ్యూయోబెల్’ సౌండ్ వినిపించాల్సిందే!
చాలామందికి వచ్చే డౌట్ ఏమిటంటే.. మా ఫైల్స్ వీళ్ల సర్వర్లలోకి వెళ్తాయా అని? అస్సలు భయం లేదు. నథింగ్ కంపెనీ ఏం చెప్పిందంటే.. ఈ ఫైల్స్ అన్నీ మీ సొంత గూగుల్ డ్రైవ్ ద్వారానే వెళ్తాయి. దీంతో మీ డేటా మీ చేతుల్లోనే ఉంటుంది. నథింగ్ సర్వర్లలో మీ ఫొటోలు కానీ, డాక్యుమెంట్లు కానీ ఎక్కడా సేవ్ అవ్వవు. మనం రెగ్యులర్గా వాడే గూగుల్ అకౌంట్తో లాగిన్ అయితే సరిపోతుంది కాబట్టి ప్రైవసీకి డోకా లేదు.
గూగుల్ ప్లే స్టోర్ నుంచి యాప్ను డౌన్లోడ్ చేసుకున్నాక.. ఫోన్లో ఏదైనా ఫైల్ ఓపెన్ చేసి షేర్ బటన్ నొక్కగానే అక్కడ Nothing Warp యాప్ కనిపిస్తుంది. దానిపై క్లిక్ చేస్తే చాలు, ఆ ఫైల్ నేరుగా కంప్యూటర్ బ్రౌజర్లోకి వచ్చేస్తుంది. కంప్యూటర్ నుంచి ఫోన్కు పంపాలన్నా అంతే ఈజీ. ఈ యాప్ చాలా లైట్ వెయిట్, కాబట్టి ఫోన్ హ్యాంగ్ అవుతుందనే భయం వద్దు. ఆండ్రాయిడ్ వాడుతూ మ్యాక్ లేదా విండోస్ వాడేవారికి ఇది నిజంగా మంచి రిలీఫ్ అని చెప్పొచ్చు.
Also Read: అత్యాధునిక ఫీచర్లతో Xiaomi Mini LED TVs.. ఇలాంటి డిస్ప్లే కోసం ఆస్తులైనా అమ్మేసుకోవచ్చు!
Share
మృణాళ్ సినిమా హిట్ అవ్వాలంటే మూవీలో వాళ్లు చనిపోవాల్సిందేనా?
ప్రభుత్వ ప్రాథమిక స్థాయిలో మందుల్లేవ్.. సర్వేలో వెలుగులోకి సంచలనాలు..?
