Redmi Turbo 6 Series: స్మార్ట్ఫోన్ ప్రియుల్లో రెడ్మీ బ్రాండ్కు ఉన్న క్రేజ్ అంతా ఇంతా కాదు. ముఖ్యంగా తక్కువ ధరలో ఎక్కువ ఫీచర్లు అందించే ఫోన్లను ఈ సంస్థ పరిచయం చేస్తుంటుంది. అయితే, తాజాగా రెడ్మీ నుంచి రాబోతున్న కొత్త సిరీస్ గురించి నెట్టింట్లో కొన్ని ఆసక్తికరమైన లీకులు వైరల్ అవుతున్నాయి. కంపెనీ తమ నెక్ట్స్ జనరేషన్ ‘రెడ్మీ టర్బో 6’ సిరీస్ను మార్కెట్లోకి తీసుకురావడానికి సిద్ధమవుతున్నట్లు తెలుస్తోంది. ఈ కొత్త సిరీస్లో భాగంగా రెండు మోడళ్లు రానున్నాయని సమాచారం.
ఈ కొత్త సిరీస్లో రానున్న ఫోన్లు మునుపటి మోడళ్ల కంటే చాలా పెద్ద బ్యాటరీ సామర్థ్యంతో రాబోతున్నాయనేది ప్రధానంగా వినిపిస్తున్న టాక్. తాజా లీకుల ప్రకారం.. రెడ్మీ టర్బో 6 సిరీస్ ఫోన్లు ఏకంగా 10,000mAh బ్యాటరీతో రానున్నాయట. దీంతో పాటు 7 అంగుళాల భారీ డిస్ప్లేను కూడా అందించే అవకాశం ఉంది. ఈ రెండు ఫీచర్లు ఫోన్ వాడకాన్ని సరికొత్త స్థాయికి తీసుకెళ్లనున్నాయి.
ఈ సిరీస్లో రానున్న రెడ్మీ టర్బో 6, రెడ్మీ టర్బో 6 మ్యాక్స్ మోడళ్లలో వేర్వేరు మీడియాటెక్ చిప్సెట్లను వాడబోతున్నట్లు తెలుస్తోంది. బేస్ మోడల్ అయిన టర్బో 6లో సరికొత్త మీడియాటెక్ డైమెన్సిటీ 8600 ప్రాసెసర్ను ఉపయోగించవచ్చని ప్రచారం జరుగుతోంది. ఇది చాలా వేగంగా పనిచేయడమే కాకుండా తక్కువ బ్యాటరీని వినియోగించుకుంటుంది.
ఇక ఈ సిరీస్లో ప్రీమియం మోడల్గా రాబోతున్న టర్బో 6 మ్యాక్స్లో మరింత శక్తివంతమైన డైమెన్సిటీ 9600s చిప్సెట్ ఉండనుంది. పవర్ఫుల్ ప్రాసెసర్తో పాటు.. ఈ ఫోన్లో అల్ట్రాసోనిక్ ఇన్డిస్ప్లే ఫింగర్ప్రింట్ సెన్సార్, బలమైన మెటల్ మిడిల్ ఫ్రేమ్, నీరు, ధూళి నుంచి రక్షణ ఇచ్చే ఐపీ68 లేదా ఐపీ69 రేటింగ్ వంటి అదిరిపోయే ఫీచర్లు ఉండబోతున్నట్లు సమాచారం.
ఈ ఫోన్ల లాంచ్ గురించి కంపెనీ ఇంకా అధికారికంగా ఎలాంటి ప్రకటన చేయలేదు. అయితే.. టెక్ నిపుణుల అంచనాల ప్రకారం ఈ రెడ్మీ టర్బో 6 మ్యాక్స్ ఫోన్ వచ్చే ఏడాది అంటే.. 2027 జనవరిలో లాంచ్ అయ్యే అవకాశం ఉంది. బేస్ మోడల్ కూడా అదే సమయంలో లేదా కాస్త ముందుగానే మార్కెట్లోకి వచ్చే వీలుంది. ఏదేమైనా ఈ లీకులు నిజమైతే మాత్రం మొబైల్ మార్కెట్లో ఇదొక సంచలనంగా మారడం ఖాయం.
Also Read: ఎయిర్ కండీషనర్ కెపాసిటీని టన్నుల్లో ఎందుకు కొలుస్తారో తెలుసా?
Share
ప్రసాద్ ల్యాబ్స్లో ఘనంగా "1=100" టీజర్ లాంచ్ !
మూడు వారాల్లో వరంగల్ ఎయిర్పోర్టుకు టెండర్లు.. సీఎం రేవంత్ భేటీ తర్వాత కేంద్ర మంత్రి ప్రకటన
