Samsung Pre-Reservation: స్మార్ట్ఫోన్ ప్రియులకు శాంసంగ్ అదిరిపోయే గుడ్ న్యూస్ చెప్పింది. ప్రపంచవ్యాప్తంగా ఎంతో ఆసక్తిగా ఎదురుచూస్తున్న తమ నెక్స్ట్ జనరేషన్ గెలాక్సీ ఫోల్డబుల్ స్మార్ట్ఫోన్ల కోసం భారత మార్కెట్లో ప్రీ-రిజర్వేషన్లను అధికారికంగా ప్రారంభించింది. జూలై 22న జరగబోయే గ్లోబల్ లాంచ్కు ముందే ఈ బుకింగ్స్ విండోను ఓపెన్ చేసింది. కాగా ఈసారి శాంంసంగ్ ఒకేసారి మూడు ఫోల్డబుల్ ఫోన్లను పరిచయం చేయబోతున్నట్లు గట్టిగా ప్రచారం జరుగుతోంది. ఇందులో గెలాక్సీ జెడ్ ఫోల్డ్ 8 (Galaxy Z Fold 8), గెలాక్సీ జెడ్ ఫోల్డ్ 8 ఆల్ట్రా (Galaxy Z Fold 8 Ultra), గెలాక్సీ జెడ్ ఫ్లిప్ 8 (Galaxy Z Flip 8) మోడళ్లు ఉండే ఛాన్స్ ఉంది.
ఈ సరికొత్త ఫోల్డబుల్ ఫోన్లను సొంతం చేసుకోవాలనుకునే కస్టమర్లు కేవలం రూ. 999 టోకెన్ అమౌంట్ చెల్లించి ముందే రిజర్వ్ చేసుకోవచ్చు. ఈ అమౌంట్ పూర్తిగా రీఫండబుల్ (తిరిగి ఇచ్చేయబడుతుంది) అని కంపెనీ స్పష్టం చేసింది. ఒకవేళ ప్రీ-రిజర్వ్ చేసుకున్న తర్వాత ఫోన్ కొనుగోలు పూర్తి చేస్తే కస్టమర్లకు రూ. 2,799 విలువైన అదనపు బెనిఫిట్స్ లభించనున్నాయి. ఆసక్తి గలవారు శాంసంగ్ అధికారిక వెబ్సైట్ (Samsung.com), శామ్సంగ్ ఎక్స్క్లూజివ్ స్టోర్లు, అమెజాన్ ఇండియా, ఫ్లిప్కార్ట్తో పాటు దేశవ్యాప్తంగా ఉన్న ప్రముఖ రిటైల్ స్టోర్ల ద్వారా ఈ ప్రీ-రిజర్వేషన్లు చేసుకోవచ్చని సంబంధిత వర్గాలు తెలిపాయి.
రాబోయే ఫోల్డబుల్ డివైజ్లు సరికొత్త ఆర్టిఫిషియల్ ఇంటెలిజెన్స్ (AI) సాంకేతికతతో రాబోతున్నట్లు శాంసంగ్ ఇప్పటికే హింట్ ఇచ్చింది. వినియోగదారులకు మరింత పర్సనలైజ్డ్, అడాప్టివ్ ఎక్స్పీరియన్స్ను అందించేందుకు ఈ ఫోన్లలో ఏఐని జోడించారు. అంతేకాకుండా పాత మోడళ్లతో పోలిస్తే ఈ కొత్త ఫోన్లను మరింత స్లిమ్ గా (Thinner), తేలికగా (Lighter), బలంగా (Stronger) డిజైన్ చేసినట్లు కంపెనీ పేర్కొంది. అయితే శాంసంగ్ ఇప్పటివరకు ఈ ఫోన్ల పేర్లను గానీ వాటి పూర్తి స్పెసిఫికేషన్లను గానీ అధికారికంగా వెల్లడించకపోవడం గమనార్హం.
శాంసంగ్ తన తదుపరి ‘గెలాక్సీ అన్ప్యాక్డ్’ ఈవెంట్ను లండన్ వేదికగా జూలై 22న నిర్వహించనుంది. భారత కాలమానం ప్రకారం ఆ రోజు సాయంత్రం 6:30 గంటలకు ఈ ప్రోగ్రామ్ ప్రారంభం కానుంది. ఈ మెగా ఈవెంట్ను శాంంసంగ్ అఫీషియల్ వెబ్సైట్, శామ్సంగ్ న్యూస్రూమ్, వారి యూట్యూబ్ ఛానెళ్లలో లైవ్ స్ట్రీమింగ్ ద్వారా వీక్షించవచ్చు. ఈ ఈవెంట్లోనే కొత్త ఫోల్డబుల్ ఫోన్లను ప్రపంచానికి పరిచయం చేయనున్నారు.
Also Read: గ్రీన్, రెడ్, ఆరెంజ్, ఎల్లో.. భారీ వర్షంలో ఈ రంగుల అలర్ట్స్ ఎందుకిస్తారు? దీని వెనకున్న లెక్కలేంటి?
ఈ జూలై 22 ఈవెంట్లోనే శాంంసంగ్ గెలాక్సీ వాచ్ 9 (Galaxy Watch 9), గెలాక్సీ వాచ్ ఆల్ట్రా 2 (Galaxy Watch Ultra 2) స్మార్ట్వాచ్లను కూడా లాంచ్ చేయవచ్చని తెలుస్తోంది. అన్నిటికంటే ముఖ్యంగా శాంంసంగ్ ఎప్పటినుంచో డెవలప్ చేస్తున్న సరికొత్త ‘ఆండ్రాయిడ్ XR స్మార్ట్ గ్లాసెస్’ (Android XR Smart Glasses)ను కూడా ఈ వేదికపై ప్రదర్శించే అవకాశం ఉందని సమాచారం. అయితే ఇవి లాంచ్ అయిన వెంటనే కాకుండా కొంచెం ఆలస్యంగా మార్కెట్లోకి అందుబాటులోకి వచ్చే ఛాన్స్ ఉంది. మెుత్తంగా ప్రైమ్ ఫీచర్లు, అదిరిపోయే డిజైన్లతో రాబోతున్న ఈ డివైజ్ల కోసం టెక్ ప్రియులు ఎంతగానో ఎదురుచూస్తున్నారు.
Also Read: ప్రపంచంలోనే తొలిసాలి.. రోబోలతో లైవ్ సర్జరీ.. ఆపరేషన్ సూపర్ సక్సెస్!
Share
రివర్స్ కెమెరా To బ్లైండ్ స్పాట్ మానిటరింగ్.. ఇండియా లోనే మోస్ట్ అడ్వాన్స్ డ్ ఈవీ స్కూటర్ ఇదే!
ప్రకృతి అందాల వెనుక పెను ప్రమాదం.. వర్షాకాలంలో వెళ్లకూడని 6 డేంజరస్ ప్లేసెస్ ఇవే!
