Sony Xperia 1 IX: ప్రముఖ సోనీ తమ తదుపరి ఫ్లాగ్‌షిప్ స్మార్ట్‌ఫోన్ Xperia 1 IXపై పనిచేస్తున్నట్లు తెలుస్తోంది. ఇప్పటివరకు లీక్ అయిన సమాచారం ప్రకారం.. ఈ స్మార్ట్‌ఫోన్‌లో కెమెరా విభాగంలో కీలకమైన మార్పు ఉండొచ్చు. ముఖ్యంగా గత మోడల్‌తో పోలిస్తే.. పెద్ద ప్రైమరీ కెమెరా సెన్సార్‌ను తీసుకొచ్చే అవకాశం ఉందని సమాచారం.
Xperia 1 IXలో పెద్ద మెయిన్ కెమెరా సెన్సార్‌ను ఉపయోగిస్తే ఫోన్ వెనుక భాగంలోని కెమెరా మాడ్యూల్ పరిమాణం కూడా పెరిగే అవకాశం ఉంది. పెద్ద సెన్సార్ వల్ల తక్కువ వెలుతురు ఉన్న పరిస్థితుల్లో ఫొటో క్వాలిటీ మెరుగుపడే అవకాశం ఉంటుంది. అయితే తుది ఫలితం సెన్సార్‌తో పాటు సోనీ ఇమేజ్ ప్రాసెసింగ్, కెమెరా సాఫ్ట్‌వేర్‌పై కూడా ఆధారపడి ఉంటుంది.
Also Read: Galaxy Watch 4, Classic యూజర్లకు బ్యాడ్ న్యూస్.. ఇక సెక్యూరిటీ అప్‌డేట్స్ రావు!
Xperia 1 IXలో కూడా దీర్ఘచతురస్రాకార కెమెరా మాడ్యూల్‌ను కొనసాగించే అవకాశం ఉంది. Xperia 1 VIIIలో ఉన్న డిజైన్‌కు దగ్గరగా ఉండేలా ప్రధాన, అల్ట్రావైడ్ కెమెరాలను పైభాగంలో, పెరిస్కోప్ టెలిఫోటో కెమెరాను కింద ఉంచే అవకాశం ఉన్నట్లు తెలుస్తోంది. అయితే పెద్ద సెన్సార్ కారణంగా మాడ్యూల్ పరిమాణం మాత్రం పెరగొచ్చు.
ప్రస్తుతం ఉన్న Xperia 1 VIIIలో 48MP మెయిన్, 48MP అల్ట్రావైడ్, 48MP టెలిఫోటో కెమెరాలు ఉన్నాయి. టెలిఫోటో కెమెరా 140mm ఫోకల్ లెంగ్త్‌కు సపోర్ట్ చేస్తుంది. వెనుక కెమెరాలకు Zeiss భాగస్వామ్యం కూడా కొనసాగుతోంది.
Xperia 1 IXకు సంబంధించిన పూర్తి స్పెసిఫికేషన్లు, ధర, విడుదల తేదీపై సోనీ నుంచి అధికారిక సమాచారం లేదు. పెద్ద కెమెరా సెన్సార్‌తో పాటు కొత్త కెమెరా మాడ్యూల్ వస్తే.. ఈ ఫోన్ డిజైన్‌లో పెద్దగా మార్పు లేకుండానే కెమెరా విషయంలో మాత్రం మంచి అప్‌గ్రేడ్‌గా నిలిచే అవకాశం ఉంది.
Also Read: వివో ఫ్లాగ్‌షిప్ ఫోన్‌పై భారీ డిస్కౌంట్.. రూ.13,000 ఆదా చేసుకునే ఛాన్స్, ఆఫర్ లిమిటెడ్!
Share
సనాతన ధర్మ పరిరక్షకులంటూ..పవన్ గరికపాటి పై అన్వేష్ ఫైర్!
తెలుగు సినీ పరిశ్రమ.. మద్రాస్ నుంచి హైదరాబాద్కు వచ్చింది 80ల్లోనే, అప్పట్లో ఏం జరిగిందంటే?
