WhatsApp Chat Preview: వాట్సప్ వాడే ఆండ్రాయిడ్ యూజర్లకు త్వరలో ఓ కొత్త ఫీచర్ అందుబాటులోకి వచ్చే అవకాశం ఉంది. అదే చాట్ ప్రివ్యూ. సాధారణంగా వాట్సప్‌లో ఎవరైనా మెసేజ్ పంపితే.. దాన్ని చదవాలంటే ఆ చాట్ ఓపెన్ చేయాల్సి ఉంటుంది. అలా ఓపెన్ చేయగానే ఎదుటివారికి బ్లూ టిక్స్ కనిపిస్తాయి. కానీ ఈ కొత్త ఫీచర్ అందుబాటులోకి వస్తే.. చాట్ ఓపెన్ చేయకుండానే వచ్చిన మెసేజ్‌లను చదవొచ్చు. ఐఫోన్ యూజర్లకు ఇప్పటికే పరిచయమైన ఈ సదుపాయాన్ని ఇప్పుడు ఆండ్రాయిడ్ యూజర్ల కోసం కూడా మెటా సిద్ధం చేస్తోంది. ఇది ఎలా పనిచేస్తుంది? ఇందులో ఎలాంటి ఆప్షన్లు ఉండనున్నాయి? తెలుసుకుందాం.
కొత్త ఫీచర్ అందుబాటులోకి వస్తే చాట్ లిస్ట్‌లో మీకు కావాల్సిన వ్యక్తి లేదా గ్రూప్ పేరుపై కొద్దిసేపు లాంగ్ ప్రెస్ చేయాలి. వెంటనే ఓ చిన్న ప్రివ్యూ విండో కనిపిస్తుంది. అందులో తాజాగా వచ్చిన మెసేజ్‌లను చూడొచ్చు. అంతేకాదు.. ఆ విండోలోనే పైకి, కిందికి స్క్రోల్ చేస్తూ మరిన్ని మెసేజ్‌లను కూడా చదవొచ్చు. దీనికోసం అసలు చాట్‌లోకి వెళ్లాల్సిన అవసరం ఉండదు.
ఈ ఫీచర్‌లో అందరినీ ఆకట్టుకునే విషయం బ్లూ టిక్స్. చాట్‌ను ఓపెన్ చేయకుండా ప్రివ్యూలోనే మెసేజ్‌లు చదవొచ్చు కాబట్టి, వాటిని చదివినట్లు ఎదుటివారికి బ్లూ టిక్స్ వెళ్లవు. దీంతో వెంటనే రిప్లై ఇవ్వాల్సిన అవసరం లేకుండా మెసేజ్ ఏమిటో తెలుసుకోవచ్చు. ముఖ్యంగా బిజీగా ఉన్నప్పుడు ఇది బాగా ఉపయోగపడుతుంది.
Also Read: బోస్ సౌండ్ ట్విస్ట్‌తో మోటో కొత్త ఇయర్ బడ్స్.. మిగతా బ్రాండ్స్‌కు నిద్రలేకుండా చేసేలా ఫీచర్లు!
కేవలం మెసేజ్‌లు చదవడమే కాదు.. చాట్‌ను అక్కడి నుంచే మేనేజ్ చేసే అవకాశం కూడా ఉండనుంది. చాట్‌ను పిన్ చేయడం, ఆర్కైవ్ చేయడం, డిలీట్ చేయడం, చదివినట్లు మార్క్ చేయడం వంటి ఆప్షన్లు కనిపించనున్నాయి. అలాగే చాట్ లాక్ చేయడం, సమాచారం చూడటం, హోమ్ స్క్రీన్‌పై షార్ట్‌కట్ పెట్టుకోవడం వంటి సదుపాయాలు కూడా వచ్చే అవకాశం ఉంది.
ప్రస్తుతం ఈ Chat Preview ఫీచర్ డెవలప్‌మెంట్ దశలోనే ఉంది. వాట్సప్ అధికారికంగా లాంచ్ తేదీని ప్రకటించలేదు. బీటా యూజర్లకు ఎప్పుడు అందుబాటులోకి వస్తుందనే వివరాలు కూడా లేవు. టెస్టింగ్ పూర్తయ్యాక భవిష్యత్తు అప్‌డేట్‌లో విడుదల చేసే అవకాశం ఉంది. అప్పటివరకు ఆండ్రాయిడ్ యూజర్లు వేచి చూడాల్సిందే. మొత్తానికి, చాట్ ఓపెన్ చేయకుండానే మెసేజ్‌లు చదివే ఈ సదుపాయం వస్తే వాట్సప్ వాడకం మరింత సులభం కానుంది.
Also Read: మెటా మైండ్ బ్లోయింగ్ అప్‌డేట్.. ఇక మనిషితో మాట్లాడినట్టే AIతో మాట్లాడొచ్చు!
Share
నిశ్చితార్థం తర్వాత సాయి ధరమ్ తేజ్ ఫస్ట్ పోస్ట్..ఫిదా అవుతున్న ఫ్యాన్స్!
అందరి కోసం సినిమా తీయలేను.. మౌళి బోల్డ్ కామెంట్స్!
