WhatsApp new update : ప్రపంచ వ్యాప్తంగా కోట్ల మంది ఉపయోగిస్తున్న నంబర్ వన్ మెసేజింగ్ యాప్ వాట్సాప్. ఎప్పటికప్పుడు యూజర్ల అవసరాలకు తగ్గట్టుగా కొత్త ఫీచర్లను పరిచయం చేస్తూనే ఉంటుంది. తాజాగా వాట్సాప్ మరో విప్లవాత్మకమైన అప్‌ డేట్‌ను తీసుకువచ్చేందుకు సన్నాహాలు చేస్తోంది. సాధారణంగా మన ఫోన్ స్విచ్ ఆఫ్ అయినా, లేదా బ్యాటరీ అయిపోయి.. డెడ్ అయినా అవతలి వాళ్ళు పంపిన మెసేజ్‌లు మనకు రావు. అలాగే మనం పంపే మెసేజ్‌లు సింగిల్ టిక్‌ లోనే ఆగిపోతాయి. అయితే.. ఫోన్ స్విచ్ ఆఫ్ చేసినప్పటికీ లేదా ఇంటర్నెట్ లేకపోయినప్పటికీ వాట్సాప్ మెసేజ్‌లను పంపే , తీసుకునే సరి కొత్త టెక్నాలజీపై ప్రస్తుతం వాట్సాప్ డెవలపర్లు పని చేస్తున్నారు.
మరో కొత్త ఫీచర్ :
వాట్సాప్ ఈ అప్‌ డేట్ కోసం అడ్వాన్స్‌డ్ ఎండ్-టు-ఎండ్ ఎన్‌క్రిప్టెడ్ రిలే సర్వర్లను, శాటిలైట్ కనెక్టివిటీ టెక్నాలజీని ఇన్‌కార్పొరేట్ చేస్తోంది. అంటే.. మీ ఫోన్ స్విచ్ ఆఫ్ అయినప్పటికీ, మీ డివైస్ బ్యాక్‌గ్రౌండ్ సర్వర్స్‌తో .. కనెక్ట్ అయి ఉండేలా కొన్ని ప్రత్యేకమైన క్లౌడ్-సింక్ ప్రోటోకాల్స్‌ను వాట్సాప్ అభివృద్ధి చేస్తోంది. దీని వల్ల యూజర్లు ఇంటర్నెట్ లేని సమయంలోనూ.. లేదా ఫోన్ ఆఫ్‌లో ఉన్నప్పుడు కూడా తమ డేటాను సింక్ చేసుకోవడానికి వీలవుతుంది. ముఖ్యంగా అత్యవసర సమయాల్లో ఈ ఫీచర్ యూజర్లకు చాలా బాగా ఉపయోగపడుతుంది.
చాలా సార్లు ప్రయాణాలు చేస్తున్నప్పుడు లేదా సిగ్నల్స్ సరిగ్గా లేని ప్రాంతాల్లో ఉన్నప్పుడు ఫోన్లు స్విచ్ ఆఫ్ అవుతుంటాయి. ఆ సమయంలో చాలా ముఖ్యమైన మెసేజ్‌లు మిస్ అవుతుంటాం. ఈ కొత్త ఫీచర్ అందుబాటులోకి వస్తే..
1.మీ ఫోన్ ఆఫ్‌లో ఉన్నా సరే.. ఇంపార్టెంట్ మెసేజ్‌లు అవతలి వారికి డెలివర్ అవుతాయి.
2.సిగ్నల్స్ లేని ప్రాంతాల్లో కూడా డేటా లాస్ కాకుండా మెసేజ్ హిస్టరీ సేవ్‌గా ఉంటుంది.
3.బ్యాటరీ అయిపోయి ఫోన్ ఆఫ్ అయినా ఎలాంటి టెన్షన్ పడాల్సిన అవసరం ఉండదు.
ప్రస్తుతం ఈ ఫీచర్‌కు సంబంధించిన బీటా టెస్టింగ్ దశ వివిధ ప్లాట్‌ ఫారమ్‌లలో జరుగుతోంది. త్వరలోనే ఆండ్రాయిడ్, ఐఓఎస్ యూజర్లందరికీ ఈ అప్‌డేట్‌ను అఫీషియల్‌గా రోల్ అవుట్ చేయనున్నట్లు టెక్ వర్గాలు చెబుతున్నాయి. వాట్సాప్ చరిత్రలో ఇది బిగ్గెస్ట్ అప్‌డేట్ అని చెప్పొచ్చు.
Share
33 జిల్లాల తెలంగాణలో టాలెంట్ ఉన్న క్రికెటర్లు లేరా.. ధరం గురువారెడ్డి ఫైర్!
రైలు ప్రయాణంలో నవరాత్రి జోష్.. లోకల్ ట్రైన్లో మహిళల 'గర్భా' డ్యాన్స్.. నెటిజన్లు ఫిదా!
