రైలు ప్రయాణంలో నవరాత్రి జోష్.. లోకల్ ట్రైన్‌లో మహిళల ‘గర్భా’ డ్యాన్స్.. నెటిజన్లు ఫిదా!

Local Train Garba Video: దేశవ్యాప్తంగా నవరాత్రి వేడుకలు అత్యంత వైభవంగా జరుగుతున్నాయి. ఈ నేపథ్యంలో ముంబై లోకల్ ట్రైన్‌లో కొందరు మహిళలు ఉత్సాహంగా గర్భా నృత్యం చేస్తున్న వీడియో ప్రస్తుతం సోషల్ మీడియాలో తెగ వైరల్ అవుతోంది.

రైలులోనే గర్భా సంబరాలు

వైరల్ అవుతున్న వీడియోలో కొందరు మహిళలు ఎరుపు రంగు చీరలు, ఇతర సంప్రదాయ దుస్తులు ధరించి కనిపించారు. గుజరాతీ భక్తి గీతం ‘పావ్‌గఢ్ వాలీ మానే దర్శన్ దే’ పాటకు అనుగుణంగా వారు రైలులో గుండ్రంగా తిరుగుతూ గర్భా స్టెప్స్ వేయడం అందరినీ ఆకట్టుకుంది. నవరాత్రి మూడో రోజుకు ‘ఎరుపు’ రంగు ప్రత్యేకత కావడంతో చాలా మంది మహిళలు అదే రంగు దుస్తుల్లో మెరవడం విశేషం.

సోషల్ మీడియాలో వైరల్

వేలాది మంది నిత్యం ప్రయాణించే ముంబై లోకల్ ట్రైన్‌లో ఈ సాంప్రదాయ నృత్యం చేయడం నెటిజన్లను విపరీతంగా ఆకర్షించింది. అయితే ఈ ఘటన ఎక్కడ, ఎప్పుడు జరిగిందనే దానిపై ఇప్పటివరకు ఎలాంటి స్పష్టత రాలేదు. వీడియో ఎప్పుడు రికార్డ్ అయిందనే దానిపై కూడా ఎక్కడా క్లారిటీ రాలేదు. అయితే పండుగ సీజన్ కావడంతో ఈ క్లిప్ సోషల్ మీడియాలో విపరీతంగా చక్కర్లు కొడుతోంది.

Playing Garba inside Mumbai Local train https://t.co/86OhXPeiBt

— Mumbai Heritage (@mumbaiheritage) October 13, 2026

Also Read: BSNL నుంచి మరో చౌకైన ప్లాన్.. రూ. 202 కే 32 రోజుల వ్యాలిడిటీ.. అదిరిపోయే బెనిఫిట్స్ మామ!

దేశవ్యాప్తంగా నవరాత్రి వేడుకలు

తొమ్మిది రాత్రుల పాటు అంగరంగ వైభవంగా జరిగే నవరాత్రి వేడుకలు దుర్గాదేవి వివిధ రూపాల ఆరాధనకు ప్రతీకగా నిలుస్తాయి. ఈ పండుగలో గర్భా, దాండియా నృత్యాలు ప్రత్యేక ఆకర్షణగా నిలుస్తుంటాయి. ప్రజలు సంప్రదాయ దుస్తులు ధరించి ఆయా నృత్యాలు చేస్తూ ఈ వేడుకలను ఘనంగా జరుపుకుంటారు. సదరు ఘటన ఎప్పుడు ఎక్కడ జరిగిందన్న దానిపై స్పష్టత లేకపోయినా.. ఈ వీడియో మాత్రం నవరాత్రుల వైభవాన్ని కళ్లకు కట్టినట్లు చూపించింది.

Also Read: భారతీయ పైలట్‌పై దాడి.. విచారణ ముమ్మరం చేసిన ఎన్ఐఏ.. యూఏఈకి ప్రత్యేక బృందం!