OFFICE vs WFH: మారుతున్న కాలంతో పాటు ఉద్యోగ శైలి కూడా పూర్తిగా మారిపోయింది. కోవిడ్ తర్వాత మొదలైన ‘వర్క్ ఫ్రమ్ హోమ్’ (WFH) సంస్కృతి ఇప్పటికీ ఐటీ ఉద్యోగాల్లో కొనసాగుతూనే ఉంది. అయితే ‘ఇంటి నుండి పని చేయడం వల్ల ఎక్కువ డబ్బు ఆదా అవుతుందా? లేదా ఆఫీసుకు వెళ్లి పని చేయడం వల్లనా?’ అని ఒక నెటిజన్ ఏఐ బాట్ ‘చాట్ జీపీటీ’ (ChatGPT)ని ప్రశ్నించాడు. దీనిపై చాట్ జీపీటీ ఇచ్చిన సమాధానం, అందించిన విశ్లేషణ నెట్టింట విపరీతంగా వైరల్ అవుతోంది.
నెటిజన్ అడిగిన ప్రశ్నకు చాట్ జీపీటీ లోతైన సమాధానాన్ని అందించింది. కేవలం పైపైన కనిపించే ప్రయాణ ఖర్చులే కాకుండా మనిషి రోజువారీ జీవితంలో పెట్టే ప్రతి చిన్న ఖర్చును కూడా లెక్కగట్టింది. చాట్ జీపీటీ విశ్లేషణ ప్రకారం.. పెట్రోల్ లేదా క్యాబ్ ఛార్జీలు, ఆఫీస్ వేర్ దుస్తులు, బయట తినే లంచ్, స్నాక్స్, వీకెండ్ లో తోటి ఉద్యోగులతో పార్టీలను.. ఆఫీసు ఖర్చుల కింద చాట్ జీపీటీ లెక్కగట్టింది. మరోవైపు కరెంటు బిల్లు, ఇంటర్నెట్ బిల్లులు, ఇంట్లోని తినే స్నాక్స్, టేబుల్ – కుర్చీ కొనుగోలును వర్క్ ఫ్రమ్ హోమ్ ఖర్చు కింద పరిగణలోకి తీసుకుంది.
చాట్ జీపీటీ లెక్కల ప్రకారం.. సాధారణంగా వర్క్ ఫ్రమ్ హోమ్ (WFH) ద్వారానే ఎక్కువ డబ్బు ఆదా కానుంది. ప్రయాణ ఖర్చులు, రోజువారీ బయటి ఆహారం తగ్గడం వల్ల నెలకు గణనీయమైన మొత్తాన్ని పొదుపు చేయవచ్చని ఏఐ స్పష్టం చేసింది. అయితే ఇక్కడే చాట్ జీపీటీ ట్విస్ట్ ఇచ్చింది. కొందరు ఉద్యోగులు ఇంట్లో ఉంటే ఒంటరితనాన్ని పోగొట్టుకోవడానికి ఆన్‌లైన్ షాపింగ్ ఎక్కువ చేస్తారని లేదా స్విగ్గీ, జొమాటోల్లో ఫుడ్ ఆర్డర్లు పెంచుతారని పేర్కొంది. ఒకవేళ ఈ అలవాట్లు ఉంటే WFHలో కూడా జేబు ఖాళీ అవ్వడం ఖాయమని హెచ్చరించింది.
ఆర్థిక లెక్కలు తేల్చిన అనంతరం.. చాట్ జీపీటీ సదరు నెటిజన్‌కు ఒక ఊహించని ప్రశ్న వేసింది. వర్క్ ఫ్రమ్ హోమ్ vs ఆఫీసులో కేవలం డబ్బును మాత్రమే ప్రాతిపదికగా తీసుకోకూడదని సూచిస్తూ.. ఆలోచింపజేసే విశ్లేషణను అతడి ముందు ఉంచింది. డబ్బు ఆదాను పక్కన పెడితే.. మానసిక ప్రశాంతత, ఎదుగుదలకు ఆఫీసుకు వెళ్తేనే మంచిందని చాట్ జీపీటీ అభిప్రాయపడింది. ఆఫీస్‌కు వెళ్లడం వల్ల సహోద్యోగులతో పరిచయాలు, టీం బిల్డింగ్, వ్యక్తిగత ఎదుగుదల ఉంటాయని పేర్కొంది. ఇంట్లో ఉంటే ఒంటరితనం వేధించవచ్చని పేర్కొంది. ఈ రెండింటినీ పరిగణలోకి తీసుకున్న తర్వాత కూడా ‘వర్క్ ఫ్రమ్ హోమ్’నే ఎంచుకుంటారా? అని నెటిజన్ ను ఏఐ బాట్ ప్రశ్నించింది.
Also Read: ఏసీ బాక్స్‌పై బకెట్ వాటర్‌.. నిజంగా కూలింగ్ పెరుగుతుందా? నిపుణులు చెప్పేది వింటే..!
ఏఐ కేవలం ఒక యంత్రంలా కాకుండా మనిషి మానసిక స్థితిని కూడా పరిగణనలోకి తీసుకుని ప్రశ్న అడగడంపై నెటిజన్లు ఆశ్చర్యం వ్యక్తం చేస్తున్నారు. ‘కేవలం డబ్బులే కాదు. ఆఫీస్ వాతావరణం కూడా ముఖ్యమే అని ఏఐ చెప్పడం నిజంగా గ్రేట్’ అని కొందరు కామెంట్స్ చేస్తున్నారు. మరికొందరు మాత్రం ‘డబ్బులు మిగిలితే చాలు బాస్. ఆఫీస్ ఒత్తిడి కంటే ఇంట్లో ఒంటరితనమే నయం’ అని కామెంట్లు చేస్తున్నారు. ఏది ఏమైనా చాట్ జీపీటీ చేసిన ఈ విశ్లేషణ ఇప్పుడు కార్పొరేట్ వర్గాల్లో పెద్ద చర్చకే దారితీసిందని చెప్పవచ్చు.
Also Read: జియో బంపరాఫర్.. రూ.448 ప్లాన్‌తో 84 రోజుల వ్యాలిడిటీ.. మరెన్నో బెనిఫిట్స్!
Share
స్టీల్ప్లాంట్ ఫ్యూచర్పై జగన్ ఆసక్తికర వ్యాఖ్యలు.. బాధితులకు జగన్ పరామర్శ, ప్రభుత్వంపై రుసరుసలు
రణ్వీర్ సింగ్ బాక్సాఫీస్ సునామీ.. ‘పుష్ప-2’ రికార్డులను తిరగరాసిన ‘దురంధర్-2’
