Xiaomi 17T: భారతీయ స్మార్ట్‌ఫోన్ మార్కెట్లోకి షావోమి తమ సరికొత్త ఫ్లాగ్‌షిప్ మోడల్ Xiaomi 17T ని అధికారికంగా విడుదల చేసింది. తక్కువ ధరలోనే అల్ట్రా ప్రీమియం ఫీచర్లను వినియోగదారులకు అందించే లక్ష్యంతో ఈ ఫోన్‌ను మార్కెట్లోకి తీసుకొచ్చారు. ముఖ్యంగా లక్ష రూపాయలకు పైగా ఉండే ప్రీమియం మోడల్స్‌లో మాత్రమే కనిపించే పెరిస్కోప్ కెమెరాను ఈ మిడ్‌రేంజ్ ధరలోనే అందించడం విశేషం.
భారత్‌లో Xiaomi 17T బేస్ వేరియంట్ (12GB RAM + 256GB స్టోరేజ్) ధర రూ.59,999గా ఉంది. అలాగే 512GB స్టోరేజ్ టాప్ వేరియంట్ ధరను రూ.64,999గా నిర్ణయించారు. ఇది బ్లాక్, బ్లూ, వైలెట్ రంగుల్లో లభిస్తుంది. జూన్ 10 నుండి అమెజాన్, ఎంఐ వెబ్‌సైట్లలో అమ్మకాలు ప్రారంభం కానున్నాయి. బ్యాంక్ ఆఫర్ల ద్వారా రూ.5,000 వరకు అదనపు డిస్కౌంట్ కూడా పొందొచ్చు.
ఈ ఫోన్ 6.59 ఇంచుల 1.5K అమోలెడ్ స్క్రీన్‌తో వస్తుంది. ఇది 120Hz రీఫ్రెష్ రేట్, 3500 నిట్స్ గరిష్ట బ్రైట్‌నెస్‌ను సపోర్ట్ చేస్తుంది. దీనివల్ల నడిఎండలో కూడా స్క్రీన్ చాలా స్పష్టంగా కనిపిస్తుంది. స్క్రీన్ రక్షణ కోసం గొరిల్లా గ్లాస్ 7iని ఉపయోగించారు. ఫోన్ బరువు కేవలం 200 గ్రాములు మాత్రమే ఉండటంతో చేతిలో పట్టుకోవడానికి చాలా సౌకర్యంగా ఉంటుంది.
Also Read: గంటల తరబడి హెడ్‌ఫోన్స్ పెట్టుకుంటున్నారా? ఈ 60/60 రూల్ తెలియకపోతే డేంజర్లో పడ్డట్టే!
ఇక ఫొటోగ్రఫీ ప్రేమికుల కోసం ఈ Xiaomi 17Tలో అద్భుతమైన లైకా ట్రిపుల్ కెమెరా సెటప్‌ను అందించారు. మెయిన్ కెమెరా 50MP కాగా, దీంతోపాటు 5x ఆప్టికల్ జూమ్ సామర్థ్యం ఉన్న 50MP పెరిస్కోప్ టెలిఫోటో కెమెరాను చేర్చారు. ఇది సుదూరంలో ఉన్న వస్తువులను కూడా స్పష్టంగా చూపిస్తుంది. అలాగే సెల్ఫీల కోసం 32MP ఫ్రంట్ కెమెరా ఉంది.
ఈ ఫోన్‌లో మీడియాటెక్ డైమెన్సిటీ 8500 అల్ట్రా ప్రాసెసర్‌ను వాడారు. ఇది రోజువారీ వాడకంతో పాటు హెవీ గేమింగ్‌ను కూడా సులభంగా హ్యాండిల్ చేస్తుంది. అన్నింటికంటే ముఖ్యంగా దీనిలో 6500mAh సిలికాన్-కార్బన్ బ్యాటరీని అందించారు. దీనికి తోడు 67W ఫాస్ట్ ఛార్జింగ్ సపోర్ట్ కూడా ఉండటంతో బ్యాటరీ లైఫ్ గురించి అస్సలు చింతించాల్సిన అవసరం లేదు.
Also Read: ఏసీలో పడుకుంటే తలనొప్పి వస్తోందా? నిపుణులు చెబుతున్న అసలు కారణాలివే!
Share
అర్ధరాత్రి ఆ వీడియో డిలీట్ చేయడానికి కారణం అదే..... నిజం చెప్పేసిన బాలీవుడ్ బ్యూటీ!
ఇందిరమ్మ ఇళ్ల ఎంపిక గ్రామసభల్లోనే.. క్లారిటీ ఇచ్చిన అధికారులు
