Anaya Bangar: భారత మాజీ ఆటగాడు సంజయ్ బంగర్ కుమారుడు ఆర్యన్ కాస్త అనయా బంగర్ గా మారాడు. 2026 మార్చి లో థాయిలాండ్ దేశానికి వెళ్లి లింగమార్పిడి సర్జరీ చేసుకొని పూర్తిస్థాయి మహిళగా అనయా బంగర్ మారిపోయింది. అయితే సర్జరీ చేసుకున్న తర్వాత తన వెంట అబ్బాయిలు పడుతున్నారని తాజాగా కీలక వ్యాఖ్యలు చేశారు అనయా. అంతేకాదు తనను పెళ్లి చేసుకునేందుకు దాదాపు 2000 మంది వెంటపడుతున్నారని బాంబు పేల్చింది. పెళ్లి చూపులకు సిద్ధమయ్యారని తెలిపింది. పెళ్లి చేసుకోవాలని తనను టార్చర్ చేస్తున్నట్లు వెల్లడించింది. అమ్మాయిగా మారిన తర్వాత తన లైఫ్ పూర్తిగా మారిపోయిందని స్పష్టం చేసింది. దీంతో అనయా బంగర్ చేసిన వ్యాఖ్యలు వైరల్ గా మారాయి.
లింగమార్పిడి ఆపరేషన్ చేయించుకున్న తర్వాత 2000 మంది పెళ్లి చేసుకుంటానని వెంటపడుతున్నట్లు అనయా వెల్లడించింది. ఇప్పటికి ప్రపోజల్స్ వస్తూనే ఉన్నాయని తెలిపింది. అయితే ఇప్పట్లో పెళ్లి చేసుకునే ఆలోచన తనకు లేదని క్లారిటీ ఇచ్చింది. పెళ్లి కంటే ముందు తన లైఫ్ ను లీడ్ చేయడమే లక్ష్యం అని తెలిపారు. పెళ్లి గురించి పెద్దగా టెన్షన్ పడడం లేదని… ఆలోచన తన మనసులో లేదంటూ వ్యాఖ్యానించారు. తన దృష్టి మొత్తం ప్రస్తుతం క్రికెట్ పైన ఉందని ఆమె వివరించారు. టీమిండియా మహిళా క్రికెట్ జట్టుకు ప్రాతినిధ్యం వహించడమే తన అంతిమ లక్ష్యం అని మరోసారి ముక్తకంఠంతో వెల్లడించారు.
మొదట భారత మహిళల క్రికెట్ జట్టుకు ప్రాతినిధ్యం వహించడమే తన లక్ష్యమని అనయా వెల్లడించారు. ఆ తర్వాత ఆస్ట్రేలియాలో జరుగుతున్న ప్రతిష్టాత్మక బిగ్ బాష్ లీగ్ లో ఆడాలని తనకు ఎంతో ఆశగా ఉందని తెలిపారు. దానికోసం ఎంతో కష్టపడాలని వివరించారు. ఆ దిశగా తాను అడుగులు వేస్తానని స్పష్టం చేశారు. ఇది ఇలా ఉండగా సంజయ్ బంగర్ కుటుంబం నుంచి వచ్చిన అనయాకు మొదటి నుంచి క్రికెట్ అంటే ఎంతో ఇష్టం. ఈ నేపథ్యంలో క్రికెట్ పైన ప్రత్యేకమైన శ్రద్ధ పెట్టింది. ఇక్కడ అవకాశాలు వచ్చినా వదులుకోలేదు. ప్రయత్నాలు చేస్తూనే ఉంది. గతంలో లండన్ లో స్థానిక క్లబ్ క్రికెట్ కూడా ఆడింది. తన జీవితంలో ఎదురైన ఎన్నో సవాళ్లను అధిగమిస్తూ ముందుకు అడుగులు వేస్తోంది అనయా బంగర్.
Share
ఈ సంక్రాంతి మనదే.. కాకా పై చిరు అప్డేట్!
కృష్ణా జిల్లాలో ఆర్నాబ్ తుఫాన్ ఎఫెక్ట్.. దంచికొడుతున్న వర్షాలు!
