OLYMPICS 2036 : 2036 ఒలింపిక్స్ నిర్వహణకు బిడ్.. కావ్య పాప, సంజీవ్ తో రేవంత్ భారీ ప్లాన్

OLYMPICS 2036 : హైదరాబాద్ వేదికగా 2036 ఒలింపిక్స్ నిర్వహణకు బిడ్ వేయడం పై తెలంగాణ సీఎం రేవంత్ రెడ్డి ఇవాళ సమీక్ష నిర్వహించారు. హైదరాబాద్ బంజారాహిల్స్ లోని ఓ హోటల్ లో కపిల్ దేవ్, పుల్లెల గోపిచంద్, బైచుంగ్ భూటియా, సంజీవ్ గొయెంకా, అభివన్ బింద్రా, కావ్య మారన్, ఉపాసన కొణిదెలతో సీఎం రేవంత్ రెడ్డి భేటీ అయ్యారు. ఒలింపిక్స్ బిడ్ తో పాటు క్రీడలు, లాంగ్ టర్మ్ అథ్లెటిక్ డెవలప్ మెంట్, మిని స్టేడియాలు, మౌలిక సదుపాయాల కల్పన పై వీరితో చర్చించారు సీఎం రేవంత్ రెడ్డి. ఈ సందర్భంగా పలువురు క్రీడాకారులను సీఎం రేవంత్ రెడ్డి సన్మానించారు.

ఒలింపిక్స్ 2036 తెలంగాణలో..

అనంతరం సీఎం రేవంత్ రెడ్డి మాట్లాడుతూ.. “తెలంగాణ స్పోర్ట్స్ హబ్ బోర్డు సమావేశానికి హాజరయ్యే అవకాశం తనకు దక్కిందని తెలిపారు. 2036 తెలంగాణలో నిర్వహించేందుకు బిడ్ వేస్తున్నామని వెల్లడించారు. ప్రపంచ స్థాయి మౌలిక సదుపాయాలు కల్పించి.. అట్టడుగు స్థాయి నుంచి ప్రపంచ పర్యావరణ వ్యవస్థతో తెలంగాణ ప్రపంచ క్రీడా గమ్యస్థానంగా ఉంచాలని తాను దృష్టి సారిస్తున్నట్టు తెలిపారు. స్పోర్ట్స్ బడ్జెట్ లో 16 రెట్లు పెంచామని తెలిపారు. అలాగే తెలంగాణలో యంగ్ ఇండియా స్పోర్ట్స్ యూనివర్సిటీ ప్రారంభం, గ్రామ స్థాయి నుంచి రాష్ట్ర స్థాయి వరకు దశల వారిగా పోటీ నిర్వహించాలని.. అలాగే క్రీడాకారులకు ప్రోత్సాహకాలు అవకాశాలను మెరుగు పరచడం వంటి కార్యక్రమాలు చేపడుతున్నట్టు తెలిపారు. కపిల్ దేవ్, అభినవ్ బింద్రా, పుల్లెల గోపీచంద్, భైచుంగ్ భూటియా, ఉపాసన కొణిదెల మరియు డాక్టర్ సంజీవ్ గోయెంకా వంటి దిగ్గజాల నుండి విలువైన అంతర్దృష్టులు ఈ మిషన్‌ను మరింత బలోపేతం చేస్తాయి.

ఐటీ లా క్రీడా సంస్కృతి రావాలి..

ఖేలో ఇండియా, కామన్వెల్త్ క్రీడలు, ఒలింపిక్స్‌కు ఆతిథ్యమివ్వాలనే ప్రణాళికలతో.. క్రీడా విధానం, క్రీడల ప్రోత్సాహానికి సంబంధించి జాతీయ, అంతర్జాతీయ స్థాయిలో ప్రతి ఒక్కరూ తెలంగాణ రాష్ట్రం హైదరాబాద్ గురించి మాట్లాడుకోవాలన్నదే తన లక్ష్యమని తెలిపారు సీఎం రేవంత్ రెడ్డి. క్రీడా ప్రపంచానికి హైదరాబాదు వేదిక కావాలని ఆకాంక్షించారు. తెలంగాణలో ఐటీ సంస్కృతి ఉందని, ప్రతి కుటుంబము తమ పిల్లలు ఐటీ రంగంలో ఉండాలని కోరుకుంటున్నారని అదే తరహాలో క్రీడా సంస్కృతి రావాలని తాను కోరుకుంటున్నట్టు వెల్లడించారు. గతంతో పోలిస్తే బడ్జెట్ ను 16 రెట్లు పెంచామని.. క్రీడాకారులకు నగదు ప్రోత్సాహకాలు, ప్రభుత్వ ఉద్యోగాలు ఇచ్చిన విషయాన్ని గుర్తు చేశారు. ఆటల ప్రాధాన్యతను పెంచేందుకు యంగ్ ఇండియా స్పోర్ట్స్ యూనివర్సిటీని ఏర్పాటు చేస్తున్నామని తెలిపారు. క్రీడార రంగంలో తెలంగాణను అగ్రగామిగా నిలిపేందుకు స్పోర్ట్ హబ్ బోర్డు తాగిన కార్యాచరణ రూపొందించాలని సూచించారు. క్రీడారంగము అభివృద్ధికి నిధులు, నిపుణులు నిర్వహణ అవసరం ఉండడం వల్లనే బోర్డులో ప్రముఖ కార్పోరేట్లు, క్రీడాకారులు, క్రీడా నిర్వాహకులకు చోటు కల్పించామని తెలిపారు సీఎం రేవంత్ రెడ్డి. క్రీడా పరికరాలపై పన్నులను తగ్గించేలా కేంద్రంతో మాట్లాడుతామని తెలిపారు. తమ స్థాయిలో అవసరమైన ప్రోత్సాహకాలు అందిస్తామని హామీ ఇచ్చారు. యంగ్ ఇండియా స్పోర్ట్స్ యూనివర్సిటీలో ఫిజియోథెరపీ, ఇతర క్రీడా కోర్సులు ప్రవేశపెడతామని బోర్డు సభ్యులకు వివరించారు.

OLYMPICS –2036పై సీఎం రేవంత్ సమీక్షా సమావేశం

తెలంగాణ స్పోర్ట్స్ హబ్ బోర్డు మొదటి సమావేశానికి హాజరైన ముఖ్యమంత్రి

పాల్గొన్న ఉపాసన కొణిదెల, కావ్య మారన్, సంజీవ్ గోయెంకా, కపిల్ దేవ్, పుల్లెల గోపీచంద్ pic.twitter.com/qvUs1NyptW

— BIG TV Breaking News (@bigtvtelugu) August 28, 2025