Ananya Birla -Anant Ambani Marriage proposals: మంగళం బిర్లా కుమార్తె, రాయల్ చాలెంజర్స్ బెంగళూరు కో-ఓనర్..అనన్య బిర్లా సోషల్ మీడియాలో ఫుల్ యాక్టివ్ గా ఉంటారు. అంతేకాదు ఆపదలో ఉన్న వాళ్లను ఆదుకుంటూ, నిత్యం ఏదో ఒక సేవా కార్యక్రమం నిర్వహించి మంచి మనసు చాటుకుంటున్నారు. పేదవాళ్లకు సాయం చేయాలని నిత్యం ఆమె ప్రయత్నాలు చేస్తూనే ఉంటారు. అయితే అలాంటి అనన్య బిర్లాను తన ఇంటి కోడలుగా చేసుకునేందుకు అప్పట్లో ముఖేష్ అంబానీ ప్రయత్నాలు చేసినట్టు సోషల్ మీడియాలో వార్తలు వస్తున్నాయి. కానీ ఆ ఆఫర్ ను అనన్య బిర్లా రెండుసార్లు రిజెక్ట్ చేసినట్టు కూడా చెబుతున్నారు. కరణ్ జోహార్ నిర్వహించిన షోలో పాల్గొన్న అనన్య బిర్లా పెళ్లి ప్రస్తావన వచ్చిన నేపథ్యంలో ఈ అంశం హాట్ టాపిక్ అయింది.
కరణ్ జోహార్ హోస్ట్ గా చేసే కాఫీ విత్ కరణ్ షోలో తాజాగా అనన్య బిర్లా పాల్గొన్నారు. ఈ సందర్భంగా తన కుటుంబ నేపథ్యంతో పాటు వ్యాపారాల గురించి సుదీర్ఘంగా కీలక విషయాలను పంచుకున్నారు. ఈ క్రమంలో అనన్య బిర్లా పెళ్లి ప్రస్తావనను కరణ్ జోహార్ తీసుకువచ్చాడు. దీనిపై అనన్య బిర్లా చెప్పిన విషయాలు హాట్ టాపిక్ అయ్యాయి. తనను పెళ్లి చేసుకునేందుకు చాలా మంది క్యూలో ఉన్నారని వెల్లడించింది. ఓ ప్రముఖ బిలియనీర్ వ్యాపారవేత్త కుటుంబం నుంచి తనకు ఒకటి కంటే ఎక్కువ సార్లు పెళ్లి ప్రపోజల్స్ వచ్చినట్టు వెల్లడించింది. చాలా సార్లు వాళ్లు బతిలాడినా తాను ఒప్పుకోలేదని వెల్లడించింది. కానీ ఆ ఇంటర్వ్యూలో ప్రముఖ బిలియనీర్ ఫ్యామిలీ పేరు మాత్రం అనన్య బిర్లా ప్రస్తావించలేదు.
అయితే ఆ వ్యాపారవేత్త పేరును బహిర్గతం చేయకపోవడంతో.. సోషల్ మీడియాలో రకరకాల ఊహాగానాలు వ్యక్తమవుతున్నాయి. అందరూ ముఖేష్ అంబానీ ఫ్యామిలీ పేరునే చెబుతున్నారు. అనంత్ అంబానీ పెళ్లి అనన్య బిర్లాతో చేసేందుకు ముఖేష్ అంబానీ అప్పట్లో ప్లాన్ చేశాడని.. ఈ మేరకు రెండు సార్లు అడిగినా ఆమె రిజెక్ట్ చేసినట్టు ప్రచారం చేస్తున్నారు. రెండు ఫ్యామిలీలు కలిస్తే, వ్యాపారంలోనూ దూసుకెళ్లొచ్చని అంబానీ ప్లాన్ వేయగా, విఫలమైనట్టు చెబుతున్నారు. ఇందులో ఎలాంటి ఆధారాలు లేవు కానీ సోషల్ మీడియాలో మాత్రం తెగ ప్రచారం చేస్తున్నారు. కాగా 2024 జులైలో రాధిక మర్చంట్ ను అనంత్ అంబానీ పెళ్లి చేసుకున్నాడు. కాగా, ఆర్సీబీ జట్టు చైర్మన్ గా ఆర్యమాన్ విక్రమ్ బిర్లా బాధ్యతలు తీసుకోగా, కో-ఓనర్ గా అనన్య బిర్లా వ్యవహరిస్తున్నారు.
OMG, did the Ambani family send marriage proposals for their son Anant Ambani to Ananya Birla TWICE and get rejected both times? 😭 pic.twitter.com/5brewDUxry
— r (@bekhayalime) November 18, 2026