Ganguly vs virat Kohli : బీసీసీఐ అధ్యక్షుడిగా తప్పుకున్న తరువాత గంగూలీ చాలా కామెంట్స్ ఫేస్ చేస్తున్నాడు. బీసీసీఐ ప్రెసిడెంట్‌గా ఉన్నప్పుడు దాదా అంటే చాలా పవర్ ఫుల్. అతని మాటే చెల్లుబాటు. కాని, ఇప్పుడు పరిస్థితి అలా కనిపించడం లేదు. గంగూలీని తప్పు పట్టేవాళ్లే ఎక్కువ మంది ఉన్నారు. రవిశాస్త్రి అయితే.. ఇండైరెక్టుగానే కామెంట్ చేశాడు.
రవిశాస్త్రి కామెంట్స్ కంటే కూడా.. మొన్న విరాట్ కొహ్లీ, సౌరభ్ గంగూలీ మధ్య జరిగిన చిన్న ఇన్సిడెంట్ ఇప్పుడు వైరల్ అవుతోంది. ఢిల్లీ వర్సెస్ బెంగళూరు మ్యాచ్ సమయంలో ఇద్దరూ ఎదురుపడినప్పటికీ.. కొహ్లీ మొహం తిప్పుకుని వెళ్లిపోయాడు. దీంతో అందరికీ షేక్ హ్యాండ్ ఇచ్చిన గంగూలీ… కొహ్లీకి ఇవ్వకుండానే వెళ్లిపోయాడు. అందరికీ తెలిసిందే.. టీమిండియా కెప్టెన్‌గా విరాట్‌ను తొలగించిందే గంగూలీ అని. బీసీసీఐ అధ్యక్షుడిగా ఈ పని చేయడంతో ఫ్యాన్స్ హర్ట్ అయ్యారు. విరాట్ కొహ్లీ కూడా. అందుకే, ఆ కోపంతోనే మొన్న గంగూలీ ఎదురుపడినప్పటికీ.. మొహం తిప్పుకుని వెళ్లిపోయాడు.
గంగూలీ పొజిషన్ చూసి ఎవరైనా గౌరవం ఇస్తారా అనే మీనింగ్ వచ్చేట్టుగా మాజీ కోచ్ రవిశాస్త్రి కూడా కామెంట్ చేశారు. ప్రస్తుతం ఢిల్లీ జట్టుకు హెడ్ కోచ్‌గా రిక్కీ పాంటింగ్ ఉన్నాడు. గంగూలీ ఢిల్లీ క్యాపిటల్స్‌ డైరెక్టర్‌గా ఉన్నాడు. పేరుకే డైరెక్టర్ తప్పితే.. గంగూలీకి ఎలాంటి పవర్స్ ఉండవరు అని రవిశాస్త్రి కామెంట్ చేశాడు. జట్టు మొత్తం హెడ్ కోచ్ చేతిలో ఉంటుందని, డెసిషన్స్ అన్నీ మేనేజ్ మెంట్ చూసుకుంటుందని, ఇక డైరెక్టర్ పదవి ఎందుకని మాట్లాడాడు. బహుశా.. డైరెక్టర్ పదవితో తన స్థాయి మరింత పెరిగింది గంగూలీ అనుకుంటున్నాడేమో అని వ్యాఖ్యానించాడు.
పోనీ గంగూలీకి పవర్స్ ఉన్నాయనుకున్నా.. ఆ జట్టు ఇప్పటి వరకు ఎందుకు ఒక్క మ్యాచ్ కూడా గెలవలేదని ప్రశ్నించాడు. హెడ్ కోచ్‌గా పాంటింగ్, కెప్టెన్‌గా వార్నర్ ఉన్నప్పటికీ ఆ జట్టు ఇప్పటి వరకు బోణీ కొట్టకపోవడాన్ని గట్టిగానే క్వశ్చన్ చేశాడు రవిశాస్త్రి.
మొత్తానికి ఈ రెండు ఇన్సిడెంట్స్ చూసి.. గంగూలీనే తప్పు పడుతున్నారు ఫ్యాన్స్. రవిశాస్త్రి గంగూలీ గురించి చాలా చక్కగా మాట్లాడాడంటూ.. విరాట్ కొహ్లీని వెనకేసుకొస్తున్నారు. గంగూలీ కావాలనే విరాట్ కొహ్లీని కెప్టెన్సీ నుంచి తీసేశాడని సోషల్ మీడియాలో కామెంట్స్ చేస్తున్నారు.
Share
Gold Rates : నిలకడగా బంగారం ధర.. నేడు ఎంతంటే..?
Share market today : ఈవారం స్టాక్ మార్కెట్ ఎలా ఉండబోతోంది.. ప్రభావం చూపే అంశాలేంటి?
