ఐపీఎల్ 2024 సీజన్ లో ప్రస్తుతం పాయింట్ల పట్టికలో గుజరాత్ 6వ స్థానంలో ఉంది. ఇక ఢిల్లీ క్యాపిటల్స్ 8 వ స్థానంలో ఉంది. అయితే ఇంతవరకు ఢిల్లీ 8 మ్యాచ్ లు ఆడి 3 గెలిచింది. గుజరాత్ 8 మ్యాచ్ లు ఆడి 4 గెలిచింది. ఒక మ్యాచ్ వీరి మధ్య అంతరంగా ఉంది. గెలిస్తే గుజరాత్ దాటుతుంది. లేదంటే ఢిల్లీతో సమం అవుతుంది. ఇంతవరకు ఈ రెండు జట్ల మధ్య 4 మ్యాచ్ లు జరిగాయి. చెరో రెండేసి సార్లు విజయం సాధించాయి.
గుజరాత్ లో ఓపెనర్స్ సాయి సుదర్శన్, శుభ్ మన్ గిల్ ఇద్దరూ శుభారంభాలు ఇవ్వడం లేదు. ఎవరో ఒకరు త్వరగా అయిపోతున్నారు. పవర్ ప్లే కూడా పూర్తి స్థాయిలో ఆడటం లేదు. కేన్ విలియమ్సన్, శరత్, విజయ్ శంకర్ ఎవరూ పూర్తి స్థాయిలో ఇంకా ఆడలేదు. టెయిల్ ఎండర్స్ రషీద్ ఖాన్, రాహుల్ తెవాటియా వీరు చివర్లో ఒకొక్కసారి మ్యాచ్ ని నిలబెడుతున్నారు. అంతా బౌలర్లపైనే ఆధారపడి ఒకొక్కసారి నడుస్తోంది.
Also Read: ఐపీఎల్ లో సెంచరీ చేసిన 8వ కెప్టెన్.. రుతురాజ్
ఢిల్లీ విషయానికి వస్తే, గుజరాత్ కన్నా దారుణంగా ఉంది. ఎన్నో అంచనాల మధ్య ఆడుతున్న డేవిడ్ వార్నర్ ఆట తీరు నానాటికి తీసికట్టు నాగంబొట్లుగా ఉంది. పట్టుమని 10 రన్స్ కూడా చేయడం లేదు. ప్రథ్వీ షా ఏవో నాలుగు షాట్లు ఆడి పవర్ ప్లే అవకుండానే అయిపోతున్నాడు.
జాక్ ఫ్రేజర్, రిషబ్ పంత్ ఇద్దరూ కాసేపు పోరాడి అవుట్ అయిపోతున్నారు. ఈ పరిస్థితి మారాలి. అంతేకాదు బౌలింగు చాలా వీక్ గా ఉంది. ప్రత్యర్థులు అవలీలగా ఆడుతున్నారు. ఈ లోపాలను సరిచేసుకుంటే గెలిచే అవకాశాలున్నాయని సీనియర్లు వ్యాక్యానిస్తున్నారు. మరి నేటి మ్యాచ్ లో ఎలా ఆడతారో వేచి చూడాల్సిందే.
Share
Argument Over Roti : వ్యక్తి హత్యకు కారణమైన చపాతీ.. ఇద్దరిపై కేసు
Mobile Offers @ Rs 499: జీన్ ప్యాంట్ ధరకే కొత్త స్మార్ట్‌‌ఫోన్.. ఇది కదా ఆఫర్ అంటే.. !
