Pak Players Trolls Vaibhav: రైజింగ్ స్టార్స్ ఆసియా కప్ 2026 టోర్నమెంట్ లో (ACC Men’s Asia Cup Rising Stars 2026) భాగంగా పాకిస్తాన్ వర్సెస్ టీమ్ ఇండియా (India A vs Pakistan A, 8th Match) మధ్య ఇవాళ మధ్యాహ్నం మూడున్నర గంటలకు మ్యాచ్ ప్రారంభమైంది. ఈ మ్యాచ్ ప్రారంభమైన నుంచి ఇప్పటి వరకు ప్రతి ఓవర్ లోనూ ఇరు జట్ల ప్లేయర్ల మధ్య గొడవ జరుగుతూనే ఉంది. ఈ మ్యాచ్ ఓ మినీ యుద్ధాన్ని తలపిస్తోంది. ఇక లేటెస్ట్ గా వైభవ్ సూర్యవంశీని (vaibhav sooryavanshi) 11 పరుగుల వద్ద ఔట్ చేసిన పాకిస్తాన్ ఆటగాళ్లు… రెచ్చిపోయి సెలబ్రేషన్స్ చేసుకున్నారు. పెవిలియన్ కు వెళ్లే వైభవ్ సూర్యవంశీ దారుణంగా ర్యాగింగ్ చేశారు. 15 ఏళ్ల వయసులో నీకు క్రికెట్ ఏంట్రా? అన్ని మూసుకొని స్కూల్ కు వెళ్ళు అంటూ హేళన చేస్తూ స్లెడ్జింగ్ కూడా చేశారు. దీనికి సంబంధించిన ఫోటోలు, వీడియోలు వైరల్ గా మారాయి.
పాకిస్తాన్ తో జరుగుతున్న గ్రూప్ స్టేజ్ మ్యాచ్ లో చేజింగ్ కు దిగిన టీమిండియాకు ఆదిలోనే ఎదురు దెబ్బ తగిలింది. 13 బంతులు ఎదుర్కొన్న వైభవ్ సూర్యవంశీ (vaibhav sooryavanshi) రెండు బౌండరీలు బాదిన తర్వాత వికెట్ సమర్పించుకున్నాడు. 50 ఓవర్ల మ్యాచ్ ను టీ20గా ఆడే ప్రయత్నంలో భాగంగా మహమ్మద్ ఇమ్రాన్ బౌలింగ్ లో అబ్దుల్ సమద్ కు క్యాచ్ ఇచ్చి ఔట్ అయ్యాడు. ఈ తరుణంలో పెవిలియన్ కు వెళ్తున్న వైభవ్ సూర్యవంశీని మరోసారి పాకిస్తాన్ ప్లేయర్లు ర్యాగింగ్ చేశారు. జపాన్ లో జరిగిన గోల్డ్ మెడల్ మ్యాచ్ సందర్భంగా ఇలాగే వైభవ్ ను ట్రోల్ చేశారు. ఇవాళ్టి మ్యాచ్ లోనూ అదే తరహాలో సెలబ్రేషన్స్ చేసి.. వివాదానికి తెర లేపారు పాకిస్తాన్ ఆటగాళ్లు.
దోహాలు అంతర్జాతీయ క్రికెట్ స్టేడియం వేదికగా జరుగుతున్న గ్రూప్ స్టేజ్ మ్యాచ్ లో పాకిస్తాన్ జూనియర్ జట్టు భారీ స్కోరు నమోదు చేసింది. 49.2 ఓవర్లు వాడిన పాకిస్తాన్ 313 పరుగులకు ఆల్ అవుట్ అయింది. హసన్ నవాజ్ అద్భుతమైన బ్యాటింగ్ తో పాకిస్తాన్ కు భారీ స్కోరు అందించాడు. ఇక ఈ టార్గెట్ చేదించే క్రమంలో టీమిండియా పోరాడుతోంది. ఆదిలోనే వైభవ సూర్యవంశీ వికెట్ కోల్పోయిన టీమిండియా.. ఆయుష్ బదోనిని కూడా కోల్పోయింది. వైభవ్ ఔట్ అయినప్పటికీ అభిషేక్ శర్మ దాటిగా ఆడుతూ 43 పరుగులతో బ్యాటింగ్ చేస్తున్నాడు. ఇప్పటి వరకు 12 ఓవర్లు ఆడిన టీమిండియా రెండు వికెట్లు నష్టానికి 63 పరుగులు సాధించింది. మరో 250 పరుగులు చేస్తే విక్టరీ అందుకుంటుంది.
Bihari ladke ka ghee khatam 😭
Wicket of Vaibhav Sooryavanshi pic.twitter.com/Api8LWdUuV— BackToLobby (@_backtolobby) November 22, 2026