Ben Stokes – Pant: మాంచెస్టర్ వేదికగా ఇంగ్లాండ్ తో జరుగుతున్న నాలుగో టెస్ట్ లోని తొలి ఇన్నింగ్స్ లో భారత జట్టు 358 పరుగులకు ఆల్ అవుట్ అయిన విషయం తెలిసిందే. ఓవర్ నైట్ స్కోర్ 264/4 తో రెండవ రోజు ఆట ప్రారంభించిన టీమిండియా.. మరో 94 పరుగులు చేసి మిగతా 6 వికెట్లను కోల్పోయింది. అయితే తొలి రోజు ఆటలో వికెట్ కీపర్ రిషబ్ పంత్ తీవ్రంగా గాయపడిన విషయం తెలిసిందే.
క్రిస్ వోక్స్ బౌలింగ్ లో పంత్ రివర్స్ స్వీప్ ఆడే ప్రయత్నం చేశాడు. కానీ ఆ బంతి నేరుగా అతడి కుడి పాదానికి బలంగా తాకింది. దీంతో రక్తస్రావం కావడంతోపాటు పాదం వాచిపోయింది. ఈ క్రమంలో నేల మీద పాదం పెట్టేందుకు కూడా అల్లాడిపోయాడు రిషబ్ పంత్. ఇక ఆ వెంటనే గోల్ఫ్ కార్ట్ అంబులెన్స్ సహాయంతో రిటైర్డ్ హార్ట్ గా మైదానం వీడాడు. ఈ క్రమంలో పంత్ మళ్లీ బ్యాటింగ్ చేయడం కష్టమేనని అంతా భావించారు. ఇక తొలిరోజు ఆట ముగిసిన తర్వాత.. ఓవర్ నైట్ స్కోరుకు మరో పరుగు మాత్రమే జోడించి రవీంద్ర జడేజా అవుట్ అయ్యాడు.
అనంతరం వాషింగ్టన్ సుందర్ క్రీజ్ లోకి వచ్చాడు. ఇక శార్దూల్ ఠాకూర్ 41, వాషింగ్టన్ సుందర్ 27 పరుగులు చేసి.. ఆరో వికెట్ కి 38 పరుగులు జోడించారు. అనంతరం శార్దూల్ ఠాకూర్ క్యాచ్ అవుట్ అయ్యాడు. ఈ క్రమంలో భారత జట్టు త్వరగానే ఆల్ అవుట్ అవుతుందని అంతా భావించారు. కానీ జట్టు ఇబ్బందుల్లో ఉన్న సమయంలో తిరిగి బ్యాట్ పట్టుకుని కుంటుతూనే క్రీజ్ లోకి వచ్చాడు రిషబ్ పంత్. నొప్పిని భరిస్తూనే ఒంటి కాలితో బ్యాటింగ్ చేశాడు. అంతేకాదు జోప్రా ఆర్చర్ బౌలింగ్ లో ఓ భారీ సిక్సర్ కూడా బాదాడు.
బెన్ స్టోక్స్ బౌలింగ్ లో బౌండరీ బాదీ.. 70 బంతుల్లో హాఫ్ సెంచరీ పూర్తి చేసుకున్నాడు. సింగిల్స్ తీయకుండా కేవలం భారీ షార్ట్స్ కే పరిమితమయ్యాడు. అయితే ఇంగ్లాండ్ బౌలర్లు మాత్రం పంత్ కుడి పాదాన్ని టార్గెట్ చేస్తూ బౌలింగ్ చేశారు. ముఖ్యంగా బెన్ స్టోక్స్.. పదేపదే యార్కర్లు వేశాడు. అది కూడా రిషబ్ పంత్ కుడి కాలిని టార్గెట్ చేస్తూ బంతులు సంధించాడు. అయినప్పటికీ నొప్పిని భరిస్తూ ఈ బంతులను ఎదుర్కొని తన గుండె ధైర్యాన్ని ప్రదర్శించాడు.
ఆర్చర్ కూడా అదే పని చేశాడు. కానీ పంత్ ఎదురుదాడికి దిగి రెండు భారీ సిక్సర్లు బాదాడు. అలా హాఫ్ సెంచరీ పూర్తి చేసుకున్నాడు. అనంతరం ఆర్చర్ బౌలింగ్ లోనే క్లీన్ బోల్డ్ అయ్యాడు. దీంతో కాసేపటికే టీమిండియా ఇన్నింగ్స్ కి తెరపడింది. అయితే గాయం కారణంగా ఇబ్బంది పడుతున్న పంత్ పాదాన్ని టార్గెట్ చేస్తూ బౌలింగ్ చేయడం పై టీమిండియా అభిమానులు ఆగ్రహం వ్యక్తం చేస్తున్నారు. ఇంగ్లాండ్ జట్టుకు క్రీడా స్ఫూర్తి అంటే ఏంటో తెలియదని విమర్శిస్తున్నారు.
Share
IAS Officer Srilakshmi: ఓబులాపురం మైనింగ్ కేసులో.. IAS శ్రీలక్ష్మికి హైకోర్టు బిగ్ షాక్‌
Orange Benefits: రోజుకో నారింజ తింటే.. మతిపోయే లాభాలు తెలుసా ?
