IND VS NZ Final: టి20 వరల్డ్ కప్ 2026 టోర్నమెంట్ ( T20 World Cup 2026 tournament ) ఫైనల్ మ్యాచ్ ప్రారంభానికి కొన్ని గంటల సమయం మాత్రమే ఉంది. ఈ ఫైనల్ మ్యాచ్ లో టీమిండియా, న్యూజిలాండ్ జట్లు ( Team India vs New Zealand, Final )తలపడతాయి. అహ్మదాబాద్ లోని నరేంద్ర మోడీ స్టేడియంలో ( Narendra Modi Stadium, Ahmedabad ) ఈ రెండు జట్ల మధ్య బిగ్ ఫైట్ ఉంటుంది. రాత్రి 7 గంటలకు ఈ మ్యాచ్ ప్రారంభం కానుంది. అయితే ఈ నేపథ్యంలోనే బీసీసీఐ కొత్త స్కెచ్ లు వేసినట్లు వార్తలు వస్తున్నాయి. 2023 సమయంలో వన్డే వరల్డ్ కప్ ఫైనల్లో టీమిండియా ఓడిపోయిన సంగతి తెలిసిందే. అయితే అప్పుడు జరిగిన తప్పిదాలను ఈసారి జరగకుండా, అన్ని ప్రణాళికలు బీసీసీఐ చేస్తున్నట్లు జాతీయ మీడియాలో కథనాలు వస్తున్నాయి.
టి20 వరల్డ్ కప్ 2026 టోర్నమెంట్ నేపథ్యంలో టీమిండియా జట్టు కోసం ప్రత్యేకంగా కొత్త హోటల్ ను బుక్ చేసింది భారత క్రికెట్ నియంత్రణ మండలి. ఐసీసీ ముందుగా చెప్పినట్లుగా ఐటీసీ నర్మదాలో కాకుండా టీమిండియా కోసం తాజ్ స్కై లైన్ బుక్ చేసింది భారత క్రికెట్ నియంత్రణ మండలి. 2023 వన్డే వరల్డ్ కప్ సమయంలో ఐటిసి నర్మదా హోటల్ లోనే రోహిత్ శర్మ సేన బస చేసింది. అయితే అప్పుడు టీమిండియా అత్యంత దారుణంగా ఫైనల్స్ లో ఓడిపోవాల్సి వచ్చింది. ఆస్ట్రేలియా చాంపియన్ అయింది. అయితే అలాంటి తప్పిదం ఈసారి జరగకూడదని, న్యూజిలాండ్ ప్లేయర్లను ఐటిసి నర్మదా హోటల్ కు బీసీసీఐ ప్లాన్ ప్రకారం పంపించినట్లు వార్తలు వస్తున్నాయి. టీమిండియా జట్టు కోసం తాజ్ స్కై లైన్ బుక్ చేసింది బీసీసీఐ. అలాగే అహ్మదాబాద్ నరేంద్ర మోడీ స్టేడియంలో ఉన్న డ్రెస్సింగ్ రూమ్స్ న్యూజిలాండ్ కు ఇచ్చారని తెలుస్తోంది.
టీమిండియా ప్లేయర్లకు మాత్రం విసిటింగ్ టీమ్ గదిని డ్రెస్సింగ్ రూమ్ గా మార్చారని తెలుస్తోంది. ఓ వాస్తు పండితుడు చెప్పినట్లుగా బీసీసీఐ ఇలా చేసినట్లు సమాచారం. అంటే 2023లో టీమిండియాకు బ్యాడ్ లక్ ఉన్న వాటిని మొత్తం న్యూజిలాండ్ కు బీసీసీఐ కేటాయించినట్లు చెబుతున్నారు. ఎలాగైనా టీమిండియా వరల్డ్ కప్ గెలిచేలా ఈ స్కెచ్ లు వేశారని వార్తలు వస్తున్నాయి. అయితే బీసీసీఐ ఇంతలా స్కెచ్ లు వేసినప్పటికీ, టీమిండియా ప్లేయర్లు సరిగ్గా ప్రదర్శన చేస్తేనే టైటిల్ వస్తుందని మరికొంతమంది అంటున్నారు. మరికొంతమంది మాత్రం వాస్తులో మార్పులు చేస్తే కచ్చితంగా టీమిండియా కు అనుకూలంగా పరిస్థితులు ఉంటాయని చెబుతున్నారు. మరి ఏం జరుగుతుందో చూడాలి.
?igsh=Nndzb3F5Y2M0OGEx
🚨 INDIAN TEAM STAY IN DEFFERENT HOTEL AT AHMEDABAD 🚨
.🇮🇳 Team India has changed the hotel this time. Not the same one from the 2023 world cup final.
New hotel, new luck, hoping for different story at Narendra Modi Stadium in Ahmedabad……Seemore pic.twitter.com/4g021urMIw— MANU. (@IMManu_18) March 6, 2026
Share
Srinivasa Mangapuram: జయ కృష్ణ ఘట్టమనేని ‘శ్రీనివాస మంగాపురం’ కీలక అప్డేట్..
Today Movies in TV : శనివారం హిట్ మూవీస్.. వీటిని అస్సలు మిస్ చెయ్యకండి..
