Iran victory over Wales : లాస్ట్ పంచ్ మనదైతే ఆ కిక్కేవేరప్పా. ఈ పాపులర్ సినిమా డైలాగ్ లాగే… లాస్ట్ గోల్ మనదైతే ఆ కిక్కేవేరప్పా! అని అభిమానులంతా సంబరాలు చేసుకునేలా చేసింది… ఇరాన్. ఫిఫా వరల్డ్‌కప్‌లో జరిగిన మ్యాచ్‌లో అదనపు సయమం ముగియబోయే ముందు రెండు సూపర్ గోల్స్ చేసిన ఇరాన్… వేల్స్‌కు షాకిచ్చింది.
ఫిఫా వరల్డ్‌కప్‌ రేసులో నిలవాలంటే కచ్చితంగా గెలవాల్సిన మ్యాచ్‌లో ఇరాన్ అదరగొట్టింది. ప్రీక్వార్టర్ ఆశలను సజీవంగా నిలుపుకుంటూ… వేల్స్‌పై 2-0 గోల్స్ తేడాతో గెలిచింది. తొలి అర్థభాగంలో వేల్స్ గోల్‌పోస్టుపై పదేపదే దాడి చేసిన ఇరాన్… మూడుసార్లు గోల్ కొట్టే అవకాశం వచ్చినా… చేజార్చుకుంది. మరోవైపు వేల్స్ కూడా గోల్ చేయలేకపోవడంతో… తొలి అర్థభాగం ఒక్క గోల్ కూడా నమోదు కాకుండానే ముగిసింది. రెండో అర్థభాగంలోనూ రెండు జట్లు గోల్ చేసేందుకు తీవ్రంగా ప్రయత్నించినా… సఫలం కాలేకపోయాయి. నిర్ణీత సమయం ముగిసేలోగా రెండు జట్లు ఒక్క గోల్ కూడా కొట్టకపోవడంతో… అదనపు సమయం ఇచ్చారు. ఆట మరో రెండు నిమిషాల్లో ముగిసే దశకు వచ్చినా రెండు జట్టు గోల్ చేయలేకపోవడంతో… ఇక మ్యాచ్ డ్రా అవుతుందని రెండు దేశాల అభిమానులు భావించారు.
కానీ… ఆఖరి రెండు నిమిషాల్లో ఇరాన్ అద్భుతం చేసింది. వేల్స్ ఆటగాళ్ల అలసత్వాన్ని అనుకూలంగా మార్చుకున్న ఇరాన్… 99వ నిమిషంలో గోల్ కొట్టింది. ఆ జట్టు ఆటగాడు రూబెజ్‌ చెష్మీ ఇరాన్‌కు తొలి గోల్ అందించాడు. ఆ తర్వాత కాసేపటికే రమిన్‌ రిజెయిన్‌ కూడా గోల్ కొట్టడంతో ఇరాన్ 2-0తో ఆధిక్యంలోకి వెళ్లింది. రెండు గోల్స్ ఇలా అయ్యాయో లేదో… అదనపు సమయం అలా ముగియడంతో ఇరాన్ విజయం సాధించింది. ఇంగ్లండ్‌తో జరిగిన తొలి మ్యాచ్‌లో 2-6 గోల్స్ తేడాతో ఓడిన ఇరాన్… వేల్స్‌ను 2-0 గోల్స్ తేడాతో ఓడించి… నెక్ట్స్ రౌండ్ ఆశలను సజీవంగా ఉంచుకుంది. తొలి మ్యాచ్ డ్రా చేసుకున్న వేల్స్… ఇరాన్ చేతిలోనూ ఓడి ప్రీక్వార్టర్స్‌ అవకాశాలను మరింత సంక్లిష్టం చేసుకుంది.
Share
Brazilian Soccer Player Neymar : స్టార్ ప్లేయర్ నేమార్‌ కాలికి గాయం.. బ్రెజిల్ టీంకు గట్టి దెబ్బ..
Dil Raju : దిల్ రాజు ఏంటి అంత మాటనేశాడు..
