IPL 2026: ఇండియన్ ప్రీమియర్ లీగ్ 2026 టోర్నమెంట్ నేపథ్యంలో బిగ్ అప్డేట్ సోషల్ మీడియాలో వైరల్ గా మారింది. ఢిల్లీ క్యాపిటల్స్ అలాగే కేకేఆర్ జట్లకు కొత్త కెప్టెన్లు రాబోతున్నట్లు జాతీయ మీడియాలో కథనాలు వస్తున్నాయి. ఈ కథనాల ప్రకారం సంజు శాంసన్ ను ఢిల్లీ క్యాపిటల్స్ దక్కించుకునేందుకు ప్రయత్నాలు చేస్తోందని తెలుస్తోంది. సంజు శాంసన్ ను జట్టులోకి తీసుకోవడమే కాకుండా కెప్టెన్సీ ఇవ్వాలని అనుకుంటున్నారట. అదే జరిగితే అక్షర్ పటేల్ పై వేటు పడే ఛాన్సులు స్పష్టంగా కనిపిస్తున్నాయి. ఇక సంజు శాంసన్ కు బదులు మరొక ప్లేయర్ ను రాజస్థాన్ రాయల్స్ కు ట్రేడ్ చేయాలని ఆలోచన చేస్తున్నట్లు కథనాలు వస్తున్నాయి.
అదే సమయంలో ఢిల్లీ ఆటగాడైన కేఎల్ రాహుల్ ను కేకేఆర్ ట్రేడింగ్ ద్వారా తీసుకోవాలని ప్లాన్ చేస్తోందట కేకేఆర్. ఇందులో భాగంగానే కేఎల్ రాహుల్ ను ఎంత ధరకైనా కొనుగోలు చేసి కెప్టెన్సీ ఇచ్చేందుకు కూడా సిద్ధమైందట కేకేఆర్. దీనికి కేఎల్ రాహుల్ కూడా గ్రీన్ సిగ్నల్ ఇచ్చాడని చెబుతున్నారు. తమ జట్టు నుంచి ఒక ప్లేయర్ ను ఢిల్లీకి ఇచ్చి ట్రేడింగ్ ద్వారా రాహుల్ ని తీసుకోవాలని అనుకుంటున్నారు. దీనిపై ఇంకా వివరాలు తెలియాల్సి ఉంది.
ఐపీఎల్ 2026 టోర్నమెంట్ కు సంబంధించిన వేలం డిసెంబర్ మాసం 13వ తేదీ నుంచి 15వ తేదీ మధ్యలో జరిగే అవకాశాలు ఉన్నాయి. నవంబర్ 15వ తేదీ లోపు వదిలేసే ప్లేయర్ల లిస్టును తయారు చేయాలని ఇప్పటికే 10 ఫ్రాంచైజీలకు ఆదేశాలు వెళ్లాయి. దీంతో ఏ ప్లేయర్లను అంటిపెట్టుకోవాలి? ఏ ప్లేయర్ ను వదిలివేయాలి ? అనే దాని పైన ఫ్రాంచైజీలు కసరత్తులు చేస్తున్నాయి. ఈ నేపథ్యంలో ఢిల్లీ క్యాపిటల్స్ జట్టు మొత్తం నలుగురు ప్లేయర్లను వదిలేసి ఎందుకు సిద్ధమైందట. ఈ లిస్టులో ఫాఫ్ డు ప్లెసిస్ ఉన్నట్లు తెలుస్తోంది. అతనితోపాటు జాక్ ప్రెజర్ , టి. నటరాజన్ అలాగే దశుమంతా చమీరా ( Dushmantha Chameera) కూడా ఉన్నాడని ఈ ప్రచారం జరుగుతోంది. అటు కేకేఆర్ జట్టులో రింకు సింగ్ తో పాటు రస్సెల్ పేర్లు వినిపిస్తున్నాయి.
ఇది ఇలా ఉండగా ఐపిఎల్ 2026 టోర్నమెంట్ కు ( IPL 2026 Tournament ) సంబంధించిన షెడ్యూల్ కూడా దాదాపు ఖరారు అయింది. డిసెంబర్ లో మినీ వేలం జరిగితే మార్చి 15వ తేదీ 2026 నుంచి ఐపీఎల్ టోర్నమెంట్ ప్రారంభమవుతుంది. అంటే వచ్చే సంవత్సరం మార్చి 15వ తేదీ నుంచి మే 31వ తేదీ వరకు ఐపీఎల్ 2026 టోర్నమెంట్ ( IPL 2026 Tournament ) జరగనుంది అన్నమాట. దాదాపు ఈ టోర్నమెంటు లో 84 మ్యాచులు జరగనున్నాయి.
Also Read: IND vs WI: రెండో టెస్ట్ లోనూ విజయం…విండీస్ ను వైట్ వాష్ చేసిన టీమిండియా.. WTCలో మన ర్యాంక్ ఎంతంటే
🚨 𝑹𝑬𝑷𝑶𝑹𝑻𝑺 🚨
Delhi Capitals are keen to get Sanju Samson back via a trade with RR, but they aren’t sure how to make the deal. 🤔
KKR are interested in a KL Rahul who can fulfill both the wicket-keeper and opener roles. (source: Gaurav Gupta/TOI)#DC #KKR #SanjuSamson… pic.twitter.com/uqYfkfsloJ
— Sportskeeda (@Sportskeeda) October 15, 2025
Share
Sridhar Babu: తెలంగాణ మంత్రి శ్రీధర్ బాబుకు అరుదైన గౌరవం.. దేశంలోనే ఏకైక మంత్రిగా..
Hrithik Roshan: ఢిల్లీ హైకోర్టులో హృతిక్ రోషన్ కు భారీ ఊరట... వెంటనే ఆ పని చేయాలంటూ!
