టాస్ గెలిచిన లక్నో మొదట బౌలింగు తీసుకుంది. బ్యాటింగ్ కి వచ్చిన కోల్ కతా 20 ఓవర్లలో 6 వికెట్ల నష్టానికి 235 పరుగులు చేసింది. తర్వాత లక్ష్య ఛేదనలో లక్నో 16.1 ఓవర్లలో 137 పరుగులకే చేతులెత్తేసింది. దీంతో 98 పరుగుల తేడాతో కోల్ కతా విజయం సాధించింది.
236 పరుగుల లక్ష్యంతో లక్నో బ్యాటింగ్ ప్రారంభించింది. లక్ష్యం భారీగా ఉండటంతో పవర్ ప్లేలో గట్టిగా కొడదామని భావించి త్వరత్వరగా వికెట్లు పారేసుకున్నారు. ఓపెనర్ అర్షిణ్ కులకర్ణి (9) చేసి అవుట్ అయ్యాడు. మరో ఓపెనర్ కెప్టెన్ కేఎల్ రాహుల్ (25) తనూ త్వరగా అయిపోయాడు. ఫస్ట్ డౌన్ వచ్చిన మార్కస్ స్టొయినిస్ (36) కొద్దిగా నిలబడి ఉంటే బాగుండేది. కానీ అలా జరగలేదు.
దీపక్ హుడా (5), నికోలస్ పూరన్ (10), ఆయుష్ బదొని (15), టర్నర్ (16) అయిపోవడంతో తర్వాత వచ్చిన వాళ్లు సింగిల్ డిజిట్ కే అయిపోయారు. ఇలా మొత్తానికి 16.1 ఓవర్లలో 137కి ఆలౌట్ అయిపోయింది.
Also Read: తిప్పేసిన జడేజా.. చెన్నైతో పోరులో చిత్తుగా ఓడిన పంజాబ్..!
కోల్ కతా బౌలింగులో హర్షిత్ రాణా 3, వరుణ్ 3, మిచెల్ స్టార్క్ 1, సునీల్ నరైన్ 1, అండ్రీ రసెల్ 2 వికెట్లు పడగొట్టారు.
అంతకు ముందు ఫస్ట్ బ్యాటింగ్ చేసిన కోల్ కతా జట్టు ఒక రేంజ్ లో ఆడింది. పవర్ ప్లేను ఉపయోగించుకున్న ఓపెనర్లు ఇద్దరూ దంచి కొట్టారు. ఫిల్ సాల్ట్ 14 బంతుల్లో 1 సిక్సర్, 5 ఫోర్ల సాయంతో 32 పరుగులు చేసి అవుట్ అయ్యాడు. మరో ఓపెనర్ 39 బంతుల్లో 7 సిక్సర్లు, 6 ఫోర్ల సాయంతో 81 పరుగులు చేసి బలమైన పునాదులు వేశాడు. ఇదే మ్యాచ్ కి టర్నింగ్ పాయింట్ అని చెప్పాలి.
తర్వాత అందరూ దొరికిన బాల్ ని దొరికినట్టు కొట్టడమే పనిగా పెట్టుకున్నారు. వారు పెద్ద స్కోర్లు చేయలేదు, కానీ స్కోరుని పరుగులెత్తించారు. అయితే అంగ్ క్రిష్ రఘువంశీ (32), ఆండ్రీ రసెల్ (12), రింకూ సింగ్ (16), కెప్టెన్ శ్రేయాస్ అయ్యర్ (23), రమణ్ దీప్ సింగ్ (25) ఇలా ఫటాఫట్ ఆడారు. మొత్తానికి 20 ఓవర్లలో 6 వికెట్ల నష్టానికి 235 పరుగులు చేశారు.
లక్నో బౌలింగులో నవీన్ ఉల్ హక్ 3, యష్ ఠాగూర్ 1. రవి బిష్ణోయ్ 1, యుథ్వీర్ సింగ్ 1 వికెట్ పడగొట్టారు.
Share
PM Modi at Anakapalli: అనకాపల్లికి మోదీ, వైసీపీ ఛాలెంజ్, అలాగైతే తాను తప్పుకుంటా?
Heavy Rains Alert : ఏపీకి భారీ వర్షసూచన.. నేడు ఈ జిల్లాల్లో వడగాల్పులు
