Mohammad Rizwan: పాకిస్తాన్ క్రికెట్ లో సంక్షోభం నెలకొంది. ప్లేయర్లు వర్సెస్ పాకిస్థాన్ క్రికెట్ బోర్డు అన్న‌ట్లు వ్య‌వ‌హారం న‌డుస్తోంది. ఇటీవల కాలంలో మహమ్మద్ రిజ్వాన్ ను తొలగించి, పెద్ద తప్పిదం చేసిన పాకిస్తాన్ క్రికెట్ బోర్డు.. షాహీన్ ఆఫ్రిదిని రంగంలోకి దించింది. మహమ్మద్ రిజ్వాన్ కెప్టెన్సీలో అద్భుతంగా పాకిస్తాన్ ప్రదర్శన కనబరిచింది. అలాంటి మహమ్మద్ రిజ్వాన్ పక్కన పెట్టిన పాకిస్తాన్ క్రికెట్ బోర్డు, దక్షిణాఫ్రికాతో జరుగుతున్న టి20 సిరీస్ కు కూడా అతను పక్కకు పెట్టింది. అయితే ఈ నేపథ్యంలో పాకిస్తాన్ క్రికెట్ బోర్డుపై మహమ్మద్ రిజ్వాన్ ( Mohammad Rizwan) తిరుగుబాటు చేశాడు. సెంట్రల్ కాంట్రాక్ట్ పైన ఇప్పటి వరకు మహమ్మద్ రిజ్వాన్ సంతకం పెట్టలేదట. ఈ సంఘటన ఇప్పుడు హాట్ టాపిక్ అయింది.
పాకిస్తాన్ క్రికెట్ బోర్డు వర్సెస్ మహమ్మద్ రిజ్వాన్ మధ్య వివాదాలు రోజు రోజుకు పెరిగిపోతున్నాయి. ఇటీవల కాలంలోనే మహమ్మద్ రిజ్వాన్ కెప్టెన్సీ తొలగించిన పాకిస్తాన్ క్రికెట్ బోర్డు… దక్షిణాఫ్రికాతో జరుగుతున్న టీ20లకు అతన్ని పక్కకు పెట్టింది. కానీ బాబర్ ఆజాంను మాత్రం సెలెక్ట్ చేశారు. దీంతో రిజ్వాన్ బాగా హ‌ర్ట్ అయ్యారు. దక్షిణాఫ్రికాపై కేవలం టెస్టుల్లో ఆడిన మహమ్మద్ రిజ్వాన్ ను టీ20లకు దూరం పెట్టడంపై అభిమానులు కూడా విమర్శలు చేస్తున్నారు. కొంచెం కూడా పాకిస్తాన్ క్రికెట్ బోర్డుకు బుద్ధి లేదని ఫైర్ అవుతున్నారు అభిమానులు. అద్భుతంగా ఆడే మహమ్మద్ రిజ్వాన్ ను పక్కకు పెట్టడం ఏంటని నిలదీస్తున్నారు. మహమ్మద్ రిజ్వాన్ లాంటి మంచి ఆటగాన్ని వదిలిపెట్టి, ఉస్మాన్ ఖాన్ లాంటి చెత్త వికెట్ కీపర్ ను తీసుకున్నారని ఫైర్ అవుతున్నారు.
పీసీబీ నిర్ణయం తీసుకున్న త‌రుణంలో దేశవ్యాప్తంగా తీవ్రస్థాయిలో విమర్శలు వస్తున్నాయి. ఇక ఈ నేపథ్యంలో మహమ్మద్ రిజ్వాన్ కూడా సంచలన నిర్ణయం తీసుకున్నాడు. పాకిస్తాన్ క్రికెట్ బోర్డు ప్రతి సంవత్సరం ఇచ్చే సెంట్రల్ కాంట్రాక్టు పైన ఇప్పటి వరకు సంతకం కూడా చేయలేదు మహమ్మద్ రిజ్వాన్. దక్షిణాఫ్రికాతో జరుగుతున్న టి20 నేపథ్యంలో తనను ఎందుకు సెలెక్ట్ చేయలేదు ? దానికి కారణం పాకిస్తాన్ క్రికెట్ బోర్డు చెప్పాల్సిందే.. దానికి ఆన్సర్ చెబితేనే నేను సెంట్రల్ కాంట్రాక్టు పైన సంతకం చేస్తానని మహమ్మద్ రిజ్వాన్ తేల్చి చెప్పారట. ఇప్పటి వరకు 29 మంది ప్లేయర్లు ఈ సెంట్రల్ కాంట్రాక్టు పైన సంతకం చేశారు. కానీ మహమ్మద్ రిజ్వాన్ మాత్రం తిరుగుబాటు చేసి, సెంట్రల్ కాంట్రాక్ట్ పై సంతకం చేయలేదు. దీంతో మహమ్మద్ రిజ్వాన్ ను పాకిస్తాన్ క్రికెట్ బోర్డు పెద్దలు బుజ్జగిస్తున్నట్లు టాక్ వినిపిస్తోంది.
🚨 Mohammad Rizwan has not yet signed the central contract.
– He has set certain conditions, asking for an explanation on why he was dropped from the national T20 squad.
– All other 29 players have signed the contract, but Rizwan hasn’t so far. ( Qadir Khawaja) pic.twitter.com/nHdv81EP5r
— junaiz (@dhillow_) October 28, 2025
Share
Rajinikanth: సినిమాలకు రజినీ గుడ్ బై.. అనారోగ్యమే కారణమా
Aaryan Postponed: తెలుగు సినిమాలకు భయపడ్డావా విష్ణు విశాల్..
