IND VS PAK: టి20 ప్రపంచ కప్ 2026 టోర్నమెంట్ లో భాగంగా మరికొన్ని గంటల్లో ఇండియా వర్సెస్ పాకిస్తాన్ మధ్య మ్యాచ్ జరగనుంది. శ్రీలంకలోని కొలంబో ప్రేమ దాస స్టేడియం వేదికగా ఈ మ్యాచ్ జరగనుంది. శివరాత్రి రోజున రాత్రి 7 గంటలకు ఈ మ్యాచ్ ప్రారంభం కానుంది. ఈ మేరకు ఇప్పటికే టికెట్లు కూడా విక్రయించబడ్డాయి. అభిమానులు అందరూ కొలంబో చేరుకున్నారు. ఇలాంటి నేపథ్యంలో క్రికెట్ అభిమానులకు ఊహించని ఎదురు దెబ్బ తగిలింది. ఇండియా వర్సెస్ పాకిస్తాన్ మధ్య జరగబోయే మ్యాచ్ కు వరుణుడు విలన్ గా మారబోతున్నట్లు వార్తలు వస్తున్నాయి. ఈ మ్యాచ్ జరగకుండా వర్షం ముప్పు ఉన్నట్లు చెబుతున్నారు. శివరాత్రి రోజున అంటే రేపు కొలంబోలో 90% వర్షపాతం నమోదు అయ్యే ప్రమాదం ఉందని వాతావరణ శాఖ హెచ్చరికలు జారీ చేస్తోంది. ఇదే జరిగితే ఇండియా వర్సెస్ పాకిస్తాన్ మధ్య మ్యాచ్ జరిగే అవకాశాలు లేనట్లే అని అంటున్నారు.
కొలంబోలోని ప్రేమదాస స్టేడియం వేదికగా మరికొన్ని గంటల్లో ఇండియా వర్సెస్ పాకిస్తాన్ మధ్య మ్యాచ్ జరగనుంది. అయితే ఈ మ్యాచ్ కు వర్షం ముప్పుగా మారినట్లు చెబుతున్నారు. రేపు మ్యాచ్ 7:00కు ప్రారంభం అవుతుంది. ఆ సమయానికి వాతావరణం అనుకూలించే అవకాశాలు లేనట్టే అని చెబుతున్నారు. ప్రాథమిక సమాచారం ప్రకారం 80 నుంచి 95% రేపు సాయంత్రం ఏడు గంటల సమయంలో కొలంబోలోని పలు ప్రాంతాల్లో వర్షాలు పడతాయట. ఈ ఎఫెక్ట్ ప్రేమ దాస స్టేడియం దగ్గర కూడా ఉండే ప్రమాదం పొంచి ఉందని అంటున్నారు. ఇదే జరిగితే ఇండియా వర్సెస్ పాకిస్తాన్ మధ్య జరిగే మ్యాచ్ కు తీవ్ర అంతరాయం ఏర్పడునున్నట్లు వాతావరణ శాఖ సూచనలు చేస్తోంది.
శివరాత్రి రోజున ఇండియా వర్సెస్ పాకిస్తాన్ మధ్య జరిగే మ్యాచ్ కు వర్షం గండంగా మారిన సంగతి తెలిసిందే. అయితే రేపు మ్యాచ్ ప్రారంభానికి వర్షం పడి… విధ్వంసం సృష్టిస్తే ఐసీసీ ప్లాన్ B సిద్ధం చేసిందట. శివరాత్రి రోజు అసలు మ్యాచ్ జరగకుండా వర్షం పడితే.. రిజర్వుడే పెట్టేందుకు సిద్ధమైందట ఐసీసీ. ఇదే జరిగితే, ఫిబ్రవరి 16వ తేదీన ఇండియా వర్సెస్ పాకిస్తాన్ మధ్య మ్యాచ్ జరగనుంది. అదే స్టేడియం వేదికగా మ్యాచ్ నిర్వహిస్తారు. ఇక ఫిబ్రవరి 16వ తేదీన కూడా మ్యాచ్ జరగలేని పరిస్థితి ఉంటే దాదాపు 300 కోట్ల నష్టం ఐసీసీకి జరిగే ప్రమాదం ఉందట. అటు మ్యాచ్ రద్దు అయితే చెరొక పాయింట్ దక్కనుంది. దీంతో ఈ రెండు జట్లు కచ్చితంగా సూపర్ 8 లోకి దూసుకు వెళ్తాయి.
🚨 Bad news before India vs Pakistan match 🚨
– 60% to 70% chances of rain in Colombo.
– A developing low-pressure system over the Bay of Bengal may bring rain, putting India vs Pakistan game at risk of disruption.#INDvsPAK pic.twitter.com/tltCKErI3x
— Jatin Yadav (@yadav_jati17044) February 14, 2026
Share
Credit Card New Rules: క్రెడిట్ కార్డు బిల్లులు రిపోర్ట్ చేయాల్సిందే.. ఏప్రిల్ 1 నుంచి కొత్త రూల్స్!
Gadwal Municipality: గద్వాల్లో మారుతున్న రాజకీయ సమీకరణాలు.. పాగా వేసేందుకు కాంగ్రెస్ గురి..!
