IPL 2026 Playoffs: ఇండియన్ ప్రీమియర్ లీగ్ 2026 టోర్నమెంట్ లో (Indian Premier League 2026 Tournament రాయల్ ఛాలెంజర్స్ బెంగుళూరు ( Royal Challengers Bengaluru) ప్లే ఆఫ్స్ లోకి దూసుకు వెళ్ళింది. ఆదివారం ధర్మశాల వేదికగా పంజాబ్ కింగ్స్ తో జరిగిన మ్యాచ్ లో రాయల్ చాలెంజర్స్ బెంగళూరు 23 పరుగులు తేడాతో విక్టరీ కొట్టింది. ఈ విజయంతో ఐపీఎల్ 2026 ప్లే ఆఫ్స్ లోకి ఎంట్రీ ఇచ్చిన తొలి జట్టుగా బెంగుళూరు ( RCB Play Offs) చరిత్ర సృష్టించింది. ఇప్పటివరకు 9 విజయాలు నమోదు చేసుకున్న బెంగళూరు, ఏకంగా 18 పాయింట్లు సాధించింది. ఈ క్రమంలోనే పాయింట్ల పట్టికలో నెంబర్ వన్ స్థానంలో ఉండడమే కాకుండా… ప్లే ఆఫ్స్ లోకి దూసుకు వెళ్ళింది.
పంజాబ్ కింగ్స్ వర్సెస్ రాయల్ చాలెంజర్స్ బెంగళూరు (Punjab Kings vs Royal Challengers Bengaluru) మధ్య ఆదివారం ధర్మశాల వేదికగా కీలక మ్యాచ్ జరిగింది. ఈ మ్యాచ్ లో రాయల్ చాలెంజర్స్ బెంగళూరు జట్టు మొదట బ్యాటింగ్ చేసింది. ఈ క్రమంలో నిర్ణీత 20 ఓవర్లు ఆడిన బెంగుళూరు, నాలుగు వికెట్ల నష్టానికి 222 పరుగులు సాధించింది. విరాట్ కోహ్లీ, వెంకటేష్ అయ్యర్ దుమ్ము లేపడంతో భారీ స్కోర్ నమోదు చేసుకుంది బెంగళూరు. ఇక ఈ లక్ష్యాన్ని చేదించే క్రమంలో పంజాబ్ కింగ్స్ 20 ఓవర్లలో 8 వికెట్ల నష్టానికి 199 పరుగులు మాత్రమే చేయగలిగింది. టాప్ ఆర్డర్ మొత్తం విఫలమైనప్పటికీ.. శశాంక్ సింగ్ ఒక్కడే 56 పరుగులతో రాణించాడు. అయినప్పటికీ తక్కువ బంతులలో ఎక్కువ పరుగులు చేయాల్సిన నేపథ్యంలో.. బెంగళూరు చేతిలో ఓడిపోయింది పంజాబ్ కింగ్స్. దీంతో వరుసగా ఆరవ ఓటమిని చవిచూసింది. ప్లే ఆఫ్స్ ఆశలను కూడా కఠిన తరం చేసుకుంది.
సేఫ్ జోన్ లో SRH జట్టు
పంజాబ్ కింగ్స్ వర్సెస్ రాయల్ చాలెంజర్స్ బెంగళూరు మధ్య జరిగిన మ్యాచ్ నేపథ్యంలో సేఫ్ జోన్ లోకి హైదరాబాద్ వెళ్ళింది. ఇవాల్టి మ్యాచ్ లో బెంగళూరు పైన పంజాబ్ కింగ్స్ విజయం సాధించి ఉంటే, మూడవ స్థానానికి వెళ్ళేది. అప్పుడు హైదరాబాద్ నాలుగో స్థానానికి పడిపోవాల్సిన పరిస్థితి నెలకొనేది. కానీ పంజాబ్ ఓడిపోయిన నేపథ్యంలో హైదరాబాద్ జట్టు సేఫ్ జోన్ లోకి వెళ్ళింది. తన తర్వాతి మ్యాచ్లలో వరుసగా రెండింటిలో గెలిస్తే హైదరాబాద్ ప్లే ఆఫ్ కు చేరుకుంటుంది. అటు గుజరాత్ టైటాన్స్ మరొక మ్యాచ్ లో విక్టరీ కొడితే.. ప్లే ఆఫ్స్ లోకి వెళ్లడం గ్యారంటీ. అంటే బెంగుళూరు ఇప్పటికే క్వాలిఫై కాగా, గుజరాత్ టైటాన్స్, సన్ రైజర్స్ హైదరాబాద్ సులభంగా ప్లే ఆఫ్స్ లోకి వెళ్లడం గ్యారెంటీ అని చెబుతున్నారు క్రీడా విశ్లేషకులు. నాలుగో స్థానం కోసం మాత్రం చెన్నై సూపర్ కింగ్స్, రాజస్థాన్ రాయల్స్, పంజాబ్ కింగ్స్ తలపడతాయి. చెన్నై తన తర్వాతి రెండు మ్యాచ్ లలో వరుసగా రెండిటిలో గెలిస్తే.. పంజాబ్ ఇంటిదారి పట్టే ప్రమాదం ఉంది. అటు రాజస్థాన్ రాయల్స్ మరో రెండు గెలిచినా కూడా పంజాబ్ కు కష్టమే అవుతుంది. మొత్తానికి ఈ మూడు జట్ల మధ్య గట్టి పోటీనే ఉంది. మరో మూడు రోజులు పోతే నాలుగో స్థానంపై క్లారిటీ రానుంది.
🚨 RCB have qualified for the IPL 2026 playoffs.
RCB are peaking at the perfect time. In the last 6 years, they have failed to qualify for the playoffs only once and even won the trophy last year.
RCB are now coming to defend their title this season. Which team do you think can… pic.twitter.com/u7dOUzzPB4
— TEJASH (@Tejashyyyyy) May 17, 2026
Share
ట్రైలర్ ముగిసింది.. అసలు సినిమా ముందుంది.. మోడీ ‘పొదుపు’ హెచ్చరిక వెనుక అసలు కథ ఇదేనా?
బండి సంజయ్ మంత్రి పదవిపై కిషన్ రెడ్డి సంచలన వ్యాఖ్యలు..!
