IPL 2024 66th Match – Sunrisers Hyderabad Vs Gujarat Titans Abandoned due to Rain: అనుకున్నంతా అయ్యింది. హైదరాబాద్ వర్సెస్ గుజరాత్ మధ్య మ్యాచ్ టాస్ పడకుండానే వర్షం కారణంగా రద్దయ్యింది. దీంతో రెండు జట్లకి చెరొక పాయింట్ లభించింది. దీంతో ఆడకుండానే హైదరాబాద్ ప్లే ఆఫ్ కి చేరిపోయింది. ఇక 12 పాయింట్లతో గుజరాత్ 8వ స్థానంలో ఆగిపోయింది.
ముందుగా అందరూ అంచనా వేసినట్టు హైదరాబాద్ లో వర్షం ఎడతెరిపి లేకుండా కురిసింది. అయితే మధ్యలో కాసేపు వరుణుడు శాంతించాడు. దాంతో కనీసం 5 ఓవర్లు అయినా మ్యాచ్ నిర్వహిద్దామని నిర్వాహకులు అనుకున్నారు. సుమారు వంద మంది స్టేడియం సిబ్బంది అలుపెరగకుండా శ్రమించారు.
అవుట్ ఫీల్డ్ అంతా సిద్ధం చేశాక…మళ్లీ రయ్ మని వర్షం కురిసింది. అప్పటివరకు సిద్ధం చేసినదంతా పోయింది. దీంతో రాత్రి 10.30 వరకు అంపైర్లు చూశారు. అవుట్ ఫీల్డ్ అంతా చిత్తడిగా మారిపోయింది. ఆటగాళ్లకు ప్రమాదాలు జరుగుతాయని భావించి మ్యాచ్ ని రద్దు చేశారు. చెరొక పాయింట్ కేటాయించారు. ఈ మ్యాచ్‌కు భారీ స్థాయిలో హాజరైన అభిమానులు.. వర్షం కారణంగా చాలా ఇబ్బంది పడ్డారు.
Also Read: రిటైర్మెంట్ తర్వాత నేను మీకు కనిపించను.. విరాట్ కోహ్లీ సంచలన కామెంట్స్
ముఖ్యంగా లోయర్ స్టాండ్స్‌‌లోని ప్రేక్షకులకు రక్షణ లేకపోవడంతో మొత్తం తడిసిపోయారు. రద్దు చేసిన తర్వాత తిరిగి వెళుతూ చాలా ఇబ్బందులు పడ్డారు. హైదరాబాద్ రోడ్ల మీద పడి, బస్సుల వెనుక పరుగులు పెట్టారు. మెట్రో స్టేషన్లలోకి పరుగులు తీశారు. ఇంక కార్లు, బైకుల మీద వచ్చినవాళ్లు ట్రాఫిక్ జామ్ కావడంతో నానా అగచాట్లు పడ్డారు. మొత్తానికి సరదా తీరిపోయిందని చాలా మంది కామెంట్లు పెట్టారు.
మరోవైపు మ్యాచ్ రద్దయినా… ప్లే ఆఫ్ కి చేరామనే సంతోషాన్ని సన్‌రైజర్స్ ఆటగాళ్లు, అభిమానులు వ్యక్తం చేశారు. ఇకపోతే పంజాబ్ కింగ్స్‌తో జరిగే చివరి మ్యాచ్‌‌లో విజయం సాధిస్తే సన్‌రైజర్స్ హైదరాబాద్ టాప్-2 బెర్త్‌ను దక్కించుకునే అవకాశం ఉంది. అటువైపు రాజస్థాన్ వరుసగా ఐదో మ్యాచ్ కూడా ఓడిపోతేనే అది సాధ్యమవుతుంది. ఆదివారం నాడు కోల్ కతా వర్సెస్ రాజస్థాన్ మ్యాచ్ జరగనుంది.
Share
Cleaning Teeth Techniques: రోజు సరిగా బ్రష్ చేయకపోతే ఏం అవుతుందో తెలుసా...?
MI Vs LSG Match Preview: ముంబై ఆఖరి పోరాటం.. నేడు లక్నో సూపర్ జెయింట్స్‌‌తో మ్యాచ్!
