Holi: హోలీ రే హోలీ రంగేలీ.. దేశమంతా రంగులమయంగా మారింది. హోలి వేడుకలు ఉత్సాహంగా సాగాయి. ఊరూవాడా కేరింత. రంగులతో పులకింత. సామాన్యులేనా.. సెలబ్రెటీలు సైతం హోలీ పండుగ ధూంధాంగా చేసుకున్నారు. టీమిండియా క్రికెటర్లు సైతం రంగులు చల్లుకున్నారు.
క్రికెటర్ల షెడ్యూల్‌ ఫుల్ బిజీగా ఉంది. తీరిక లేకుండా సమయం గడుపుతున్నారు. అందుకే, బస్సులోనే హోలీ సెలబ్రేట్ చేసుకున్నారు. బోర్డర్‌-గావస్కర్‌ ట్రోఫీలో భాగంగా.. నాలుగో టెస్ట్ కోసం అహ్మదాబాద్‌కు చేరుకున్న క్రికెటర్లు.. బస్సులో హోలీ ఆడారు.
విరాట్ కోహ్లీ ఫుల్ ఎంజాయ్ చేశాడు. రోహిత్ శర్మ రెచ్చిపోయాడు. మిగతా ఆటగాళ్లు వాళ్లతో కలిశారు. ‘హే రంగ్ బర్‌సే’ సాంగ్‌కు రంగులు చల్లుకుంటూ.. స్టెప్పులేస్తూ.. సరదా సరదాగా హోలీ జరుపుకున్నారు. అదే జోష్ కంటిన్యూ చేస్తూ.. డ్రెసింగ్ రూమ్‌లోనూ హోలీ సెలబ్రేషన్స్ కొనసాగించారు.
బస్సులో టీమిండియా క్రికెటర్ల హోలీ సెలబ్రేషన్స్‌ను “శుభ్‌మన్‌ గిల్” రికార్డు చేసి ఇన్‌స్టాలో పోస్ట్ చేశాడు. వెంటనే ఆ వీడియో వైరల్ అయింది. లైకులు, కామెంట్లతో ట్రెండింగ్‌గా మారింది. వారెవా అంటూ.. ఆ వీడియో చూసిన నెటిజన్లు సైతం మస్త్ ఖుషీ అవుతున్నారు.
Share
Congress: కోమటిరెడ్డికి బిగుస్తున్న ఉచ్చు.. ఈసారి వేటు తప్పదా?
AP: బిల్లులన్నీ చెల్లిస్తాం.. ఉద్యోగుల దెబ్బకు దిగొచ్చిన సర్కార్.. సీపీఎస్‌పై తగ్గేదేలే..
