Vinod Kambli: టీమిండియా మాజీ క్రికెటర్ వినోద్ కాంబ్లీ మరోసారి చిక్కుల్లోపడ్డాడు. అతనిపై ముంబైలో కేసు నమోదైంది. మద్యం సేవించి తనను కొట్టడమే కాకుండా.. నోటికొచ్చినట్లు దుర్భాషలాడుతున్నాడని అతని భార్య ఆండ్రియా బాంద్రా పోలీస్ స్టేషన్‌లో ఫిర్యాదు చేసింది. ఈ మేరకు పోలీసులు కాంబ్లీపై ఎఫ్ఐఆర్ నమోదు చేశారు.
శుక్రవారం కాంబ్లీ మద్యం తాగొచ్చి అతని భార్య ఆండ్రియాపై దాడి చేశాడు. దుర్భాషలాడుతూ కుకింగ్ పాన్‌ను విసరడంతో ఆండ్రియా తలకు బలమైన గాయమైంది. దీంతో ఆమెను ఆసుపత్రికి తరలించి చికిత్స అందించారు. చికిత్స అనంతరం ఆండ్రియా బాంద్రా పోలీస్ స్టేషన్‌కు వెళ్లి కాంబ్లీపై ఫిర్యాదు చేసింది.
ఆండ్రియా ఫిర్యాదు మేరకు ఐపీసీ సెక్షన్ 324, ఐపీసీ సెక్షన్ 504 కింద కేసు నమోదు చేసి దర్యాప్తు చేస్తున్నామని పోలీసులు తెలిపారు. ఇంకా వినోద్ కాంబ్లీని అదుపులోకి తీసుకోలేదని పేర్కొన్నారు.
Share
Pervez Musharraf : కార్గిల్ కుట్రదారుగా మారి.. ప్రధానినే దించి… ముషారఫ్ ప్రస్థానం సాగిందిలా..
Raghunandanrao : కీలక పోస్టుల్లో తెలంగాణ అధికారులు ఉన్నారా?.. డీజీపీని ఏపీకి పంపాల్సిందే: రఘునందన్
