Yograj Singh On MS Dhoni Retirement: ఇండియన్ ప్రీమియర్ లీగ్ 2027 టోర్నమెంట్ (Indian Premier League 2027 Tournament) నేపథ్యంలో మిస్టర్ కూల్ మహేంద్రసింగ్ ధోని (MS Dhoni ) సంచలన ప్రకటన చేశాడు. 19 సంవత్సరాల తన ఐపీఎల్ కెరీర్ కు రిటైర్మెంట్ ప్రకటిస్తూ బిగ్ స్టేట్మెంట్ ఇచ్చాడు. దీంతో ఫ్యాన్స్ అందరూ ఉలిక్కిపడ్డారు. ధోని రిటైర్మెంట్ పై సోషల్ మీడియాలో మాజీ క్రికెటర్లు రియాక్ట్ అవుతూ ఎమోషనల్ అవుతున్నారు. పాకిస్తాన్ మాజీలు కూడా ధోని కెప్టెన్సీ, రికార్డులను మెచ్చుకుంటూ పోస్టులు పెడుతున్నారు.
ఇలాంటి నేపథ్యంలో మహేంద్ర సింగ్ ధోనీ రిటైర్మెంట్ పై యువరాజ్ సింగ్ తండ్రి యోగరాజ్ సింగ్ ( Yograj Singh ) వివాదాస్పద వ్యాఖ్యలు చేశాడు. ధోని రిటైర్మెంట్ ఇచ్చిన నేపథ్యంలో సానుభూతి ప్రకటించలేనని బాంబు పేల్చాడు. తన కొడుకు యూవీ అంతర్జాతీయ క్రికెట్ జీవితాన్ని ధోని నాశనం చేశాడని ఫైర్ అయ్యాడు. ధోని లేకుంటే మరో నాలుగు, ఐదు సంవత్సరాలు టీమిండియాను యువరాజ్ సింగ్ ఏలేవాడు అంటూ హాట్ కామెంట్స్ చేశాడు. ధోనిని జన్మలో తాను క్షమించబోనని సంచలన వ్యాఖ్యలు చేశాడు. దీంతో ధోని రిటైర్మెంట్ పై యోగరాజ్ సింగ్ చేసిన వ్యాఖ్యలు రేపుతున్నాయి.
టీమిండియా మాజీ కెప్టెన్ మహేంద్రసింగ్ ధోనిపై యోగరాజ్ సింగ్ కీలక వ్యాఖ్యలు చేశాడు. ధోని ఇన్ని సంవత్సరాలు క్రికెట్ ఆడడం గొప్పతనమేనని పేర్కొన్నాడు. మూడు సంవత్సరాల కిందట ధోని రిటైర్మెంట్ ప్రకటించి ఉంటే… అతడికి మంచి పేరు వచ్చేదని తెలిపాడు. 45 సంవత్సరాలు దాటిన తర్వాత రిటైర్మెంట్ ప్రకటిస్తే… ఏం లాభం అంటూ ఎద్దేవా చేశాడు. ఒక క్రికెటర్ గా మహేంద్ర సింగ్ ధోనీని తాను గౌరవిస్తానని యోగరాజ్ సింగ్ వెల్లడించాడు. కానీ తన కుమారుడు యువరాజు సింగ్ కు అతడు చేసిన ద్రోహాన్ని మర్చిపోలేనని.. అతన్ని జన్మలో క్షమించ బోనంటూ బాంబు పేల్చాడు.
తన కొడుకు యువరాజు సింగ్ దాదాపు నాలుగైదు సంవత్సరాలు టీమిండియా కు ప్రాతినిధ్యం వహించేవాడని… కానీ కెప్టెన్ గా ఉన్న ధోని సరిగ్గా అవకాశాలు ఇవ్వలేదని మండిపడ్డాడు. సెలెక్టర్లతో యువరాజ్ సింగ్ ప్రదర్శన పై ధోని తప్పుడు సమాచారం ఇవ్వడంతో తన కొడుకు కెరీర్ నాశనమైందని ఫైర్ అయ్యాడు. లేకపోతే తన కొడుకు మరిన్ని ఉన్నత శిఖరాలకు చేరే వాడని వెల్లడించాడు. 2007 సమయంలో కూడా ధోని కారణంగా యువరాజ్ సింగ్ కు కెప్టెన్సీ రాలేదని తెలిపాడు. ధోని టీమిండియాలోకి రాకుంటే కచ్చితంగా యువరాజ్ కెప్టెన్ అయ్యేవాడన్నాడు. కెప్టెన్ అయింటే టీమిండియాకు ఎన్ని ట్రోఫీలు తెచ్చేవారని గుర్తు చేశాడు. క్యాన్సర్ తో పోరాడి 2011 ప్రపంచ కప్ అందించిన యువరాజ్ సింగ్ కు భారతరత్న ఇవ్వాలని డిమాండ్ చేశాడు.