Inzamam-ul-Haq On IND VS PAK handshakes: అంధుల T20 ఆసియా కప్ 2026 టోర్నమెంటు చాలా ఉత్కంఠ భరితంగా సాగుతోంది. అయితే ఈ టోర్నమెంట్ లో భాగంగా ఇవాళ దాయాదుల పోరు జరుగుతోంది. బంగ్లాదేశ్ రాజధాని ఢాకా అన్వీర్ క్రికెట్ స్టేడియం వేదికగా ఇండియా వర్సెస్ పాకిస్తాన్ మధ్య అంధుల మ్యాచ్ షురూ అయింది. అయితే ఇందులో టాస్ గెలిచిన టీమిండియా మొదట బ్యాటింగ్ చేసేందుకు నిర్ణయం తీసుకుంది. ఈ సందర్భంగా పాకిస్తాన్, టీమిండియా కెప్టెన్లు ఇద్దరు షేక్ హ్యాండ్ (IND VS PAK handshakes) ఇచ్చుకున్నారు. దీనికి సంబంధించిన ఫోటో ఇప్పుడు వైరల్ గా మారింది. దీనిపై రకరకాల కామెంట్స్ సోషల్ మీడియాలో వైరల్ అవుతున్నాయి.
అంధుల ఆసియా కప్ 2026 టోర్నమెంట్ సందర్భంగా టీమిండియా, పాకిస్తాన్ కెప్టెన్లు ఇద్దరు షేక్ హ్యాండ్ ఇచ్చుకోవడంపై మాజీ కెప్టెన్ ఇంజమామ్ ఉల్ హక్ రియాక్ట్ అయ్యాడు. అంధులు అయినప్పటికీ క్రీడా స్ఫూర్తిని నిలిపారని మెచ్చుకున్నాడు. రెండు దేశాల మధ్య యుద్ధ వాతావరణం ఉన్న నేపథ్యంలో… వాటిని పక్కకు పెట్టి షేక్ హ్యాండ్ ఇచ్చుకోవడం ప్రసంశించదగ్గ విషయమని తెలిపాడు. క్రీడాలు, రెండు దేశాల మధ్య సరిహద్దు వివాదాలకు సంబంధం పెట్టకూడదని కోరాడు.
కానీ అనవసరంగా భారత క్రికెట్ నియంత్రణ మండలి..రెండు దేశాల సమస్యను క్రికెట్ పై రుద్దుతోందనిమండిపడ్డాడు. అంధుల క్రికెట్ చూసైనా బీసీసీఐ కళ్ళు తెరవాలని చురకలు అంటించాడు. భవిష్యత్తులో టీమిండియా వర్సెస్ పాకిస్తాన్ మధ్య జరిగే అంతర్జాతీయ మ్యాచులలో ఇరు జట్ల కెప్టెన్లు షేక్ హ్యాండ్ ఇచ్చుకునేలా బీసీసీఐ ముందుకు రావాలని కోరాడు. అంతేకాదు రెండు దేశాల మధ్య ద్వైపాక్షిక సిరీస్ లు కూడా జరిగేలా ఒప్పందం కోసం బీసీసీఐ ముందుకు రావాలని ఇంజమామ్ రిక్వెస్ట్ చేశాడు.
అంధుల టీ20 ఆసియా కప్ 2026 టోర్నమెంట్ కు బంగ్లాదేశ్ ఆతిథ్యం ఇస్తోంది. ఈ టోర్నమెంట్ నవంబర్ 15వ తేదీన ప్రారంభమైంది. టీమిండియా, పాకిస్తాన్, బంగ్లాదేశ్, శ్రీలంక, ఆఫ్ఘనిస్తాన్ జట్లు ఇందులో పాల్గొంటున్నాయి. నవంబరు 15వ తేదీన ఈ టోర్నమెంట్ ప్రారంభం కాగా ఫైనల్ మ్యాచ్ ఈనెల 20వ తేదీన ఉంటుంది. ఈ ఐదు జట్లలో టాప్ లో నిలిచిన మొదటి రెండు టీమ్స్ మధ్య ఫైనల్స్ ఉంటుంది. ఇక ఇవాళ టీం ఇండియా వర్సెస్ పాకిస్తాన్ మధ్య మ్యాచ్ జరుగుతోంది. మొదటి మ్యాచ్ లో శ్రీలంక పై టీమిండియా 179 పరుగుల తేడాతో విక్టరీ అందుకుంది.