Yograj Singh: ఐసీసీ ఛాంపియన్స్ ట్రోఫీ 2025లో డిపెండింగ్ ఛాంపియన్స్ పాకిస్తాన్ గ్రూప్ స్టేజ్ లోనే ఇంటి ముఖం పట్టింది. ప్రారంభ మ్యాచ్ లో న్యూజిలాండ్ చేతిలో 60 పరుగుల తేడాతో ఓడిపోయిన పాకిస్తాన్.. ఆదివారం రోజు దుబాయిలో చిరకాల ప్రత్యర్థి భారత్ చేతిలో ఆరు వికెట్ల తేడాతో చిత్తుగా ఓడిపోయింది. ఇక గ్రూప్ దశలో పాకిస్తాన్ ఒక మ్యాచ్ ఆడాల్సి ఉన్నా.. అది నామ మాత్రమే. సోమవారం బంగ్లాదేశ్ తో జరిగిన మ్యాచ్ లో న్యూజిలాండ్ ఘన విజయం సాధించడంతో.. పాకిస్తాన్ అధికారికంగా టోర్నీ నుంచి తప్పుకుంది.
ఒకవేళ ఈ మ్యాచ్ లో బంగ్లాదేశ్ గెలిచి ఉంటే పాకిస్తాన్ సెమీస్ ఆశలు ఇంకా సజీవంగా ఉండేవి. ఇక ఈ టోర్నీలో పాకిస్తాన్ దారుణ ప్రదర్శన కనబరిచింది. దీంతో పాకిస్తాన్ కధ టోర్నీ ప్రారంభమైన కేవలం ఆరు రోజులలోనే తేలిపోయింది. ఈ క్రమంలో పాకిస్తాన్ జట్టు ముప్పేట దాడిని ఎదుర్కొంటుంది. పాకిస్తాన్ మాజీ క్రికెటర్లు వసీమ్ అక్రమ్, వకార్ యూనిస్, షోయబ్ అక్తర్.. ఇలా చాలామంది ప్రస్తుతం పాకిస్తాన్ జట్టును మార్చడం గురించి మాట్లాడుతున్నారు. ఈ క్రమంలోనే టీమిండియా మాజీ దిగ్గజ ఆల్రౌండర్ యువరాజ్ సింగ్ తండ్రి, భారత మాజీ ఫాస్ట్ బౌలర్ యోగరాజ్ సింగ్ {Yograj Singh} కి సంబంధించిన ఓ వీడియో వైరల్ గా మారింది.
ఈ వీడియోలో యోగరాజ్ సింగ్.. తనని పాకిస్తాన్ జట్టు కోచ్ గా నియమిస్తే.. ఆ జట్టు పరిస్థితిని, దశ దిశలను మారుస్తానని చెప్పినట్లు కనిపిస్తోంది. ఈ వీడియోలో యోగరాజ్ మాట్లాడుతూ.. ” కొన్నిసార్లు నాకు పాకిస్తాన్ జట్టుకు ఫోన్ చేసి.. మీకు సరైన కోచ్ లేకపోతే, మీ జట్టుని ఒక సంవత్సరం పాటు నాకు అప్పగించండి. నేను మీ జట్టు సభ్యులను సింహాలుగా మారుస్తాను” అని చెప్పుకొచ్చాడు. ఈ నేపథ్యంలో మీరు పాకిస్తాన్ కోచ్ అవుతారా..? అని ప్రశ్నించడంతో.. ” అందులో సమస్య ఏముంది” అని బదులిచ్చాడు.
అంతేకాకుండా భారత్ – పాకిస్తాన్ ఇద్దరూ సోదరుడు లాంటివారని.. వారు ఈరోజు కాకపోయినా రేపు కచ్చితంగా కలుస్తారని చెప్పడం ఈ వీడియోలో చూడొచ్చు. పాకిస్తాన్ జట్టులో 150 కంటే ఎక్కువ వేగంతో బౌలింగ్ చేయగల ఆటగాళ్లు ఉన్నప్పటికీ.. ఆ చెట్టులో మంచి వ్యవస్థ లేదని అన్నాడు. దీంతో యోగరాజ్ సింగ్ చేసిన వ్యాఖ్యలు ప్రస్తుతం వైరల్ గా మారాయి. ఈ వీడియో పాతదే అయినప్పటికీ.. నెటిజెన్లు పలు రకాలుగా స్పందిస్తున్నారు. ఇక యోగరాజ్ 1980 డిసెంబర్ 21న ఆస్ట్రేలియా తో బ్రిస్ బెన్ లో జరిగిన వన్డే మ్యాచ్ తో అంతర్జాతీయ క్రికెట్ లోకి అరంగేట్రం చేశాడు. సునీల్ గవాస్కర్ సారధ్యంలో యోగరాజ్ తన తొలి అంతర్జాతీయ మ్యాచ్ ఆడాడు. కానీ అతడు అంతర్జాతీయ కెరీర్ కేవలం మూడు నెలలకే పరిమితమైంది. యోగరాజ్ తన కెరీర్ లో ఒక టెస్ట్, ఆరు వన్డేలు మాత్రమే ఆడాడు. ఆ తర్వాత క్రికెట్ కి గుడ్ బై చెప్పి.. సినిమాలలో నటించాడు.
Share
Sundeep Kishan Mazaka: బ్రేక్ ఈవెన్ టార్గెట్ మరీ ఇంత తక్కువా.? అయినా సందీప్‌కు సవాలే..
Govinda Divorce: గోవిందా విడాకులు.. క్లారిటీ ఇచ్చిన మేనకోడలు
