Tarakarama: తారకరామ థియేటర్. ఆ సినిమా హాల్ ఈనాటిది కాదు. 1978లో ఎన్టీఆర్ నిర్మించారు. ఆ తర్వాత అనివార్య కారణాల వల్ల మూతపడింది. కట్ చేస్తే, చాలా ఏళ్ల తర్వాత కాచిగూడలోని తారకరామ థియేటర్.. ఏషియన్ తారకరామ పేరుతో రీఓపెన్ అయింది. థియేటర్ ను టోటల్ గా రెనోవేషన్ చేశారు. అల్ట్రా మోడ్రన్ గా తీర్చిదిద్దారు.
4కే ప్రొజెక్షన్‌, సుపీరియర్‌ సౌండ్ సిస్టమ్‌తో పాటు, సీటింగ్‌లోనూ మార్పులు చేశారు. 975 సీటింగ్‌ కెపాసిటీ ఉన్న థియేటర్‌ను.. ఆడియన్స్ కు లగ్జరీ ఫీల్ కలిగించేలా 590 సీట్లకు తగ్గించారు. రెక్లైనర్‌ సీట్స్, సోఫాలను అందుబాటులోకి తెచ్చారు. డిసెంబరు 16 నుంచి హాలీవుడ్‌ మూవీ ‘అవతార్‌2’ను ప్రదర్శించనున్నారు. బుధవారం ‘ఏషియన్ తారకరామ’ను ప్రారంభించారు బాలకృష్ణ.
తారకరామ థియేటర్ చరిత్రను బాలకృష్ణ గుర్తు చేశారు. “అమ్మానాన్నల పేర్లు కలిసి వచ్చేలా ఈ థియేటర్‌ను ఏర్పాటు చేశారు. ఇది మాకు దేవాలయంతో సమానం. 1978లో ‘అక్బర్‌ సలీం అనార్కలి’ తొలి సినిమాగా ప్రదర్శించారు. ‘డాన్‌’ సినిమా ఇక్కడ 525 రోజులు ఆడింది. ఈ థియేటర్ వ్యక్తిగతంగా నాకు సెంటిమెంట్‌. మా అబ్బాయి ‘మోక్షజ్ఞ తారక రామ తేజ’ నామకరణాన్ని నాన్న ఎన్టీఆర్ ఈ థియేటర్‌లోనే చేశారు. ఏషియన్ సినిమాస్‌ సంస్థతో కలిసి ‘ఏషియన్ తారకరామ’ను ప్రేక్షకులకు అందుబాటులోకి తీసుకురావడం ఆనందంగా ఉంది. మంచి కథలు రావాలి. సినీ పరిశ్రమ మరింత అభివృద్ధి చెందాలి” అంటూ బాలకృష్ణ భావోద్వేగంతో మాట్లాడారు.
Share
IPL 2023 : ఐపీఎల్ మినీ వేలానికి రంగం సిద్ధం..
Nirmala Seetharaman : ఆశించిన స్థాయి కంటే మెరుగుపడుతోంది : నిర్మలా సీతారామన్
