ప్రకాశం జిల్లాలో జంటహత్యల కలకలం.. భార్య, అత్తల గొంతు కోసిన కిరాతకుడు!

Elchuru Attack: బాపట్ల జిల్లా సంతనూతలపాడు నియోజకవర్గం పరిధిలోని ఏల్చూరు గ్రామంలో దారుణం చోటుచేసుకుంది. కుటుంబ కలహాల నేపథ్యంతో ఓ వ్యక్తి కసి పెంచుకుని అత్త, భార్యపై విచక్షణారహితంగా దాడి చేశాడు. పదునైన ఆయుధంతో ఇద్దరి గొంతులు కోయడంతో గ్రామస్తులు ఒక్కసారిగా భయాందోళనకు గురయ్యారు.

తీవ్రరక్తస్రావంతో అత్త మృతి.. భార్య పరిస్థితి విషమం

ఈ దాడిలో తీవ్ర రక్తస్రావమైన అత్త బ్రహ్మేశ్వరి అక్కడిక్కడే ప్రాణాలు విడిచింది. భార్య నారాయణమ్మ కూడా రక్తపు మడుగులో కుప్పకూలిపోవడంతో, గమనించిన స్థానికులు వెంటనే ఆమెను సమీపంలోని ఆసుపత్రికి తరలించారు. ప్రస్తుతం ఆమె పరిస్థితి అత్యంత విషమంగా ఉన్నట్లు సమాచారం. సమాచారం అందుకున్న పోలీసులు సంఘటనా స్థలానికి చేరుకుని వివరాలు సేకరించారు.

బావమరిదితో కలిసి కత్తులతో దాడి

ప్రాథమిక సమాచారం ప్రకారం.. వసంతరాయుడు అనే వ్యక్తి, అతని సోదరుడు అనిల్‌తో కలిసి ఈ ఘాతకానికి ఒడిగట్టినట్లు తెలుస్తోంది. గత కొంతకాలంగా వీరి కుటుంబంలో అంతర్గత వివాదాలు నడుస్తున్నాయని, ఆ క్రమంలోనే కోపంతో రగిలిపోతూ ఈ దాడికి పాల్పడ్డారని స్థానికులు చెబుతున్నారు. పథకం ప్రకారమే వచ్చి గొంతులు కోసి పారిపోయినట్లు తెలుస్తోంది.

పోలీసుల దర్యాప్తు వేగవంతం

ఘటనా స్థలాన్ని పరిశీలించిన పోలీసులు కేసు నమోదు చేసుకుని దర్యాప్తు ప్రారంభించారు. నిందితులు వసంతరాయుడు, అనిల్ కోసం ప్రత్యేక బృందాలతో గాలింపు చర్యలు చేపడుతున్నారు. ప్రశాంతంగా ఉండే ఏల్చూరు గ్రామంలో ఒక్కసారిగా ఇలాంటి జంటహత్యల యత్నం జరగడంతో స్థానికులు దిగ్భ్రాంతికి గురయ్యారు.

Also Read: DR కాంగోలో ఘోర ప్రమాదం.. ఆర్మీ విమానం ధ్వంసం… 14 మంది సజీవ దహనం!