Hyderabad Traffic : గ్రేటర్‌ హైదరాబాద్ ట్రాఫిక్‌పై సీఎం రేవంత్ రెడ్డి సమీక్షించారు. నగర పరిధిలో ట్రాఫిక్ నియంత్రణను.. అత్యంత ప్రాధాన్యంగా తీసుకోవాలని పోలీసుశాఖను ఆదేశించారు. సిబ్బంది కొరతను అధిగమించేందుకు.. వెంటనే హోంగార్డుల నియామకాలు చేపట్టాలని సూచించారు. వివిధ విభాగాల్లో పనిచేస్తున్న హోంగార్డులను.. ట్రాఫిక్ విభాగానికి తిరిగి రప్పించాలని ఆదేశించారు సీఎం రేవంత్.
ట్రాఫిక్ రద్దీ ఎక్కువగా ఉన్న సమయంలో లా అండ్ ఆర్డర్ పోలీసుల సేవలు వినియోగించుకోవాలని సూచించారు. ట్రాఫిక్ పోలీసు స్టేషన్లు అప్ గ్రేడ్ చేసి.. సరిపడా సిబ్బంది ఉండేలా పునర్వవ్యస్తీకరించాలన్నారు. రద్దీ ఎక్కువగా ఉండే జంక్షన్లలో సబ్ వే, అండర్ పాస్, సర్ఫేస్ వే నిర్మాణాల సాధ్యాసాధ్యాలను పరిశీలించాలని అధికారులను ఆదేశించారు సీఎం రేవంత్. పార్కింగ్ సమస్యలు అధిగమించేందుకు మల్టీ లెవల్ కార్ పార్కింగ్ సెంటర్ల నిర్మాణాన్ని ప్రోత్సహించాలన్నారు రేవంత్.
Share
ICC Test Ranking : టాప్ 10లో భారత్ నుంచి ఒకే ఒక్కడు..!
Prasanth varma: ప్రశాంత్ వర్మకు రూ.1000 కోట్ల ఆఫర్.. కానీ..!
