Revanth Reddy: నల్లగొండ జిల్లా మిర్యాలగూడలో జరిగిన మున్సిపల్ ఎన్నికల ప్రచార సభలో ముఖ్యమంత్రి రేవంత్ రెడ్డి రైతులకు కీలకమైన శుభవార్త వినిపించారు. రాష్ట్రంలోని అన్నదాతలు ఎప్పుడెప్పుడా అని ఎదురుచూస్తున్న ‘రైతు భరోసా’ నిధులను మున్సిపల్ ఎన్నికల ప్రక్రియ ముగిసిన వెంటనే విడుదల చేస్తామని ఆయన బహిరంగంగా ప్రకటించారు. ఈ పథకం అమలు కోసం ప్రభుత్వం ఇప్పటికే 9 వేల కోట్ల రూపాయలను సిద్ధం చేసిందని, రైతుల సంక్షేమం పట్ల తమ ప్రభుత్వానికి ఉన్న నిబద్ధతను ఈ నిర్ణయం చాటిచెబుతుందని ఆయన హామీ ఇచ్చారు.
మున్సిపల్ ఎన్నికల్లో కాంగ్రెస్ అభ్యర్థులను భారీ మెజారిటీతో గెలిపించాలని ముఖ్యమంత్రి రేవంత్ రెడ్డి ఓటర్లకు విజ్ఞప్తి చేశారు. రాష్ట్రంలో తమ పార్టీకి ఎదురులేదని, సర్వేలన్నీ కాంగ్రెస్ విజయాన్నే సూచిస్తున్నాయని ఆయన ధీమా వ్యక్తం చేశారు.
సన్నబియ్యం పథకాన్ని ప్రభుత్వం చేపట్టిన అత్యంత ప్రతిష్టాత్మకమైన మార్పుగా అభివర్ణించారు. గత పదేళ్ల బీఆర్ఎస్ పాలనలో పేదలు రేషన్ కార్డుల కోసం, నాణ్యమైన బియ్యం కోసం ఎదురుచూడాల్సిన పరిస్థితి ఉండేదని విమర్శించారు. ప్రస్తుతం రాష్ట్రవ్యాప్తంగా దాదాపు 3.17 కోట్ల మందికి ప్రభుత్వం ఒక్కొక్కరికీ 6 కిలోల చొప్పున సన్నబియ్యాన్ని ఉచితంగా అందజేస్తోందని గుర్తుచేశారు. “శ్రీమంతులు తినే నాణ్యమైన బియ్యాన్ని నేడు పేదవాడి పళ్ళెంలోకి తెచ్చింది కాంగ్రెస్ ప్రభుత్వం” అని పేర్కొంటూ, ఈ పథకం లబ్ధిదారులు తప్పకుండా కాంగ్రెస్కు ఓటు వేయాలని కోరారు.
మున్సిపల్ ఎన్నికల నేపథ్యంలో గూడూరులో జరిగిన ఈ సభలో ఆయన మరికొన్ని కీలక అంశాలను ప్రస్తావించారు. సుమారు రూ. 200 కోట్లతో నిర్మించనున్న ‘యంగ్ ఇండియా ఇంటిగ్రేటెడ్ రెసిడెన్షియల్ స్కూల్’కు శంకుస్థాపన చేసిన ఆయన, విద్యా రంగంలో పెను మార్పులు తీసుకురాబోతున్నామని తెలిపారు. రాష్ట్రంలో శాంతిభద్రతల పరిరక్షణ మరియు పారదర్శక పాలన తమ ప్రభుత్వ ప్రాధాన్యత అని స్పష్టం చేశారు. మున్సిపల్ ఎన్నికలు పార్టీ గుర్తులపై జరుగుతున్నందున, ఇవి ప్రభుత్వ పనితీరుకు నిదర్శనమని, కాబట్టి అభివృద్ధిని చూసి ఓటు వేయాలని ప్రజలకు విజ్ఞప్తి చేశారు.
Read Also: KTR: ముఖ్యమంత్రిపై సీబీఐ, ఈడీ విచారణకు సుప్రీం ఆదేశాలు.. అందుకే మాపై కక్షసాధింపులు: కేటీఆర్ ధ్వజం
Share
Swetcha Effect: స్వేచ్ఛ కథనానికి లేబర్ ఆఫీస్లో హడల్.. దెబ్బకు తనిఖీలు నిర్వహించారు ఉన్నతాధికారులు
Cyber Crime: డిజిటల్ అరెస్ట్ పేరుతో రూ. 1.07 కోట్ల మోసం.. ఢిల్లీకి చెందిన నిందితుడు అరెస్ట్
