Big Stories

Krishna health Condition: కృష్ణ ఆరోగ్య పరిస్థితిలో ఎలాంటి మార్పు లేదు: వైద్యులు

Share this post with your friends

Krishna health Condition: సూపర్ స్టార్ కృష్ణ ఆరోగ్యం ఇంకా విషమంగానే ఉందని కాంటినెంటల్ ఆస్పత్రి ఛైర్మన్ డాక్టర్ గురునాథ్ రెడ్డి వెల్లడించారు. ఆరోగ్య పరిస్థితిపై ఇప్పుడేం ఏం మాట్లాడలేమని మరోసారి స్పష్టం చేశారు. కృష్ణకు వెంటిలేటర్‌పైనే వైద్యం కొనసాగుతోందని వివరించారు. కిడ్నీ, లంగ్స్‌, బ్రెయిన్‌ బాగా ఎఫెక్ట్‌ అయినట్లు డాక్టర్ గురునాథ్ రెడ్డి వెల్లడించారు. అ‍న్ని విభాగాలకు చెందిన 8 మంది వైద్యుల బృందం పర్యవేక్షిస్తోందన్నారు. ఉదయం నుంచి ఇప్పటివరకు కృష్ణ పరిస్థితిలో ఎలాంటి మార్పు లేదన్నారు. ఇలాంటి క్లిష్ట పరిస్థితుల్లో దయచేసి వారి కుటుంబ సభ్యులకు ఇబ్బందులు కలిగించవద్దని కోరారు.

కృష్ణకు మల్టీ ఆర్గాన్ ఫెయిల్యూర్ అయ్యాయని వైద్యులు చెబుతున్నారు. బ్రెయిన్‌ చాలా వరకు ఎఫెక్ట్‌ అయినట్లు వెల్లడించారు. కాంటినెంటల్ ఆస్పత్రిలో అంతర్జాతీయస్థాయి వైద్య సదుపాయాలు ఉన్నాయని తెలిపారు. ప్రపంచంలో ఎక్కడికి తీసుకెళ్లినా ఇంతకు మించి ఎలాంటి వైద్యం చేయరని స్పష్టం చేశారు. కృష్ణ ఈ ఆస్పత్రిలోనే చాలా ఏళ్లుగా చికిత్స తీసుకుంటున్నారని గురునాథ్ రెడ్డి తెలిపారు. మంగళవారం మధ్యాహ్నం ఒంటి గంటకు మరోసారి హెల్త్ బులెటిన్ విడుదల చేస్తామని వెల్లడించారు. కృష్ణ కార్డియాక్ అరెస్ట్ కు గురికావడంతో ఆదివారం అర్ధరాత్రి గచ్చిబౌలిలోని కాంటినెంటల్ ఆస్పత్రిలో చేరారు.


Share this post with your friends

ఇవి కూడా చదవండి

Latest News