Siddipet Accident: సిద్దిపేట జిల్లా హుస్నాబాద్ మండలం పందిళ్ల గ్రామం సమీపంలో జరిగిన ఘోర రోడ్డు ప్రమాదం తీవ్ర విషాదాన్ని నింపింది. వేగంగా వచ్చిన కారు, ట్రాక్టర్ ఒకదానికి ఒకటి ఢీకొనడంతో ఈ ప్రమాదం చోటుచేసుకుంది. ఈ ఘోర ప్రమాదంతో ఘటన స్థలంలోనే ఇద్దరు ప్రాణాలు కోల్పోగా, పలువురు తీవ్రంగా గాయపడ్డారు.
తండ్రీకూతుళ్ల దుర్మరణం
ఈ దుర్ఘటనలో హుస్నాబాద్‌కు చెందిన శ్రీకాంత్ (35), ఆయన ఏడేళ్ల కుమార్తె మహిరి అక్కడికక్కడే మృతి చెందారు. కంటిముందే చిన్నారి, భర్త ప్రాణాలు కోల్పోవడంతో ఆ కుటుంబ సభ్యుల రోదనలు మిన్నంటాయి. ప్రమాద తీవ్రతకు కారు ముందు భాగం నుజ్జునుజ్జయింది.
మరో ముగ్గురికి తీవ్ర గాయాలు
ఈ ప్రమాదంలో కారులో ప్రయాణిస్తున్న మరో ముగ్గురికి బలమైన గాయాలయ్యాయి. స్థానికులు వెంటనే స్పందించి బాధితులను బయటకు తీసి, చికిత్స నిమిత్తం సమీపంలోని ప్రభుత్వ ఆసుపత్రికి తరలించారు.
ఘోర రోడ్డు ప్రమాదం.. తండ్రి, కూతురు మృతి
సిద్దిపేట జిల్లా హుస్నాబాద్ మండలం పందిళ్ల వద్ద ట్రాక్టర్, కారు ఢీకొన్నాయి. ఈ ప్రమాదంలో తండ్రి శ్రీకాంత్ (35), కూతురు మహిరి(7) మృతి చెందగా.. మరో ముగ్గురికి గాయాలయ్యాయి.#Siddipet #Husnabad #RoadAccident #caraccident #Bigtv pic.twitter.com/rw4bVKUffc
— BIG TV Breaking News (@bigtvtelugu) November 9, 2026
పోలీసుల దర్యాప్తు
సమాచారం అందుకున్న పోలీసులు సంఘటనా స్థలానికి చేరుకుని పరిశీలించారు. మృతదేహాలను పోస్టుమార్టం నిమిత్తం తరలించి, కేసు నమోదు చేసుకుని ప్రమాదానికి గల కారణాలపై దర్యాప్తు జరుపుతున్నారు.
Also Read: చార్జిషీట్ వేయాంటే రూ.2 లక్షలివ్వాల్సిందే.. ఏసీబీ దాడిలో కీసర ఎస్‌ఐ అరెస్ట్!
Share
రూ.1,799కే బోట్ నుంచి కొత్త ఇయర్‌బడ్స్! ఫీచర్లు చూస్తే మతిపోతుంది
పెళ్లైన 9 నెలలకే, వధువు ఆత్మహత్య వెనుక షాకింగ్ విషయాలు, కాన్పూర్‌లో దారుణం
