Avinash Reddy Latest News(Andhra news updates): అవినాష్‌ రెడ్డి బెయిల్ ఆర్డర్‌ కాపీలో రెండు మీడియా సంస్థల తీరును తప్పుబట్టారు హైకోర్టు జడ్జి. తన వ్యక్తిగత ప్రతిష్ట దెబ్బతీసేలా కథనాలు ప్రసారం చేశారంటూ ఆ రెండు మీడియా సంస్థల తీరుపై జడ్జి తీవ్ర అభ్యంతరం వ్యక్తం చేశారు.
చర్చల్లో కొందరి ద్వారా తనపై ఆరోపణలు చేయించారని.. దాంతో ఓ దశలో తాను కేసు విచారణ నుంచి కూడా తప్పుకోవాలని అనుకున్నానని తెలిపారు. సస్పెండై, నిర్బంధించబడిన ఓ జడ్జి.. తనకు డబ్బు సంచులు వచ్చాయని అసత్య ప్రచారం చేయడం బాధాకరమని అన్నారు.
తనపై ఆరోపణలు చేయడం మీడియాకు హుందాగా ఉండదన్న న్యాయమూర్తి.. ఇలాంటి వ్యవహారాలను కోర్టు తీవ్రంగా పరిగణిస్తుందన్నారు. ఇది కోర్టు ధిక్కరణ కిందికి వస్తుందని.. ఆ మీడియా సంస్థలపై చర్యలు తీసుకోవాలా? వద్దా? అనేది చీఫ్ జస్టిస్‌కు వదిలేస్తున్నామని అన్నారు.
రెండు ఛానెళ్లలో మే 26న జరిగిన చర్చలకు సంబంధించిన వీడియోలు డౌన్‌లోడ్‌ చేయాలని రిజిస్ట్రీని ఆదేశించారు. ఇలాంటి వార్తలపై తాను సుప్రీంకోర్టుకు వెళ్తానన్నారు వెకేషన్ బెంచ్ న్యాయమూర్తి.
Share
Maternal Mortality : ప్రసవ మరణాలను తగ్గించే డ్రగ్.. టెస్టింగ్ స్టేజ్లో..
Cognitive Disorders : ఉప్పు అధికంగా తీసుకోవడం వల్ల మానసిక సమస్యలు తప్పవు..!
