HSRP Number Plate: ఇక ఖనిజ రవాణా చేసే వాహనాలకు హైసెక్యూరిటీ రిజిస్ట్రేషన్ ప్లేట్(హెచ్ఎస్ఆర్పీ) తప్పనిసరి. ఏ వాహనంకు అయినా హెచ్ఎస్ఆర్సీ ప్లేట్ లేకుంటే జరిమానా విధించనున్నారు. అయినా తీరుమారకపోతే నెంబర్ ను బ్లాక్ చేయడంతో పాటు వాహనం సీజ్ చేస్తారు. వాహనం నడిపే వ్యక్తిపైనా చర్యలు తీసుకోబోతున్నారు. ప్రభుత్వం ఈ విధానాన్ని అమల్లోకి తీసుకురాబోతున్నారు. ప్రభుత్వం ఖనిజ అక్రమరవాణాకు అడ్డుకట్టవేసేందుకు చర్యలు చేపట్టింది. ప్రతి వాహనానికి హెచ్ఎస్ఆర్పీ నెంబర్ ప్లేట్ తప్పని సరి చేసింది. ఈ నెంబర్ ప్లేట్ తో ఖనిజ రవాణా వాహనాల గుర్తింపు, పర్యవేక్షణ, అనుమతుల ధృవీకరణ, అక్రమ రవాణా పై నియంత్రణ మరింత సమర్థవంతంగా అమలు చేయడానికి దోహదపడనుంది. అందుకు సంబంధించిన ఉత్తర్వులను జారీ చేసి నెల రోజుల సమయం పెట్టింది. ఫిబ్రవరి 28 నుంచే అమల్లోకి వస్తుందని మైనింగ్ శాఖ జారీ చేసిన జీవోలో పేర్కొంది.
రాష్ట్రంలో ఖనిజ రవాణా చేసేవాహనాలు(లారీలు, టిప్పర్లు, డంపింగ్ టిప్పర్లు, ట్రాక్టర్లు) తరలిస్తున్నాయి. ఇసుక రీచ్ ల నుంచి, మైనింగ్ గనుల నుంచి, కంకర యార్డులు,మినరల్ డీలర్ యూనిట్లు, స్టాక్ యార్డుల నుంచి రావాణా చేస్తుంటాయి. 90శాతం ఖనిజా రవాణా చేసే వాహనాలకు నెంబర్ ప్లేట్లు సరిగ్గా లేకపోవడంతో వాటిని గుర్తించడం అధికారులకు ఇబ్బందిగా మారుతుంది. ప్రమాదాలు జరిగిన సమాయాల్లోనూ, అక్రమ ఇసుకరవాణా, కంకర తరలించే వాహనాలను గుర్తించడంలోనూ కష్టతరంగా మారింది. వీటన్నింటికి చెక్ పెట్టేందుకే తాత్కాలిక అనుమతి ప్రాంతాల నుంచి ఖనిజ రవాణా చేసే అన్ని వాహనాలు. ప్రతి వాహనానికి ముందు ,వెనుక భాగంలో రవాణా శాఖ నిబంధనల ప్రకారం హైసెక్యూరిటీ రిజిస్ట్రేషన్ ప్లేట్ ప్లేట్లు తప్పనిసరిగా అమర్చాలని ప్రభుత్వం ఆదేశాలు జారీచేసింది. అంతేకాదు వాహనం సైడ్లలో సైతం నెంబర్ ప్లేట్ ఉండాలని జీవోలో పేర్కొంది.
హెచ్ఎస్ఆర్పీ ప్లేట్ ఏర్పాటు బాధ్యత సంబంధిత వాహనదారుడే అని ప్రభుత్వం ఆదేశాలు జారీ చేసింది. ఆ నెంబర్ ప్లేట్ ఉన్న వాహనానికి మాత్రమే ఇసుక బుకింగ్ గానీ, కంకర, రాళ్ల తరలింపునకు అవకాశం కల్పిస్తున్నది. నంబర్ ప్లేట్లు స్పష్టంగా కనిపించేలా, చెడిపోకుండా, ఎలాంటి ట్యాంపరింగ్ లేకుండా ఉండేలా ఏర్పాటు చేయాలని ఆదేశాలను ప్రభుత్వం జారీ చేసింది. అంతే కాదు హెచ్ఎస్ఆర్పీ నెంబర్ ప్లేట్ లేని వాహనానికి ఖనిజ తరలింపు అనుమతి ఇవ్వడం లేదని ఓ అధికారి తెలిపారు. ఈ-పర్మిట్ జారీ సమయంలో ఎంట్రీ, ఎగ్జిట్ పాయింట్ల వద్ద సీసీటీవీ, ఏఎన్పీఆర్ సిస్టమ్స్ ద్వారా తనిఖీ చేయననున్నారు. హెచ్ఎస్ఆర్పీ లేకుండా లేదా, దెబ్బతిన్న, నకిలీ ట్యాంపర్ చేసిన నంబర్ ప్లేట్లు ఉన్న వాహనాలు ePermit సిస్టంలో బ్లాక్ చేయనున్నారు. పూర్తి స్థాయిలో నిబంధనలు పాటించే వరకు ఎలాంటి పర్మిట్ లేదా డిస్పాచ్ అనుమతించబడదని జీవోలో స్పష్టంగా పేర్కొన్నారు.
లారీ యజమానులు ఇప్పటివరకు నెంబర్ ప్లేట్లను సరిగ్గా ఏర్పాటు చేయడం లేదనే ఆరోపణలు ఉన్నాయి. లారీ యాజనులు, టిప్పర్ల యజమానులు వాహనాలకు నెంబర్ల ప్లేట్లు సరిగ్గా ఉండకపోవడంతో ట్రాఫిక్ చలాన్లు తప్పించుకోవడం.. నోపార్కింగ్.. రాంగ్ డైరెక్షన్ సమయంలో ఫైన్ పడకుండా జాగ్రత్తలు తీసుకుంటున్నారు. దీంతో పాటు ఇసుక, మైనింగ్, క్రషర్ల దగ్గర నెంబర్ సరిగ్గా లేకపోతే నెంబర్ ట్యాంపరింగ్ అయ్యే అవకాశం ఉంది..అవకతవకలు జరుగుతున్నట్లు అధికారులు గుర్తించారు. ఒకే వేబిల్లుపై రెండుమూడు లోడ్లు ఖనిజ రవాణా చేస్తుండటం, ఒక వాహనంకు బదులు మరోవాహనానికి రాంగ్ రూట్ లో వచ్చినందుకు, నోపార్కింగ్ లో వాహనం పెట్టారనే చలాన్లు వస్తుండటం తదితర అంశాలను దృష్టిలో ఉంచుకొని ఈ హెచ్ఎస్ఆర్పీ నెంబర్ ప్లేట్ల విధానాన్ని అమలులోకి తెస్తున్నారు.
గనులు శాఖ నిర్ణయించిన ప్రకారం జరిమానాలు విధించబడతాయని జీవోలో పేర్కొన్నారు. ప్రస్తుతం రవాణాశాఖ, ట్రాఫిక్ పోలీసులు నెంబర్ ప్లేట్ సరిగ్గా లేకుంటే వెయ్యి నుంచి 2 వేలు జరిమానా విధిస్తున్నారు. పదేపదే తప్పులు చేస్తే, అధిక జరిమానాలు విధించబడటంతో పాటు. వాహనం లేదా ఆపరేటర్ను తాత్కాలికంగా లేదా శాశ్వతంగా బ్లాక్ లిస్ట్ చేస్తామని అధికారులు హెచ్చరిస్తున్నారు. గతంలో వరంగల్ సీపీగా పనిచేసినప్పుడు నెంబర్ ప్లేట్లు సరిగ్గా లేకపోతే రంగనాథ్ చీట్ కేసులు నమోదు చేసి కోర్టుకు పంపించారు. దీంతో వరంగల్ లో నెంబర్ ప్లేట్లు సరిచేశారు.
రవాణాశాఖ నెంబర్ ప్లేట్లపై ఉక్కుపాదం మోపాల్సి ఉంది. నెంబర్ ప్లేట్ సరిగ్గాలేని వాహనాలపై జరిమానా విధించాల్సి ఉంటుంది. వాటిపై నిఘా పెట్టాల్సి ఉంది. అయితే వారు చర్యలు తీసుకోకపోవడంతో మైనింగ్ శాఖ రంగంలోకి దిగినట్లు స్పష్టమవుతోంది. ఖనిజ రవాణాచేసే వాహనాలకు హెచ్ఎస్ఆర్పీ ప్లేట్ తప్పని సరి అని జీవో జారీ చేయడం గమనార్హం. ఏది ఏమైనప్పటికీ ఈ విధానంతో అక్రమ ఖనిజరవాణాకు చెక్ పడనుంది. దీంతో ప్రభుత్వానికి ఆదాయం సైతం పెరిగే అవకాశం ఉంది.
Also Read: TDP : బూతు పార్టీ నేతలకు బుద్ధి చెప్పారా?
Share
Union Budget 2026: కేంద్ర బడ్జెట్ 2026.. రూపాయి రాక, పోక ఇలా?
ONGC Gas Leak: కోనసీమ జిల్లాలో మరోసారి గ్యాస్ లీక్.. ప్రాణ భయంతో పరుగులు తీస్తున్న ప్రజలు
