Madhulika Death: స్వేచ్ఛ బ్యూరో: వెండితెరపై కనిపించాలనే కోరిక, సినిమాల్లో నటించాలనే ఆశ ఆ యువతిని హైదరాబాద్ వైపు అడుగులు వేయించింది. కానీ, అనుకోని వివాదం, కుటుంబంలో తలెత్తిన మనస్పర్థలు చివరికి ఒక నిండు ప్రాణాన్ని బలితీసుకున్నాయి. అల్వాల్ పోలీస్ స్టేషన్ పరిధిలో జరిగిన ఈ విషాద ఘటన స్థానికంగా తీవ్ర కలకలం రేపింది.
వెండితెర కలలు.. కుటుంబంలో కలతలు
ఆంధ్రప్రదేశ్‌కు చెందిన 21 ఏళ్ల మధులిక తండ్రి చిన్నతనంలోనే మృతి చెందగా, తల్లి ఉపాధి నిమిత్తం ఖతార్ వెళ్లింది. దీంతో మధులిక అల్వాల్‌లో నివసిస్తున్న బాబాయ్ గోవర్ధన్ ఇంట్లో ఉంటూ వస్తోంది. ఈ క్రమంలో సినిమాల్లో అవకాశం కోసం హైదరాబాద్‌లోని కృష్ణానగర్‌ చుట్టూ తిరుగుతూ షూటింగ్స్‌కు వెళ్తుండేది. అయితే, యువతి సినిమాల్లోకి వెళ్లడం నచ్చని బాబాయ్ గోవర్ధన్, ఇకపై షూటింగ్స్‌కు వెళ్లవద్దంటూ ఆమెను తీవ్రంగా మందలించాడు.
మనస్తాపంతో తీవ్ర నిర్ణయం
తన ఆశలకు కుటుంబ సభ్యుల నుంచి మద్దతు లభించకపోవడం, బాబాయ్ మందలించడంతో మధులిక తీవ్ర మనస్తాపానికి గురైంది. మనసులోనే బాధను దిగమింగుతూ, ఏ క్షణంలో ఏ నిర్ణయం తీసుకుందో గానీ ఇంట్లోనే ఆత్మహత్యకు పాల్పడింది. గమనించిన కుటుంబ సభ్యులు ఆవేదనకు లోనయ్యారు.
కేసు నమోదు చేసిన పోలీసులు
ఈ ఘటనపై బాబాయ్ గోవర్ధన్ ఇచ్చిన ఫిర్యాదు ఆధారంగా అల్వాల్ పోలీసులు కేసు నమోదు చేసి దర్యాప్తు ప్రారంభించారు. మధులిక ఆత్మహత్యకు కేవలం బాబాయ్ మందలించడమే కారణమా? లేక ఇతర కుటుంబ, వ్యక్తిగత కారణాలు ఏవైనా ఉన్నాయా? అనే కోణంలో పోలీసులు విచారణ జరుపుతున్నారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. సినిమాల్లో రాణించాలనుకున్న యువతి ఇలా తనువు చాలించడం తీవ్ర విచారాన్ని నింపింది.
Also Read: గ్రాడ్యుయేట్ ఎమ్మెల్సీ పోరు.. మిత్రపక్షాల మద్దతు కోరిన రేవంత్ రెడ్డి
Share
గ్రాడ్యుయేట్ ఎమ్మెల్సీ పోరు.. మిత్రపక్షాల మద్దతు కోరిన రేవంత్ రెడ్డి
దీపిక ఒక్క నెలకు ఎంత సంపాదిస్తుందో తెలుసా..?
