Hyderabad Crime: హైదరాబాద్ నగరం మరోసారి సంచలన ఘటనతో దేశవ్యాప్తంగా చర్చకు కేంద్రంగా మారింది. చెన్నైకు చెందిన బయోమెడికల్ విద్యార్థినిపై ఇద్దరు యువకులు మద్యం మత్తులో గ్యాంగ్ రేప్‌కు పాల్పడిన ఘటన బాచుపల్లి పోలీస్ స్టేషన్ పరిధిలో వెలుగులోకి వచ్చింది. ఇది మహిళల భద్రతపై మరోసారి పెను ప్రశ్నలు కలిగిస్తోంది.
ఏం జరిగింది?
చెన్నైకు చెందిన ఫైనల్ ఇయర్ విద్యార్థిని, ఇంటర్న్‌షిప్‌ ఇప్పిస్తానని నమ్మించి, హైదరాబాద్‌కు పిలిపించాడు స్థానిక యువకుడు అజయ్. కూకట్‌పల్లిలోని ఒక లేడీస్ హాస్టల్‌లో తాత్కాలికంగా ఉంటున్న ఆమెను, తన స్నేహితుడి ఇంట్లో పార్టీ ఉందంటూ నిజాంపేటలోని రాజీవ్ గృహకల్ప ప్రాంతంలోని హరి ఫ్లాట్‌కి రమ్మని కోరాడు.
ఆమె రాగానే, బలవంతంగా మద్యం తాగింపజేసి, మత్తులోకి వెళ్లగానే ఆమెపై అజయ్ మరియు హరి ఇద్దరూ అఘాయిత్యానికి ఒడిగట్టినట్లు బాధితురాలు పోలీసులకు ఫిర్యాదు చేసింది. ఘటన అనంతరం యువతిని అక్కడే వదిలేసి పరారయ్యారు. బాధితురాలి ఫిర్యాదుతో కేసు నమోదు చేసిన బాచుపల్లి పోలీసులు, ఇద్దరి కోసం గాలింపు చేపట్టారు.
సమాజానికి హెచ్చరిక
ఇలాంటి సంఘటనలు మహిళలపై పెరుగుతున్న ముప్పుకు నిదర్శనంగా నిలుస్తున్నాయి. నమ్మకాన్ని ఆసరాగా తీసుకుని జరిగిన ఈ అఘాయిత్యం తీవ్ర ఆవేదన కలిగిస్తోంది. యువతిని మోసం చేసి, మత్తులోకి నెట్టిన తీరును మహిళా సంఘాలు తీవ్రంగా ఖండించాయి. బాధితురాలికి వెంటనే న్యాయం జరగాలని, నిందితులను వెంటనే పట్టుకుని కఠినమైన శిక్షలు విధించాలని డిమాండ్ చేస్తున్నాయి.
అవగాహన అవసరం
ఇలాంటి సంఘటనలు పునరావృతం కాకుండా, యువతలో ఆత్మరక్షణ పరిజ్ఞానం పెంచాల్సిన అవసరం ఉంది. సమాజం మొత్తం ఆడపిల్లల భద్రతను బాధ్యతగా భావించాలి. పోలీసులు తీసుకొనే చర్యలకూ, న్యాయవ్యవస్థ వేగవంతమైన తీర్పులకూ తోడుగా, సామాజిక చైతన్యం కూడా కీలకం.
Share
Pawan Kalyan OG : ఓజస్ గంభీరంగా వచ్చాడు సరే… మరి ఎన్ని రోజులు చేస్తాడు..?
Retro Movie OTT : ఓటీటీలోకి వచ్చేస్తున్న సూర్య యాక్షన్ మూవీ.. స్ట్రీమింగ్ ఎప్పటినుంచంటే..?
