12 crore CAR : కారు అంటే ఎవరికి మోజు ఉండదు చెప్పండి. బడాబాబుల నుంచి సామాన్యుల దాకా… ఓ కారు ఉంటే ఆ దర్జాయే వేరు అని అంతా అనుకుంటూ ఉంటారు. తమ బడ్జెట్ కు తగ్గట్లు కార్లు కొంటూ ఉంటారు. ఇప్పుడు హైదరాబాద్‌కు చెందిన వ్యాపారవేత్త ఒకరు… దేశంలోనే అత్యంత ఖరీదైన కారుకొని వార్తల్లో నిలిచాడు.
హైదరాబాదీ అయిన బిజినెస్ మెన్ నసీర్‌ఖాన్‌… ఏకంగా రూ.12 కోట్లు పెట్టి ‘మెక్లారెన్ 765 LT’ కారు కొన్నాడు. దానితో తాను తీసుకున్న ఫోటోలు, వీడియోలను సోషల్ మీడియాలో పెట్టాడు. క్షణాల్లో వైరల్ అయిన ఆ వీడియోలు, ఫోటోలు చూసిన వాళ్లు… రేటు వినగానే, వామ్మో.. అంతా! అంటున్నారు. నసీర్‌ఖాన్‌ దగ్గర ఇప్పటికే ఎన్నో ఖరీదైన కార్లు ఉన్నాయి. ఫెరారీ, లంబోర్గిని, రోల్స్ రాయిస్, మెర్సిడెస్ బెంజ్ వంటి ఖరీదైన కార్లను గతంలోనే సొంతం చేసుకున్నాడు… నసీర్‌ఖాన్‌.
మెక్లారెన్ కంపెనీ కొన్నాళ్ల కిందట దేశంలోనే తన తొలి షోరూమ్‌ను ముంబైలో ప్రారంభించింది. ‘765LT’ బ్రాండ్‌ను అందుబాటులోకి తీసుకువచ్చింది. రెండు రోజుల కిందటే ఆ కారును కొన్నాడు… నసీర్‌ఖాన్‌. మెక్లారెన్ కంపెనీ దేశంలో విక్రయించిన రెండు ‘765LT’కార్లలో… ఒకటి కోల్‌కతా వ్యాపారి కొనుగోలు చేయగా… రెండో కారును నసీర్‌ఖాన్‌ సొంతం చేసుకున్నాడు.
‘765LT’కారు ఎక్స్ షోరూమ్‌ ధరే రూ.12 కోట్లు అని చెబుతున్నారు. దీని రోడ్ ట్యాక్స్, ఇన్సూరెన్స్ కలుపుకుంటే దీని ధర రూ.15 కోట్ల దాకా ఉండే అవకాశం ఉంది.
‘765LT’ కారును 4.0 లీటర్ ట్విన్-టర్బోచార్జుడ్ V8 పెట్రోల్ ఇంజిన్‌తో తయారు చేసింది… మెక్లారెన్. ఈ కన్వర్టిబుల్ కారు పైకప్పు కేవలం 11 సెకన్లలోనే తెరుచుకోవడం విశేషం. మెక్లారెన్ ఇప్పటిదాకా తయారు చేసిన అత్యంత వేగవంతమైన కన్వర్టిబుల్ కార్లలో ఇదీ ఒకటి.
Share
Apple products : యూజర్ల ప్రాణాలు కాపాడుతున్న ఆపిల్ ప్రొడక్ట్స్
Bihar : బిహార్‌లో నకిలీ మద్యం.. 39కి చేరిన మృతుల సంఖ్య..
